Cheukhat nih Senthang cu ralkap he tang ti ZRA nan kan ti!

Cheukhat nih Senthang cu ralkap he tang ti ZRA nan kan ti!
=======
Cheukhat nih Senthang cu ralkap he tang ti ZRA nan kan ti, cheukhat nih Tapung (terrorist) nan kan ti, cheukhat nih CNF/A dohtu nan kan ti, Senthang mipi kan ning a zak cang, mipi hmai kan khap ti lo, kan miphun Kong ah nan siaherhnak cung ah kan i lawm sihmanhsehlaw Senthang miphun cung i nan biatha lo hi cu rak kan ngol piak hram cang uh.

Senthang miphun hi mipi leitu sinak tuanbia kan ngei lo, chin miphun kilvennak le Hakha khualipi (Halkha peng) kilvennak caah thazang le nunnak pek in dirhkamh tu tha kan si ve.

Dohthlennak le Ramkhelh kong kau ah Senthang miphun hi miphun le pengtlang ti mi thleihdan nak um lo te in, 1990 election Pu Lian UK, Halkha peng ai awk in paliman a kai, 2010 election lio CNDP kan dirkamh, 2015 election NLD, 2020 election NLD le CNDP kan dirhkamh, Mirang ral, Japan ral in a thawk in ni hin kan dohthlennak tiang ah Chin mipi(majority) dirhnak ah a hrawm peng mi miphun kan si.

Senthang mipi nih kan miphun ralkap CDF le CNA/F kan nin dirhkam hna, Upat mi CNF/A thithruainak tang ah lunglawm tein thazang le nunnak pek in dohthlennak tuahtu tampi kan um ,kan chimram le zalawnnak caah nunnak zong a pe cang mi miphun kan si.

Cu caah Miphun ralkap CNF/A, CDF le Mipi nih dohthlennak tuah lio pengtlang tete buaibainak, pakhat le pakhat I hmuh thiam lonak nih kan dohthlennak a hnuhsur nak hnga lo, donkhantu a sinak hnga lo a bia pi ngai. Mipi (a bu in) riantuan nak ah cun muisam a lo lo bantuk in ruahnak le hmuhning zong a dannak a um kho men, sihmanhsehlaw Inn chungkhar a daw tak tak mi nih cun, a inn chungkhar thangchiat nak le harnak tawnnak in a mah pumpah harnak tawn le thangchiat tawn tu kha a thim te ko lai.

Pakhat le pakhat, pengkhat le pengkhat i mawhchiatnak nih zeithil tha hmanh a chuah pi lai lo, thencheunak le lungfak nak lawng a chuah pi lai, dawtnak le toidornak lawng in kan ram kan miphun kan hruai khawh lai, kan ral hi a hodah a si ti kan theih ko caah kan ral kan teikhawh nak ding ca tu ah a lam kip in thazang chuah cio hram uh sih. Credit: Hrangtin Thang

Chinland huap in kan unau an si cu ta tiin bawmhnak caah ngeihlo chun tiang a kut a samh tawntu nulepa unau vialte kan lung a fim caan a phan cang. Hakha Thantlang nih CNF thazaang kan thawnter a herh. Miphun a huap khomi hriamtlai thazaang thawng kan ngeih lo ahcun dohlennak ah innhngak uico tluk fang kan dum hmanh kan veng kho taktak lai lo hih.

Kanmah chung in zuamcawhnak a chuak thluah cang hih. Kum zeizat hriam kan tlai ee international ah zeitluk in kan lut kho ee timi nak in ralkap zeizat kan ngeih hriamnam zeitluk kan ngeih timi nih hmual a ngeih deuh zia cu kum 34 chung kan tuanbia nih an kan cawnpiak ko hi mu.

Kum khat lawng hriam a tlai rih mi pengtlang huap hriamtlai phu tete nih kan miphun pi minchawng CNF/A zei rello ngai in an um hnawh tawnmi hmuh ahcun lung a fak bak ko. (Zei can ko khi dik kan caal khawh cio te hna lai cu)

Mindat hi fangkhat zong abawmh in bawmh ti loding a si.An zia zoh ah luak achuak chin leng mang cang.I chawnhnak he siseh,an ca post le comments pek hrim in siseh.Hmailei caah tihnung ding an si tihi a fiang chin lengmang , theih ko bu in hi hna kan bawmh rih peng ko hna ahcun kanmah thahnak namte i tat bantuk asi lai.

Kanmah hmanh thate I zohkhenh khawh tunglo I midang VA bomh cu a herhnak a umlo, kanmah thlamtu kaughter hmasa Kan Hau. Adik bak hi mu,, Mino ṭhaṭha CNA nan luh aherh, Fund raising tuahtu zong nih kan iralring aherh cang hi mu. Mifim cathiam deuh kan mino hna CNA ah nan luh a herh, a tuning kan kal ah cun kan hma a kal lai lo hih.

Nan ca chuah hi cu a tam ve dah kaw, cachuah langmang le fawituk i emotion in ca i leh le bia in i ti hnawhnak public ah nan langhter langmang mi nih hin thinlung a nuamhter lo ngaingai. MAL le a party pawl kongnak in kanmah le kanmah kong tu ah thinphan dai lo deuh in a um zong rak um len khawh si cang tu hi.

Hakha, Thantlang, Mindat le Kanpetlet Peng Ah Tanghra Phi Ding An Um lo! March 30 – April 9 tiang SAC nih a tuah ding mi Tanghra Examination ah Chin ram chung in Minung 3000 hmanh an tling lo, tiah theih a si. Kum dang ah cun Chinram chung in a tlawmbik 10,000 an phi peng nain tukum tu ah cun an tlawm tuk i minung 2950 lawng an phi lai, hi hmanh ah hin khuapi chung deuh lawng an si i khuate lei an i tel lo, tiah theih a si.

