Mino Hna Nih Kan Ram Chuahtak Lo In Kilveng Hna Usih Tiah CDF-Mindat Nih Nawlnak A Thanh
======
Chin Mino hna nih randang ah kal lo in ramchung ah kanmah hmunhma cio in SAC ralkap doh in kan ram kilveng hna usih tiah CDF-Mindat nih a thanh. SAC ralkap pawl nih Mindat peng chung khuate hna ah hramhram in kahdohnak an tuah lio ah kan ram le kan miphun kilveng lo in ramdang a kal mi mino an tam tuk cang tiah CDF-Mindat nih a thanh. Cucaah Mindat peng chung kum 16-35 kar minung hna nih CDF-Mindat theihpinak tel lo in ramdang, ramchung hmun dang ah nan chuak kho lai lo tiah CDF-Mindat nih June 18 ah a thanh.
Naypyitaw, Lewe Palek Sakhaan Kahdohnak Ah Palek Bawi Telh In 4 An Thi; Naypyitaw, Lewe palek sakhaan le MICC 2 gate cu bom an puah hnawh hna i palek bawi telh in 4 an thi tiah Siitaung Guerrilla phu nih an thanh.
June 12 zaanlei sml 5:05pm hrawng ah Lewe palek sakhaan cu bom in an kah caah palek bawi 1, palek 1 an thi i 3 hliam an tuar tiah theih a si. Cubantuk in Zabuthiri peng ah a um mi SAC hruaitu Min Aung Hliang telh in ralkap pawl tonnak an tuah tawnnak hmun a si mi MICC 2 Hall an puah hnawh hna i 2 an thi 2 fak pi in an i hliam tiah theih a si.’
Infantry 274 Nih Kah Mi Hriamngan Nih မဟာဓာတ်အားလိုင်း Tung A Khen Caah Matupi, Mindat le Kanpetlet Hna Mei An Ngah Lo; May 31 ah Mindat hrambunh SAC Infantry 274 nih an kah mi hriamngan nih မဟာဓာတ်အားလိုင်း tung a khen caah a tlu i Mindat, Matupi le Kanpetlet peng hna ah mei an ngah lo tiah theih a si.
Chin ramkulh thlanglei ah Paletwa peng dah ti lo, adang peng zapi cu Pauk, Kyaukhtu, Mindat, Matupi lam a rak zul mi မဟာဓာတ်အားလိုင်း lawng an hman caah atu a rawhnak hmunhma hi mipi hriamtlai phu nih an tlaihnak hmunhma chung a si caah nicaan rikhiah um lo in a rawk kho tiah theih a si.
A hlan Matupi khua ah SAC nih an ngeih mi Bungtla mei peknak a um ko naibn hramhram in uknak lak a si hnu ah cu mei peknak cu Byu-ha le SAC B140 lawng nih an hman caah mipi hriamtlai phu nih an puah tiah theih a si. Crd; The Chinland Post