Chimh khawh แนญung lion, Khuaingal btkin, kan dehcawh ruangah

Naa Fiang Tak Maw? Anawratha Raldonak Kong :PG81
=========
Chimh khawh แนญung lion, Khuaingal btkin, kan dehcawh ruangah, Chinmi hi Rallokap nih an kan hrem khun asi maw? Kan thilri le ngeihchia an fir, an hrawk i, Kan Khua le Innlo mei an duah asi maw? CNDF nih Falam an phan ka bakin, an doh lo ruang ah duh poah in khua an sa asi maw? CNA/ CDF/ CNDF nih khuachung le a kiankap ah an kah caah Chinmi kan inntuar nan ti maw? Varhlei le Gangaw hlei hrawk lo ruangah kan tuar khun asi maw? Timit hlei hrawk ruang ah aaning deuh maw? An kalnak kip ah CNA/ CDF nih bawh in an doh lo ruang ah kan tei hna lo hi asi maw?

CNA/ CDF/ CNDF ah na lung zawr cang maw? Laipa Kutzung hlen ruang ah le News dang rel lem loin, source dik theng loin, news athlah caah asi maw? NUG le Ramdang um Chinmi nih Vanlawng kahnak, RPG, Bombs, Hriam แนญhaแนญha, tbk le Raldohnak caah a herh bikbik mi hna, an kan bawmh/ cawk piak khawh lo caah, duh ning in rakdoh in, kan tei khawh hna lo hi, asi maw? MAH Rallokap nih, Thazang tampi he, Chinram an kan chuah hnawh in, Cihmih an kan timh hi, aruang hngalh in, na lung pian ngai ngai maw? Abikin NEWS thlahtu pawl?

CRPH nih NUG Cozah an derh i, EAOs he an i fonh lai, CDF/ PDF tidan an kai, DDay thanh asi lai, tiah thawngpang a len ri in, Anawratha Operation hi aasem ve cang. NUG nih 7th Sept 2021 ah DDay an thanh bak ah khan, Anawratha mission hi ready asi ve cang. Rallokap nih an nupi le sakhan um nu poah cu Raltuknak Tidan an pek dih cang hna. Hriam zong an pek dih hna. Anawratha Operation hi Chinram caah asilo, Ral an sungh nak hmun poah ah kuat ding ti tu asi deuh. Chinram ah an rak kai hi, Chinmi nih MAH le Rallokap cu: kan tei hna timi Tehte tu asi.

DDay thanh ka, Sept thla tir ah Khuapi 25 ah, phihkarh nak an tuah ah khan cawlcang hram an thawk ve. Kawlram ah Khuapi 330 aum. Khuapi 25 ah MAH asungh caah, cu khuapi 25 hip awk ah Anawratha mission hi ara mi asi. Chin khuapi cu azapi tein aatel. Hakha Khualipi cu, Chinram doh tikah, pehtlai nak caah an phih lo kha asi ko. Hakha an hip khawh tinak asi lemlo.

Four cuts le Three all timi phihkarh ningcang phun (2) hi Arawratha Raldohnak ah an hman ve ve. Four cuts (Phiat 4 phiat) Riakcaw, Phaisa, Thawngpang, Mipi he pehtlaih nak vialte phih cikcek asi. Three alls timi (Phiat 3 phiat) muisam cu: Azapi tein Meiduah dih, Anzapi tein that dih, Azapi tein chut dih timi mumal asi. 1940 Japan nih Tuluk le Korea adoh lio ah a hmang mi asi. Japan Theory asi. Japan SPH oreder in tuah mi asi. แ€‚แ€ปแ€•แ€”แ€บ แ€˜แ€ฏแ€›แ€„แ€ทแ€บแ€แ€•แ€บแ€™แ€แ€ฑแ€ฌแ€บแโ€œแ€กแ€€แ€ฏแ€”แ€บแ€™แ€ฎแ€ธแ€›แ€พแ€ญแ€ฏแ€ทแŠ แ€กแ€€แ€ฏแ€”แ€บแ€žแ€แ€บแŠ แ€กแ€€แ€ฏแ€”แ€บแ€œแ€ฏแ€šแ€€แ€บโ€ แ€†แ€ญแ€ฏแ€žแ€Šแ€ทแ€บ โ€œแ€–แ€ปแ€€แ€บแ€žแ€ฏแ€ถแ€ธแ€–แ€ปแ€€แ€บโ€ (three allโ€™s).

Phiat 4 phiat hi Western Theory asi. USA nih Vietnam a tuk lio a hmang mi asi. 1960 ah Australia Ralbawi Col.Teg Serog nih a sersiam mi theory asi. Cold War ah an hmang i an hlawhtlin ngai. MAH nih a pahnih kemh in a hmang hna. Clear Operation (Ni Me Sin Lin Chin) tiah min a pek. Clear operation ah cun nu tlaihrem zong aa tel cang.

