CDF – Zotung Le CDF -Lautu Cu Biatak Tein Ralram Ah An Luh Ve Cang!

CDF – Zotung Le CDF -Lautu Cu Biatak Tein Ralram Ah An Luh Ve Cang!
=========
Atu hi Mindat in Matupi lei ah ralhrang mawtaw tam taktak nih an rak kan fuh hna liopi si. CDF- Zotung le CDF- Lautu cu cangai bang an kua chung lawng ah aral tha mi siti loin, CDF- Matupi cu an va bawmh cang hna.

Na’n an hriamnam aithlau tuk kho men. Cu si caah adang pengtlang CDF zong nih mah le umhmun lawngah hacang irial setlen loin, atak in va bawmh an herh ngai lio a si. Hitluk tam in arak kan nam ko lio ah a cawlcangh ve lomi pengtlang CDF hi cu Chinland Defence Force timi amuru aa fiang rih lomi pengtlang CDF kan si hnga. CNA, CDF Bawipa tu nih in humhak hram ko hna seh!

CDF- Lautu hi uar an um taktak! CDF- Lautu hi upattlak taktak an si, aruang cu a tu hi an pengtlang chuahtak in an unau CDF-Matu cu ral an va tukpi hna lio si.

An dohmi ral an fiang, ral teikhawhnak a si ah cun ralram kal an tihlo. Thleidannak an ngei lo i, ralhrang hi kan pengtlang chung an raklut lawngah kan kah te hna lai timi lungput an ngei lo. Ral teinak ding a si cun khawika lei poah tuk dohding in timh cia an si zungzal.

Lautu peng chung ralhrang lut lo in an um ruangah i kahnak a um ve lo, nain an hawi le CDF ral an va dohpi mi hna hmuhtikah uar an um taktak. Hibantuk CDF pawl hi CDF a muru taktak cu an si. Adang pengtlang CDF nih cawntlak bak an si. CDF- Lautu cu Thantlang pengchung i pengtlang CDF pakhat a si ve.

Mah hi kan lai medai ngan zong nih an thei lem rua lo Lautu peng ah hin ralhrang pa khat le palek pakhat aum rua lo nain Lautu CDF zeimaw zat nih har nak an tong cang i cheukhat a thei lo mi nih Lautu CDF hi daite in an um tiah a ruat salam mi zong an um ve fawn. Thatuk cawng ve cio hna seh CDF tlangdang zawng nih.

Lautu CDF hi kan peng kan tlang lawng ah ral kan doh lai atimi ansi hrim lo. Mah le pengtlang lawng ah kan doh lai timi lungthin kan ngei ah cun,Hngerhte nih a kan tlik pi dih lai. A hman mi si tu hi hmun dang ah a voi 4 nak hawi miphun an va bomh hi asi cang. Credit: Ram Ruat Thang

Thantlang Peng CDM Palek, CDM Bawmhnak An Hmu Lo! Ralhrang nih nawlngeihnak an lak hnu in, Thantlang peng in palek CDM atuah mi hna CDM bawmhnak an hmu rih lo tiah kan theih.

CDM palek pakhat nih “CDM bawmhnak timi cu kan hna nih atheih theo nain a muihmai kan hmu lo, bawmh hi kan duh mi asi lo, CDM bawmhnak an ti ahcun an kan bawmh ve awk asi ko lo maw, CDM bawmhnak an ti tung i kan nih kan hmuh ve lo tik ah lung hna an hring thulh tiah” The Federal Times ah achim.

“Keimah ka theih tawk ahcun Thantlang peng palek in CDM tuahmi minung 30 hrawng kan si i cu chung ahcun pakhat hmanh CDM tuahmi palek bawmhnak kan hmu lo, himnak hmun ah kan i dor, Biaknak lei le zatlang bu nih cun an kan bawmh ko tiah” achim chap.

Thau Khua Ah Aa Dormi Hna Hmurka Le Thutto Ning; Thau khua ahhin aa dormi hna hi chungkhar 113 an si i, a milu in minung 559 an si. Kum 5 tang ngakchia hi 63 an si i, kum 70 tluk upa hna hi 31 an si, kum upa bik hi kum 90 hrawng an si hna. Hi chung ahhin Pastor 4 an um.

Pastor te nih mah le Khrihfa bu cio ningin an vehvaih hna. Thantlang khuanu khuapa aiawh in Pu Lawm Bik, Rev.Dr. Lal Uk, Rev. Calvin, Pastor Sui Lian Kam hna zong nih an veh hna. Pu Chan Ham cu Thau khua aphan ko nain himnak hmun ah aa dormi hna atong hna lo, pumpak inn ahcun a ton khawh hna men ko hna nain, sianginn kulh chung i a ummi hna cu a tong hna lo.

Christmas le Kumthar ah Thau khuami hna nih laksawng an i pek ning cio in Thau khua ah ai dor mi hna, kum upa deuh laksawng an pek hna tiah tuanvo ngeitu nih The Federal Times ah achim. Tuan deuh inn 80 an um lio ah tangka 25000 cio bawmhnak an pek hna, atu zongah Dal, Aalu, Piat, Cite, Chiti, Arti ti’n funkhat, funhnih ti’n an phawt hna,
Arti hi acaan ah pum 4, pum 3 ti’n an phawtzamh hna.

Sekenhen zong nan duhmi i thim u ti’n an thim ter hna, Lo tuah ai tim mi zong an um, Saiha khua ah ralkian i a ummi Pastor pakhat nih arak veh hna i thlacam piaknak a kan ngeih tiah ralkian in ai dor ve mi pakhat nih The Federal Times ah achim.

KNU Brigade 5 Nih Kum Khat Chungah Ralhrang 1300 Leng An Thah Hna. KNU kuttabg KNLA Brigade 5 hmunhma chungah 2021 ah a cangmi kahdohnak ah ralhrang 1364 an thi 1313 hliam an tuar tiah KNLA Brigade 5 nih thawng an thanh. Kumkhat chung ah 2692 kahdohnak achuak i KNLA Brigade 5 sinah a lutmi hna ralhrang hi 47 an si.

Kahdohnak ah KNLA lei in 30 an nunnak liam i 107 hliam an tuar, nunnak liammi hna lak ah Tat-Khuai-Hmu 1, Duh-Tat-Khuai-Hmu 1, Bo 2, Tatkyatkyi 2 le Tatkyat 3 an i tel. 2021 kumkhat chung kahdohnak ah ralhrang ruangah khuami mizapi 12 an thi, 42 hliam an tuar, ralkian in 80000 leng an um, vanlawng in kah ruangah sianginn 2 le sii-inn pakhat aa rawk.