China Embassy Nih Kawlram Chung Um Tuluk Mipi Sinah Thawng A Thanh Cang

Breaking News: China Embassy Nih Kawlram Chung Um Tuluk Mipi Sinah Thawng A Thanh Cang
=======================
China Embassy Yangon nih a ralai mi March 24, 2021 ni thawkin ahnu bik Kawlram chung ummi Tuluk mipi cu chuak dih dingin thawngthanh nak an tuah cang tiah thawng theih a si. Hi bantuk Embassy lei nih thawngthanh nak a vun tuahmi hi ahohmanh nih biafang le a ruang theih khawh a si rih lo. Nizan Hlaingthaya myo chung um Sehzung pahnih a kangh hnu ah aruang pakhat khat cu a um lai tiah ruahdam khawh a si. Nizan thihlonak le sehzung an kangh bantuk a si ahcun Kawlram chung um Tuluk mipi caah a him tilo caah a si khomi a si cang.

Tuluk ram hi cu a poi taktak khi a si ko, Kawlram chung suingun chawva vialte an duhnak le aa thawhnak vialte an ei dih le an in lak dih hnu ah mah tluk in Kawlram mipi an kan tuahto ning ruah tikah hmailei zongah Kawlram vawlei hrimhrim in umnak nawl pek ti lo bak ding an si cang. Nihin ni ah thil pakhat an buaipi ngaimi cu Kawlram chung um Tuluk mi hi an lungre a theih ngai hna tiah thawngpang theih a si. Nizan ah Sii cacawng liomi kumkhat nak a kah thahmi zong Tuluk miphun a si i, Tanghra a awng lio ah hin Mark 510 a hmumi a si tiah hringtu a nu nih a chimmi video cu hmuh dih a si.

Nizan Hlaingtay myo chungah minung tampi an nunnak a liam lio ah Yangon hrambunh China Embassy nih thawngthanh nak a vun tuahmi cu lungrawk bak a si. Kawlram mi tampi kan thi lio ah ngaihchia pinak biafang pakhat hmanh zong telh loin Kawlram chung um Tuluk nih a ngeihmi chawlehthalnak lei sehzung kong lungretheih ngaiin an umnak kong tu a thanh. Inn pa ramri kan si nakin Kawlram mipi cungah dawtnak le zaangfahnak pakhat hmanh tel loin anmah chawlehthalnak kong le pawkhimnak lawng an ruah.

Cucaah, Tuluk Embassy riantuantu vialte Kawlram mipi nih kan in herh hna lo. Mipi thihnak kong kau ah biakaa khat te hmanh ngaihchiatnak a chim kho lo mi Tuluk kan i rem hna lo, tiah mipi cheukhat an auh cang. Tuluk Embassy zong Kawlram chung vawlei ah um a herh ti lo, nan chawlehthal nak sehzung vialte zong thial dih cang uh, tiah an auh cang.