Four Cuts le Three allโ€™s hi ram pakhat tukdoh ah hmangrua asi. Ram chung mi le mipi tuknak ah hman ding asilo. Anawratha in Chinram an ra i, an kan doh hi tuak lo awk a แนญha ti lo.

Anawratha operation ah cun, khuami kha CNA/ CDF/ CNDF bawmhtu nan si tiah Khua hrawk kha fisrt step asi lai. Khuapi ning in แนญhial ter zong kan I huah te lai. Aruang loin Khuami le Khuapi sual phawt nak nawl le thiamlo coter nak nawl kha pekchih an si. Lamkam um khua hi a tuar hmasat cem an si tawn. Khua kip a luat lo. An kan hrawk duh le duhlo lawng kha asi ko. Chut/ hrawk/ Khangh/ Lainawng/ Tlahrem / Hremh/ Fir/ Khua แนญhial ter, tbk hi Anawratha i mumal le dundan asi. CNA/ CDF ruang ah asi theng lo. Clearance Operation i, a Kokek ziaza asi. Kan doh hna lo ahcun a fak chin chin ding mi CHINMI kansi.

Anawratha nih Kel Ralkap hi Tank zulh ter in a hmang bik tawn hna. Motor le hriam thilri phuntling an i ken cia lai. An kan tei rihlo ahcun Navy (Van Ralkap) Jet Fighter le Helicopter a hmang te lai. Tirawl el zong kum khat caah an i khonh cia lai. Tilawng Ralkap (Lavy) zong a herh ahcun a hmang te lai.

MAH nih Ke Ralkap hi 130000 deng lawng a ngei. Tatma (10) telin. Chinram dohnak caah 30000 + Tatma pali hmang aatimh. Tanks le Motor zat cu nan theih cang. An kan tei lo ahcun chap rih ding ti asi.

Kawlram ah ramkulh (14) aum. Voikhat tein kan doh khawh ahcun Ke Ralkap 9000 he lawng aa doh ding kansi. Tatmat (10) lawng aum caah Cheukhat ramkulh caah Tatma nih aza ti hna lo. Kachin, Kaya, Karen hnarcheu, Chinram le a velchum Kalay โ€“ Gangaw โ€“ Sagaing โ€“ Magway lawng nih kan doh hna caah, Cuka hmunhma cu hip awk ah, thazang tlung ngai in anra cu asi.

Tutan Chinram an ra hi Raldohnak thawk ngai ngai asi rih lo. Paucan le แนฌhalcan ah biatak tein cawlcangh khawh ding in timhlamnak an ngei chung bia asi. Ral ngai ngai aathawk rih lo. Chinram an lak ahcun, North Western (Sagaing ke Magway telin) lak cia asi cang. MAH nih kawlram a uk khawh cang tinak asi.

MAH he Raldohnak vialte lakah abiapit cem mi Chinram raldohnak asi. Cucaah Chinmi lawng siloin, Kawlmi kip nih Chin Ralkap hi zuang hnawh dih can asi. NUG kong hi cu a hngalh mi nih chim te uh. Soisel le Dr. Sa Sa remlo ah nan ruah sual hoi lai. A khur a fum i a marzam lo tak. A karh a tawi tuk. Hnabei sei lo ngai ko. Bochan awk kan ngeih tilo le asiko. We have no choice.

Chinmi kip nih ralrin awk, timhcia awk, planning, i zalh awk, humhim nak, i dor chung nak, tbk kan i ngeih cia khawh nak hnga tlang ka au tu asi. CNA/ CDF ah kan ngunsawm le kan thazang bungh hnawh caan asi. Pekchan sawh sawh in a ngah ti lomi dirhmun kan phan cang. Krifabu Thawhlawm zong CDF kan bawmh caan hna asi. Kawl miphun kip nih Chin ralkap bawmh caan asi. Tutan na bawmh loahcun santlai ti lailo.

Chinram ah Ral kan sungh bak ah NUG le Paucan dothlennak adih ve te lai. Ral tei aduh mi nih, Miphun ah a lungfak tak tak mi nih, Federal lawng aza lo i, Chinram zalennak puitling aduhmi vialte nih, Krifabu le Chin miphun dam ve cang seh tiah a duh mi vialte nih, kan thinlung, kan taksa, kan nunlung vialte in, kan ngeih chawva vialte in, CNA/ CDF bawmh cang usih. Saya แนญuan piak le, CDF thangchiat, CDF le mipi hlen/ dehcawh, Salai NSA kong chimh hna kha cu a chimh in chim hlah, na depde, na ziaza le na แนญial kal tak cang ko Unau! Credit: Saya Rung Kaw