Chin State Chungah Hriamtlai Phu 2 An Chuah Than Cang! A Poi taktak Ee!

Chin State Chungah Hriamtlai Phu 2 An Chuah Than Cang! A Poi taktak Ee!
=============
Tedim peng le Tonzang peng ah Zogam Army-ZA timi ralkap Phu thar an dirh t’han. Annih hi ZRA hmanmi flag zong hmang loin anmah tein flag zong an vun i ser colh. (ZRA nih zeitin a ti te hna lai dik!)

ZRA nih Tedim peng le Tonzang peng chung cu hriamtlai dang dirh a ngah lo a ti bu ah hriamtlai phu tampi an chuak thluahmah. Atu Tedim-Tonzang chung ah a ummi hriamtlai hna cu: Khirhfabu zong tam hriamtlai zong tam kan si ko lai hi.

CNA/CNF; 1. ZFU/PDF Zoland, 2. HPO/CDF Hualngoram, 3. CDF Tonzang, 4. CDM Siyin, 5. PDA Tedim, 6. Zo Defense Force, 7. Zomi PDF (annih hi Kalay kabaw cawlcaangmi an si), 8. PDF Ciimnuai, 9 Zogam Army-ZA, 10. ZRA EC/ZNV.

PDF Zoland hi CNF aa telnak CJDC ah chungtel an si. CDF Tonzang hi CNA he direct an i Pehtlai ko. CDM Siyin zong khi CNA he an i pehtlai ngai. Adang tu khi cu CNF he an i pehtlai theih si rih lo. An tamtuk luakchuak. A herh ti lo e. Minung 20 hrawnghrang lawng an si cio fawn hna.

ZA cu Zogam caah a si Lai tiah % ka ruah ZRA cu Min Aung Hline bawm tu BGF phunkhat bantuk an si caah Min Aung Hline a doh tu paoh cu an doh ve ko lai. Chinram ah chim lo Myone pakhat ah Phu thar achuak than mu. Ahohmanh hi zeihmanh asilailo.

“Mara Army” ti in Chinram chung ah hriamtlai bu thar an rak dirh than ve. Chin ramkulh chungah “Mara Army” timi hriamtlai bu thar dirh a sinak cu Facebook page in December 21 ah an thanh. Mara Army hi Arakan Army (AA) hriamtlai phu Tun Myat Naing hruaimi sin ah training an kai mi an si hna, tiah thawngpang theih a si.

Mara Army (MNDF); Mara National Defense Force an si. Annih hi Paletwa peng AA (Rakhine) sin ah Training a kaimi an si. Chin state chungum Maraland caah ral kan do lai a ti mi an si.

ZRA cu CNA He 2004 Kum April Lio ah Camp Victoria Ah Tonnak An Rak Ngeih! ZRA cu CNA he 2004 kum April lio ah Camp Victoria ah tonnak an rak ngeih. 1999-2000 lio hrawng ah buainak rak ngeih mi kha remnak rak tuah a si. CNC zong ah rak ṭuan ṭi a rak si. CNA ralkap he tonnak tuah ding in an rak sawm hna.

Si na tein Lt. Kam Do Dal le Sgt. Suan Do Hen an rak thah hna. Cu caah zumh tlak an si lo caah ton nak zong tuah a heth lo ti ah ka ruah. Cu caah fim cuh in tonnak tuah ter awk ah nan va ti mi nang mah le nang mah kha i zoh in i ruat hmasa.

2000 lio ah CNA nih phu hlam kan rak duh na tein cung lei le leng lei nih rem daihnak an duh caah kah an rak thloh. Cu caah rem daihnak tuah ding cu a si kho ti lo. An tuah zong ah an mah zia cu a chuak ṭhan ko lai.

CNF nih CNC min tangin tuanti dingin an rak sawm peng ko hna. Chikhat cu a tuan zong an rak tuanti tak ko. Nain a tu i catialtu a chim bang hin tuanti awk an tha lo. A biapi cu ZRA nih Chinram caah zei policy hmanh a ngeih lo caah CNF lawnghmanh si loin Chin paohpaoh he cun a zei ti hmanh in an ikawp kho lai lo.

