CDF Kanpetlet Nih Ralhrang 7 An Thah Hna, 6 Hliam!

CDF Kanpetlet Nih Ralhrang 7 An Thah Hna, 6 Hliam
==========
Nihin zinglei suimilam 9:00am ah Saw peng Kanpetlet peng ramri, Pawngchawng lei ah ara mi ralhrang le CDF- Kanpetlet hna cu Pakun khua pawng ah an i kap, hi i kahnak hi suimilam 3 tluk an rau i, ralhrang 7 an thi 6 hliam an tuar.

Ralhrang nih hriamngan le hriamhme in an kah thlorh hna nain CDF-Kanpetlet lei in hliamnak um lo in an i zukphiak kho. Atu ah ralhrang nih an thazaang an chap i ralhrang cu Kanpetlet Bank zung le peng fimthiamnak zung ah umhmun an khuar tiah CDF Kanpetlet nih an thanh.

Ramleng ummi an rian tlam a tling tuk, Soi awk an um lo. Ramchung ummi nang le kei nih ram rian chungah luh tung loin lenglei in puai zoh a thiam ngai tung i a chung va luhter tik ke chuih ding kut in a bengmi ruang tu ah a si.

CDF, CNA hi ram le miphun caah dingfel tein an biakam ningin tuanbia an tial ko. CDF, CNA um hlahsehlaw vaurawng dohthlennak cu Chin ram ah a um lai lo. An tei canglai tihi ziah na hmuh khawh lo. CNA,CDF luhtung loin midang kutin rultlaih a duhmi hna ruangtu ah a si.

Dohthlennak caah CDF, CNA kongah na chimceih lengmang mi na logic hi a deu a si hi hngalh na duh ahcun pasaltha hna umnak CNA ah va kal law na fiang cik ko lai.

Pale peng, Kantdaunt palek sakhaan i palek pakhat PDF nih an tlaih. Sagaing ramthen, Pale peng, Kantdaunt palek sakhaan i palek pakhat cu december 7 zaan suimilaam pariat hrawng ah tualchung PDF nih an tlaih tiah kan theih.

Palek sakhaan in inn ah a rak lawi mi Lwin Moe Htun pumpak No. (တ-တ၂၇၅၆၀၂) cu an tlaih mi a si tiah kan theih.
“Sakhaan in inn ah a ra. Inn a phan ti kan theih in kan kulh i kan tlaih. Hriam le zeidang cu aa ken lo” tiah Pale People Defence force-Headquarters nih an chim.

Tlaih mi palek cu Pale PDF sin ah kan ap i NUG nih thanh mi thongtla zohkhenh ning he aa tlak ning in an tawlrel tiah kan theih.