CDF nih Min Aung Hlaing a tei tik ah zeitindah kan bawi lai timi lawng khua an ruat cang!

CDF Thazang Peklotu, A Thangchiattu, A mualphotu, Vialte cu Dalaan Ansiko.
=======
Dotlami Politic le Politicians nih Thithruai lomi Hriamtlai cu Ralhrang (Terrorist) i chuah a fawite. Rule Of Law a um khawh lo i, Duhdim tein Mipi khuasak khawh asi ve ti lo. Politicians nih Chakhri tlaih lomi, Mifimthian hna nih thithruai lomi, Check and Balance tual chung ah khuasa ter lomi; Hriamtlai bu cu: Dotlami, Mipi nih zumh bakin bochanmi, ngatchan mi/Mipi duhnak tlintertu, Miphun le Ram Chunmang tlinter tu, tbk Ralkapbu ah i chuahsiam a har ngai ngai. An tuahser mi le an tuahtuan mi hi Ralhrang muisam kenmi a tam tuk tawn. Kan Vanchiat ahcun Terrorist timi Ralhrang asilan khawh.

Kawl Ralkap hi Ralhrang ah aa chuahnak cu: Dotla mi Politicians nih an hruai lo; Dotlami Policy Mumal, Dundan ah khua an sa lo; Mipi an upat lo; Mipi duhnak zei an rel lo; Democracy timi Mipi sin ah nawl ngeih nak asi nain, mipi tu an hremh, an thah, tbk caah asiko. A tamtuk tial cawk asilo. An ngeih cia mi Policy le mumal zong an zulh lo. Rule Of Law pin lei ah khua an sa. Anmah duhning in le mipi hremh ding in upadi an remh, an suai, an merh i an lungduh le saduhthah tlinter awk ah upadi cu an tuah. Upadi tang ah um loin, upadi cung ah anmah an um. Ralhrang muisam cu za ah za (100%) an ken i an tlin ter.

CDF caah Dotlami Politicians cu ICNCC, CNF, MPs, NUG (partially) nansi ko tiah mipi nih kan in ruah hna. Tutan hrawng cu CDF thangchiat nak le mualpho nak bia le ca; social media ah a khat ko. CDF derhkamtu Politician hna nan si bantukin, Nan derhkamnak cabia a um bak lo. Uite le Zawngte thih in nan thih dih.

Policy, Mumal, Dubdan, Rules le Regulations, Code Of Conducts, tbk lawng siloin, Thazang, Hriamnam, Ngunsawm, Politic tbk ah nannih cu CDF bawmhtu ah Mipi nih ruahmi nansi. CDF nih nanmah Kutke to ding ah ruahmi nansi. Asi awk zong asi fawn. Thil sining zoh tikah, Nanmah tu hi CDF Kutke toh mi Ciato nan si ko rua kan in ti phah cang hna. Bawmhchan tu in Ciato lei ah nan panh cang rua, A poi tak tak khi asi ko.

CDF hi ICNCC le CNF kuttang ah chiah in riantuan ah a tha ding derhhmun ah kan um cang. Anmah lawng in thlah awk an tha tilo. Dotla mi Policy le Mumal kha tuah piak hna uh. ICNCC nih Policy le Mumal hi tuanvo lak seh. Abikin Dalaan le Non CDMers he pehtlaih in Dotla mi Mumal a herh. CDF control in an cung ah nawlngeih le power ngeih ti duhnak asi lo. Power sharing in tuanti uh. Dalaan kong ah mipi cheukhat he i theihhngalh thiam lonak a um tik can paoh (Hi hnu zong aum lai caah); Dalaan kong ah nan i ngeih cia mi Mumal kha adik nan ti ahcun, ICNCC le CNF nih biachimh cang uh. Ui thih in thih ti hlah uh.

Dr. Sa Sa le NUG zong holh ve uh. Credit lawng duh hlah uh. Evangelish phun in Crusade lawng tuah i, nan bia bang in zulh le tlamtlin ter lo timi derhhmun le ziaza hi kaltak cang uh. Nan ziaza, nan thuatham le nan tial remh cang ngat uh. Acaan a luan hlan, a herh loah mipi tampi kan thih lonak hnga, Dotla ti lomi le Practical ah asi khawh lomi, policy le dundan vialte remh cang uh, thar chuah cang uh. Mipi le CDF nih NUG le Dr. Sa Sa toh ding asi nain, nanmah tu nih CDF kutke toh mi nan si diam cang. Asi awk hrim asilo.