ZRA le SAC Tonnak an Ngeih caah kan Kah hna tiah CNF nih Chim; Tedim peng chung ah a cangmi Zomi Revolutionary Army (ZRA) le CNA hruaimi mipi ralkap bu karlak kahdohnak kong he pehtlai in “ZRA le SAC ralhrang karlak ton biaruahnak an ngeih caah kan kah hmasami hna a si,” tiah CNF chimnak nawlngei Salai Htet Ni nih Myanmar Now ah a chim.

December 17 zinglei ah Tedim he meng 20 hrawng a hlatnak Gawsing khuate ah ZRA le CNF hruaimi mipi ralkap bu karlak ah kahdohnak a chuak i khuami pahnih hliamhma an rak pu tiah khuami nih an chim. Cu kong he pehtlai cun Salai Htet Ni nih, “Aruang bik cu SAC he ton biaruahnak an ngeih caah a si. Cucahcun, i runvennak ca ah kan kah hmasami hna a si,” tiah a chim.

Aluancia thla chung ah ZRA nih Tedim peng chung i PDF sakhaan hmun 3 ah luh hnawhnak an tuah i, an sakhaan hrawhpiaknak tibantuk an tuah pin ah December 5 PDF-Zoland i an hruaitu pakhat a simi Pu Cin Sian Suan zong a inn ah meithal in an rak kah.

“Rialdip ralkap uknak ahram chah ding in kan doh cuahmah lio ah atu bantuk i an (ZRA) rianttuannak hi kan duh lo ngai. A si awk zong a si lo. SAC le ZRA hi an ttang tti ngaingai cang maw timi zong theih a har ngai,” tiah Salai Htet Ni nih a chim chap. Credit: The Chin Journal

Zomi Revolution Army Phu Minung 5 An Thah Hna Hlei Ah Minung 15 Hrawng India Ram Lei Ah An Zam! Nihin Media cheukhat pawl nih Zomi Revolution Army le Chin National Army I kahnak Kong ah lih lawng tein ca an tialmi hi a poi ko, tiah cheukhat nih an tarlangh. Thil dik le a hmanmi cu Chin National Army nih Zomi Revolution Army minung panga an thah hna i minung 15 hrawng India ram ah an zam, tiah an langhter.

Haimual khua le khuasing khua chiah vel cu Chin National Army (CNA) kut ah a um dih cang. Chin miphun kan dihlak caah cun thawngtha taktak a si. Chin National Army (CNA) lawng nih kahmi a si, tiah Chin World Media, Chin TV International Le Zalen nih an tarlangh nain CNDF, CDF Hualngoram le CNA phuthum komh in kahnak an tuahmi a si, tiah thawngpang theih a si.

CNDF khal a kaptu ah an tel ko e. Falam media Zalen, Chin World le Chin TV International pawl nih zeiruang ah dah CNDF min nan telh duh lo e!! ZRA kahdohnak ah nan i tel ve ko fawn. ZRA nan ttih tuk ruang ah maw si hnga aw. CNA, CDF Hualngoram le CNDF pei nan ttantti ko kha. CNDF hi a kaptu ah an ai tel lo bantukin nan i phetchem ziar fawn.

CNDF le ZRA hi zei man tuk ral dah an tuk ve ma hi Hman te chim cun lai mi kan ralkap poh hi cu CNA nan si duh lo Hmen ah nan min ah CDF nan si dih ding si ko lai mi phun poh cu tu ah CNA nan duh lo CDF zong nan duh lo na mi phun kal tak in ka dang ah nan um hi cu lung sia rem lo bak chin mi poh hi cu CNA si lo CDF nan si dih ding bak si.

Cun CNA ralkap minung 2 hrawng an thi tiah langhtermi cu thil dik a si lo, tiah theih a si. A mah Zomi Revolution Army (ZRA) ralhrang phu zong nih lih lawngtein cathanh an chuah ve. Zomi Revolution Army (ZRA) phu nih Tedim pengkulh chung le Tonzang pengkulh chung hi kanmah nih kan uk khawh ti phun in an cawlcangh tawn hi a si.

Nizan Tedim pengchung kahdohnak kongah thawngpang theihning ahcun atu Zomi Revolution Army (ZRA) phu pawl cu an thinphantuk cang, tiah theih a si. Chin miphun cheukhat nih hi thawngpang le thil dih hi an theihthiam lo hnga maw a si hnga ti awk in khuaruah ding a tam ngaingai. An mah Tedim lei nih cathanh an chuakmi hna khi ningzak taktak an si.

