Chief Minister zong von ithim ve cang u. Nan ithup nak khan au ve cang u

Nizan ah Salai Bawi Lian Mang le Chin Post biaruahnak ka zoh i, Min Aung Hliang nih “Aana a ting kho rih lo hi” a ti. State Administration Council nih Fekte in Cozah an dirh kho rih lo a ti. Chin State Administration council chairman ah an thimmi, Pu Ngun San Aung zong cu, a min chairman sawhsawh a si rih ko rua. Zeidah ka ttuan lai tbk zong theih dawh a si lo. Laklawhpi in um dawh a si.

Salai a chim bantuk in, Mipi hnu ah dir in, ralkap an tluk cang ka tein, Cozah a tlai colh ding Committee kan herh cang. Feb 5, 2021 ahkhan CRPH cu an rak dirh ve cang i, Dr. Sasa zong, Special Envoy of CRPH to the United Nations ah an thim cang, Cucaah, 2020 ah Chin State in PM a tlingmi vialte, online or zoom in ipehtlaih ulaw, CRPH ah von ipeh cang u. Nangmah le nanmah iring hlah u! Tlaih lomi pakhatkhat nih khan von cawlcangh u.

CHIN state Cozah caah, Committee dirh ve cang u! A herh ahcun, Chief Minister zong von ithim ve cang u. Nan ithup nak khan au ve cang u. Statement zong chuah ve cang u! A caan a cu cang. Mipi nih Mipi aiawh ah thimmi cu, Nangmah kha nan si. Nangmah kha legitimate Cozah cu nan si. Mipi nih kan aiawh ah kan in thimmi hna cu, atu bantuk caan ah hmual a ngei khun awk a si. Mipi cu nan hnu ah 100 ah 100 in kan dir ko hi!

Relchap, US president Lyndon Johnson (Democratic) nih Vietnam a rak tuk hlan ahhin John F Kennedy (Democratic) nih Democracy duhtu, south Vietnamese caah US Ralkap a rak thlah bal cang hna. US nih Vietnam a rak tuk hi, Vietnam ram ah thil chuak an duh caah siloin, South East Asia ah Communism a karh sual lai timi a rak phan caah a si tiah tampi nih an chim. President Harry S. Truman (Democratic) nih South Korea 🇰🇷 ah Ralkap a rak thlah zong hi South Korea ah thil chuak le miak hmuh duh siloin, Communism a karh dingmi an duh lo caah a si tiah an chim. US nih ral a ngeihmi vialte lakah Top #1 cu Russia a si tiah an chim zungzal. Asinain 2020 US election Champaign ahcun, US nih a ral ngan bik, top enemy cu, China a si cang tiah chim khawh a si.

U.S foreign policy, an politics zoh tikah, China cu Communist an si ko nain, Clinton chan in, Bush chan a dih tiang ahkhan, US nih China cu an kawmh hna. A ruang cu, China hi Capitalism ah kan ser khawh ahcun, US hawi a si lai i, Russia a der lai tiah an rak ruah. Cucaah, World Trade organization ah an rak luhter hna. US companies tampi cu China ah an lut. Asinain, U.S nih China an rum ter cu, anmah caah ral nganpi iser bantuk ah an cang ai. US companies ngan pipi hna cu, China company nih an compete/ zuamcawh kho cang hna caah, US companies tampi cu, China in an chuak thluahmah cang i, Vietnam 🇻🇳 tbk ah an tthial cang.

Cucaah, Joe Bidden nih Myanmar ah US Ralkap a thlah te lai maw? Chim khawh a si lo. US nih Vietnam siseh, South Korea a si ah, US Ralkap an thlah ko hna i, a ruang cu, “Dominion effect” an ti i, Communism a karh ding a rak duh lo caah a si bantuk in, Kawlram ah communist thlaci a kheuh ding a duh lo ahcun, Ralkap thazaang zong, a herh ahcun hman khawhmi a si ko.

South East East hi U.S ram economic caah a biapi tuk. Abik in US le Europe ram vialte ah kan hmanmi products vialte, supply -chain Pi hi, tam bik cu, South East Asia in a rami a si. Cucaah, Kawlram hi, US foreign policy mit in zoh ahcun, biapi taktak a si. Kawlram an sungh ahcun, US economy caah tampi an sungh chih lai. Kawlram an thlen khawh ahcun, US caah chawlehnak hmunhma a kau ve lai. Communist/ China ram an bitter a si chih lai. Credit: Zasang Cinzah