Option pakhat ka hung chuahpi. CDF kha Political le Administration ah bawmhchantu bu pakhat derh than nan hau rua. ICNCC, CNF le NUG chungtel asi lomi, Politicians le Mifimthiam hna cu sawm sisehlaw, a tha hnga maw? ICNCC cu a thih maw? A nung ti theih khawh asi ti lo. CNF zong ruah ning tlukin Ground level politic ah an thawn lo. NUG zong zei hlei hlah. Mipi thimhmi MPs hna nih Mizoram ah LAL le Popular in an i lak fawn. Bawmhnak phaisa fir le i lak ah an i za. Kan fano hna thisen, hmarun le hnai, mitthli an i ciah i an hrum ai lio ah Lai Coach he pumh in puai ah an kal khawh rih.

Mizo PM Pu Zoramthanga he rawl dum tinak an tuah lio le Thantlang Kan fapa le lutan cu aa tawn bak kha mu? CDF nih MAH a tei tik ah zeitindah kan bawi lai timi lawng khua an ruat cang. An vang kar an i mawih tuk ah a uak deuh i, a tlangval than na, a nungak than na, kaa- ka-deh-dek tiah ardel ah khuanna, tiah lungrawk an si ko. Cucaah Policy, Mumal, Administration, Rule Of Law, tbkin CDF bawmhchantu ah Politician bu pakhat a herh ka ti nak cu asi.

CDF hi Policy, Mumal, Dundan in a bawmhtu cu ICNCC le NUG nan si awk asi nain. Hriamnam tling bawmhtu hi NUG le Dr. Sa Sa bak an si awk asi. Pingpalo in thil a kal dih. Ramdang um chinmi nih, Hriamnam, thuam, Uniform, eidin, sii ai, Saikel, Drone tiang in an rinh hna. NUG kutneh a um bak rih lo. Hmalei kong kan theih lo, a va um te kho ko. Hriamnam zong an i za naisai lo. Puahceh le thalpat deuh asi rih. Zenthawng zong a bau ngai rih. Minit (5) hmangrua lawng asi.

Ramdang um chinmi nih cawk piak mi AK47, M16 cu hman awk an tha tilo, Rallokap nih Tactic a thleng cang. RPG, 60MM, Hand Missle, Helicopter le Jet Fighter tu a hman cang. Rallokap le MAH a tei khawhtu ding hriamnam cu CDF nan kan bawmh khawh fawn lo. Cu lio ah Dalaan ruangah tampi kan thih. Dalaan ah hma kan lak fawn i, nan duh hoi lo. CDF hi kan i ngolh lai i, Dr.Lungthlitum, Dr. Vantum, Laipa Kutzung, Moses Pau le ZRA nih, in hruai hna seh law, MAH cu nan doh khun hnga?

A konh tampi le Chanbaunak tampi he CDF khua a sa tihi philh lo awk asi. Kan bawm khawh hna lo ahcun, fb le social media ah soisel ti hlah usih, an mualpho ti hlah usih. Kawlte si hna sehlaw, Dalaan case in thah dih ding kan tam deuh. Chin le Chin kansi caah an mual kan pho hna buin kan nung i London tiang in kan tli khawh nak cu asi.

Ralhrang MAH le Rallokap thlak a duh mi poah nih, Chinram Zalennak le Chinram dam a duh mi vialte nih CDF limhang a zawr ter tu le mualpho tertu capar le bia ka, i sum cang usih. Dr. Sa Sa soisel hmanh celh lo i CDF hna duh poah in, char awk umlo tiangin nan ti mi hna hi, a poibak mi cu asi. Lai ngamh kawl tih, KTL na si ko. CDF sual na phawt lai te ah thuk deuh in va pilh cang tuah. Ti thuk nak lei tu ah, na lawng kha merh law, sur cheh cang. Na thlam kau ter deuh ve cang tuah. Lungpi cung ah Inn sak ve cang.

CDF Sual phawt tik caan poah ah ICNCC holh ve cang uh. Dr. Sa Sa zong ui thih in thih ti hlah. Meithal tlaih mi CDF le CNA kha Dalaan kong ah anmah tein phisin ter ti hlah uh. ICNCC le NUG nih Lamkaltu si uh. Credit lawng co duh hlah uh. Popular le Sunpar nak duh tuk hlah uh. Interview lawng ah nal hlah uh. Mi pipa si i zuam ve cang uh. Mi nauta si i thimh ti hlah uh. Mi nauta kan silo dakaw, CHINMI! Victory Revolution. Kan Tei Hrim Hrim Lai. Credit: Joseph R. Thang