CNA ralkap pakhat le a dang Chin hriamtlai bu pathum in miphun ralkap hna nih Tidim peng chungah Dec 15, 16 le 17 i an thil tuah mi he pehtlai in Zomi Political Coordination Committee/Zomi Revolution Army (Eastern command) nih UNHRC, ASEAN hruaitu le NUG sinah ripawt (report) kan tuah hna tiah December 18, 2021 ah cathanh an chuah. zomi revolutionary army/zomi revolutionary army nih an cathanh chungah cun a tanglei bantukin an ṭial.

“Commander pakhat hruaimi CNA ralkap pakhat le hriamtlai bu pathum in miphun ralkap 50 drawing cu December 15, 2021 ah Chin ramkulh Tidim peng Haimual khua ah an lut i khuami hna cu an hrocer hna hnuah Zomi kong, Zomi ramkhel cawlcanghnak le zomi revolutionary army a dirkamhtu nan si maw tiah an hal hna.

Cun miphun ralkap (anmah ṭialning in cun The terrorist armed groups) hna nih inntek Khrihfabu hruaitu Pastor Laang (kum 60) le a chungkhar le chungkhar dang hna cu an theilo nak hmun ah an kalpi/kidnapped hna i biahalnak an ngeih hna hnuah hliamhma he khua ah an chiah ṭhan hna. Asinain Pastor pa le a chungkhar cu an kalpi ṭhan hna i atu tiang an konglam kan thei ti lo”.

“A thaizing December 16, 2021 ah cu hna cu ngakchia pakhat cu ralphaw ah hmangin Ngawsing khua ah an lut. December 17, 2021 zinglei ah Ngawsing khua i zomi revolutionary army ralkap an umnak inn cu an nam i meithal an thlah caah zomi revolutionary army lei zong nih an kah colh ve hna i an tei hna. Hi bantuk cawlcanghnak hi CNA le an hnuzul hriamtlai hna nih NUG le PDF zulhphung an buar a si.

“NUG nih a thanh cang bantukin tlangcung hriamtlai hna cu anmah hmunhma kilven ding le mizapi himnak kha an ṭuanvo a si. Voitampi meeting ah ZRA nih Zomi hmunhma kilven dingin kan halmi an zulh duh lomi kongah kan lung a dong cang, cun Zogam in hriamtlai bu dang hna cu ṭhawl le dawi an herh, ralhrang uknak doh loin miphun buainak le ramchung ral thawhter bantuk a si”.

“Thilcang kong he pehtlai in Dec 17, 2021 ah CNA hruaimi ralkap hna chungin hruaitu hna nih Zomi Revolutionary Army hruaitu hna cu phone an chawnh hna i Haimual le Ngawzing ah a cangmi kha CNA ralbawi nawlpeknak kan el ruangah a si. ZRA an umnak hmunhma ah lut lo dingin kan ralkap kan chimh cang hna.

Haimual khua ah kan ralkap an lut ti kan theih in a rannak in chuak ṭhan dingin nawl kan pek ko hna nain kanmah theih loin khuami hna cu an hrocer hna. Cun CNA ralbawi hruainak tangah ZRA le khuami hna cu an doh hna. Kan palhnak kan theih caah kan ngaithiam hram u tiah kan in nawl hna, cu tikah ZRA lei zong nih Tidim peng chungin chuahnak lam kan in onh hna ding a si ahcun nan kan nawlnak hi Media ah kan thanh lai tiah kan leh hna”.

“An kan nawlnak le biakam cu kan upat ko ti langhternak caah phone chawntu le chawnhmi min hna cu kan langhter lo. Nawngeihnak latu ralhrang teinak dingah Myanmar ramchung mizapi cawlcanghnak ah Zomi Revolutionary Army le ZNV zong kan i tel ve ko ti kha Zogam hmunhma chung i kan cawlcanghnak nih a langhter ko”.

Hi a cunglei i italic in ka ṭialmi hna khi Zomi Political Coordination Committee/Zomi Revolution Army nih Mirang holh in cathanh an chuahmi ka lehmi a si. Anmah ṭialning ah cun CNA le CDF hna hi “ralhrang ralkap (The terrorist armed groups)” tiah an auh. Cucu ka duh lo caah miphun ralkap tiin ka lehnak a si. Hi kong he pehtlai in CNF/CNA lei nih zeihmanh chimrelmi an ngei rih lo.