Chin Ralzam hna ralring te’in thutto rak i zuam cio hna usih.

BREAKING NEWS; CHIN, KACHIN, RAKHIANG LE SAGAING RAM KULHAH RUAHPI LE THLICHIA A HRANG LAI.
==============
Global Weather Surveillance nih a chim ning ah December 3-5,2021 tiang Chin Ralzam thong -30 leng umnak Chin State, Mizoram, Sagaing Taing Kalemyot, Tamu, Rakhiang ram chak lei Paletwah, Kanpalet, Mindat le Matupi lei tiangin Thlipi(မုန်တိုင်း) le Ruahpi cawhin biatak te’in a hrang lai ti’ah ralrin peknak(Emergency Alarms) an chuah.

Myanmar Molewatah Zungpi nih cun, Bay of Bengal(ဘင်္ဂလားပင်လယ်အော်) in nitlak chak lei Rakhaing, Chin le Kachin States lei ah thlipi le ruahpi cawhmi Cyclone Suimilam 1ah Miles 45-80 tiang a hrang khawh i, thlichia pinah Ruahpi hmunkipah fak ngaiin asur chih lai ti’ah thawng an thanh ve. Hi thlipi le ruahpi hi zarh -khat/ hnih chung zong a sur/hrang kho mi asi fawn ti’ah an thanh chih.

Cuca’ah, tulio ramtang le ramri lei ah a zammi Chin Ralzam hna ralring te’in thutto rak i zuam cio hna usih. Cheukhat Thlang lei Laitlang um mi le bang cu Phone le Internet lines pawl phih piak an si ca’ah thawngpang thanhkhawh rak i zuam cio hna usih.

BREAKING NEWS; HAKHA LE THANTLANG KARLAKIN LII A HNIN. Tuzing Suimilam 6 Minutes 15 le 42 Seconds ( Myanmar Times) ah khan Hakha in Meng-10 hlaatnak le Thantlang in Meng-6 hrawng hlaat nak Khuafo khuapawngin aa thawkmi Lii fak ngaiin a hngin na’in Minutes tlawmpal te lawng a hnin ca’ah chiatnak le hlohnak fakpi tuarnak a um loh ti’ah theih asi.

Hi Lii- hngin hi Hakha, Thantlang, Falam, Ted -dim, Tonzang, Kalemyot, Gangaw lei pinah kan Mizoram Aizawl, Champhai, Lunglei, Lawngtlai le Saiha pinah Myondwa, Mandalay le India ram Calcutta tiangin an theih ti’ah an chim. Kawl Myanmar Molewatah, Nyphidaw nih cun 6.0 Magnitudes asi i, Leitang 46 KM (Depths) in a thawk ti’ah an chim na’in India Methodology Surveys nih cun 5.8 Richter Scale asi ati ve.

Mah hi Satellite(ဂြိုဟ်တု) in an hmuhning a dang cio i,US Geological Survey nih cun 5.8 Richter Scale, Leitang 42.1 Kilometers in Epicentre in asi ati lio’ah German Research Center for Geo- Sciences( Dr. Vum Son rak tuan belnak) nih cun 6.1 Richter Scale asi ti’ah a chim ve. Zeipoh siseh law atutiang cu thihnak le fakpi in chiat nak a um timi theih ding a um rih loh. Acheu nih cun vawihnih hngin ding a um rih an ti na’in tihphan ding cu a um tuk rua loh. Thlacamnak he i bawm cio hna usih. Credit: MC Biklian

Myanmar aiawhtu UN palai ah U Kyaw Moe Tun pehter ding in Credential Committee Chairman nih a thanh. Myanmar ram aiawhtu ding UN palai ah U Kyaw Moe Tun cu pehter ding in Credential Committee Chairman a tuan lio mi Sweden ram Palai nih a thanh hi a si.

“Committe i biachahnak kan tuah mi cu UN General Meeting ah kan chuahpi lai. Committee chungtel ah aa tel mi China le Russia nih Committe biachahnak an al lo ca ah UN General Meeting ah hi biachahnak hi an pom lai ka zumh,” tiah NUG Minister U Aung Myo Minn nih amah facebook cahmai ah a tial.

Myanmar ram uknak chuttu le Afghanistan ram i Taliban pawl nih UN ah aiawhtu si ding an i zuam nain an hlawh a tling lo. Ref. Mizzima

TRRC Khualtlawn nak; Thantlang Relief le Reconstruction Committee nih Committee kan ser Thlakhat tlinnak ah a voikhat nak Ralzam hna sin ah Riantuan nak le kan Pekchanh khawh mi le kan khual tlawn nak.

Hakha in 24.11.2021 ni in 30.11.2021 nitiang (Zarhkhat) Chung kan khual tlawnnak Chuncung, Dokthek, Ramthlo, Tlangzar, Tlangte, Hmunthar, Arcerh, Khuafo, Sopum, Sih hmuh, Thangzang, Fungkah, Lungler, Bungkhua, Hmunlipi, Thlualam, Vambai, Salen, Hriangkhan, Thau, Bungtlang hna hi Zarhkhat chung ah kan Pal khawh mi hna khua an si.
Tutan TRRC nih kan phawtmi thilpuan Hruk aih le eidin pawl hi Motor 3 phur a si i, Motor 2 phur hi Mandalay Churches Fellowship nih an kan hlut mi si. A dang motor 1 phur hi Yangon, Mukoh, Kalay le Hakha in si. Motor Pathum nih a phurh mi hi Kyats Sing – 300 (Ting 300) leng man an si.

Cu lawng si lo in Myanmar Christion Church (Dallas) in Blanket Puan Zun (1000)zong tutan ah kan Ralzam kan hawi le hna sin pek an si. Rev. Simon Thawng Hmung nih a kan tawlrel piak mi a si (Rev. Thawng Hmung cungah si seh, MCC (Dallas) cungah siseh, A dang pechan tu hna dihlak cungah kan i lawm tuk.

Thantlang Khuachungah Kangh uh nak a tong mi hna chungkhar Inn khat ah Kyats Sing 1 (100000) in i hnemh nak kan ngei kho. Tutan kan khualtlawn cu Voidang khualtlawn he ai lo lo. Khua kan phak nak kip ah Pakhat le Pakhat kan i ton nak ah a ho mithmai hmanh a panh kho lo.

Kuttlaih nak ah kan hman mi Biafang hna cu aidang ngai. Mah Biafang hna cu, “Nang Na Inn A Kang Ve Maw” ti le “Zeitik dah Thantlang kan kir khawh lai” ti mi Biafang hi a si. Culak ah Kan hawidawt cheukhat Ralzam thutdir hmuh tik ah Lung a tha lo ngai. An Tappi lungthu vanzoh ah thinlung nih a celh lo. Kan nu le kan pa Tar pawl van hmuh hrimhrim ah cun thinlung a kek kawi hnik ko.

TRRC nih Kan Hawidawt hna Thazaang kan pek khawh mi hna le Kan Hnemh nak hna biafang cu “Caan rau lo teah Thantlang khua ah kan kirthan ko lai ti mi le A Tu Kan Inn Lo A Kang Mi Nak Tha In Thantlang Khua kan serthan hna lai ti hi Thazaang kan i pek khawh mi cu a si. Kan Biak Pathian nih kan phaknak le kan umnak cio ah kan umpi hram ko seh. Credit: Pu Ram Khar