Chin ram chung ah hin pengkulh 9 a um i Falam, Tedim, Tonzang, Matupi le Paletwa pengkulh hna ah tanghra phi ding an um caah tanghra exam an tuah lai i, Hakha, Thantlang, Mindat le Kanpalet ah cun tanghra phi ding pakhat hmanh an um lo, tiah SAC kuttang Chin State cozah cazin ning ah theih a si.

Cazin ning ah pengkulh cio in tanghra phi ding hna cu:- Falam peng in 309, Tonzang 229, Cikha pengṭhen 208, Tedim peng 286, Matupi peng 107 le Paletwa peng in 1811 an si i, Hakha, Thantlang, Mindat le Kanpalet peng ah cun pakhat hmanh an um lo.

2019-2021 Fimcawn kum ah Chin ram in tanghra phi ding ah minung 14,000 leng nih min an pek i 10,000 leng an rak phi. Chin ram cu SAC nih uknak a laak hnu in Chin ram chung hmunkip ah SAC ralkap le Chin ralkap hna karlak ah kahdohnak faak tuk a chuah caah mizapi tampi zong ralzaam dirhmun an phan.

Chin ram cu SAC uknak duh lo in CDM tuahtu zatuak (%) a tambiknak ram a si. Tukum 2022 fimcawnkum ah Myanmar ram pumpi in minung sing 3 fai lawng tanghra a phi ding an um.

South Korea phan Myanmar phu nih NUG caah thlakhat $100,000 an hlut! Myanmar ram ah ralkap nih hramhram in uknak a lak thok in ramdang ah a ummi Myanmar rammi pawl nih Democracy ngah ṭhan khawhnak caah a bawmchannmi phu tampi dirh a si i South Korea zongah phu tampi a rak chuak ve.

A cheu phu pawl cu NUG he pehtlai in rian an ṭuan i a cheu phu cu ramchung hriamtlai phu pawl he pehtlai in bawmhnak an pek hna tiah Korea ram he pehtlai in NUG palai pakhat nih RFA ah a chim. “Korea ram ahcun Pau Dohthlennak caah ram chungah a cawlcangmi PDF phu pawl, UG phu pawl a bawmchanmi phu tampi an um. An bawmh duhmi PDF phu pawl cazin kha NUG Ministry of Defense ah an kuat.

A cheu cu Ministry of Defense le Ministry of Finance ah an kuat i mah Ministry pawl nih a dikmi phu sin ah an kuat hna. Mah phu hna nih dingfel tein an ngahmi cazin a zapi tein ṭha tein an i fim caah ka upat tuk hna”. Phukhat cu Anti-Coup committee(Korea) an si. A luancia 2021 September thla thok in “One Day Challenge- My Day for My Country” timi tlangtar in chungtel pawl kha thlakhat an ṭuanmi chungin nikhat ca bawmhal cawlcanghnak an rak thok.

South Korea ah Myanmar rammi 30,000 hrawng an ummi chungin a tulio a cawlcanghnak ah aa tel mi hi 1,705 an si i thla fatin USD $ 120,000 leng an ngah tiah theih a si. Mah Anti-Coup committee i co-chairman Ma Hnin Watt Yi nih kan mah phu nih hin NUG sin ah thla fatin USD $ 100,000 kan hlut khawh i a tutiang cun USD $ 500,000 kan hlut khawh cang hna tiah a chim.

“Kan mah South Korea ram ah nikhat kan ṭuanmi a hlumi pawl hi NUG nih ngunkhuai liam lo cawnglawmhnak ca March 15 ah an kan kuat cang. Chungtel pawl nih an mah tein website ah an i lak khawhnak hnga kan tawlrel cuahmah liopi a si. Dothlennak kan dih tikah ngunkhuai liam lonak nawl cu kan mab phu chungtel pawl nih an tinco lai”.

NUG Ministry of Finance and Investment U Tin Htun Naing nih South Korea ah a phanmi Myanmar rammi vialte upatnak kan in pek hna. A dang ram a phanmi Myanmar rammi zong nih nan ti khawh tawk tangka riikhiahmi ngei bu tein thla fatin nan kan hlut khawh a si ahcun Pau Dothlennak caah a ngantukmi a phichuak a um ko lai tiah RFA ah a chim.

“USD $ 100,000 hrawng caan hman tein pek khawh lengmang hi cu dothlennak caah tuanbia ṭial bak a si tiah chim ka duh. Korea ram ah a ummi Myanmar rammi bantuk in a dang vawlei pumpi ah a ummi Myanmar rammi hna zong nih nan tuah khawh ve a si ahcun dothlennak ah a ngantukmi thlennak pakhat cu baa lo tein bawmh khawh a si ko tiah chim ka duh. Cu bantuk in, Korea cozah zong nih dothlennak caah tampi a kan bawmhchanh caah kan i lawm.

Mah dohthlennak pi hi a dihdongh hlan lo kal peng ding a si caah mipi zong nih lungṭul lo tein teinak kan hmuh tiang tha chuah rih ko hna u sih tiah nawl kan duh hna”. Cu bantuk in, chungtel pawl nih tangka riikhiahnak tuah in thla fatin dothlennak caah bawmhalnak program tuah ding cu US telh in a dangdang ram a phanmi zong nih timhtuahnak an ngei tiah theih a si. Ref: RFA, The Chinland Post