Tulio issue kong ah ka hmuhning pakhat cun betchap ning law!
===================
Tulio Facebbok ka thai ah CDF a tanhmi phu le CNF a tanhmi phu tibantuk in biaalnak le biachim ka theih pah ttheu. Tulio bantuk caan ah kapkhat ttanh lungput ngeih hi khuakhan lairelnak ah dawnkhantu bik a si. CNF zong ttanh ding a si i, CDF zong ttanh thiam thiam ding a si. Phaisa a tho khomi nihcun, CC zong ah thawh ding a si i, CDF zong ah thawh thiam ding a si ko. Kap 2 in thawh cio kan si ko i, thawh cio khawh a si. Zeicatiah, CNF he, CDF he kan ram caah nunnak an pek cuahmah lio a si.
Tulio issue kong ah ka hmuhning pakhat cun betchap ning law;- CNF ah one command, one budget in um viar ding timi hi thil si kho sehlaw a ttha ngaimi a si. Logic a ciah ngaimi a si. Nain a khua zong ah a phu in a um rihmi, khrihfabu zong ah ifawnh lei siloin, itthen lei a si peng rihmi, Chin miphun dirhmun ahcun a si kho ding thil a si lo timi cu kan dirhmun thlalang ah fiangte in a lang ko.
Ram a buai ka, 2021 lio kha zoh tthan ahcun CDM a tuahmi police 30 renglo Victoria camp an phan. Mino 200 renglo Victoria camp ah training kai ding an fuh. Nain CNF lei in facilities a tlam a rak tling lo caah tampi kirter an si. Cuticun thil a ra i, CDF a rak chuak. CDF timi a dirh hlan ah CNF nih innka kaupi in rak awn kho hna sehlaw, an sin ah a rak phanmi paoh thut-dirhnak rak tuahpiak kho hna sehlaw, tulio an chimmi, one command one budget hi, a si diam cang hnga ding thil a si,. Nain caan ttha an tlolh hnu, CDF hna a dir hnu, CDF hna an hram a feht hnu ah CNF ah fawnh tthan cu thil harsa a si cang lai.
Cucaah, a tthabik mi cu tulio an sining tein um hi a si ko. Pengkip nih CDF an ngeihmi hi tthawnter cio ding. Raltuknak ah CNF command tangtu ah um kho dih hna seh. Mahhi practical in a kal cuamahmi a si i, kan sining te zong a si ko. Ralteinak zong ah hmual ngeibik a si ko lai. crd-Zasang Cinzah
comment-စစ်ရေး နိူင်ငံရေး hi, လူမှုရေး In rem țhat ter nan duh, Ațha mi Alo Nain Asi kho lo..Tck/ CNA Ralkap cu Traning țhate kai mi an si, Order tang um mi An si, CDF cu Traning tlamtling kai mi an si lo, CNA nih ralram ah an hruai hna nain, 100% in CNA Order tang ah An um duh lai lo. raltei nak ngaingai Asi lo,..Cun kan mah Chin mi lawng zong nih kawl ralhrang hi kan tei in kan dawi kho thai fawn hna lai lo..theih ding…Atawi nain.
A hman tuk mi a si. Na chim mi hi thil sining bak a si ve. CNF/ CNA nih hin Hriam dang cu um rih ko sehlaw Meithal an rak ngeihlo tuk i anmah hmanh nan tinco ve lo tikah a tu CDF hi dirhmi a si. Kawlram chung ah PDF phun tampi an um ko i Ralhrang tu hi hmunkhat te ah an do tti cio ko caah CNA nih hraimnam tling deuh an ngeih tikah nu le pa nih ceih pi than ding tu a si deuh.
Atu lio hi cu kap 2 tein thazang pe cio rih ko usih law a tha bik ko lai.
Atu na chimmi hi a dikmi a si ko, CNF/A le CDF hi annah hmurka tein an chim pengmi cu Pa le Fa kan si an i ti peng ko. Raltuk zongah CNF/A command tang ah lung rual tein an um ko. Mizapi lungthin zongah CNF/A le CDF chungkhar khat bantuk ah ruah an si ko. Asinain CDF supporttu lei in CNF/A a hua bakmi lenglang bak in a dotu an ummi khi sia a rem lo ngai, khi bantuk Upa lungput khi ttihnungmi le CNF/A le CDF karlak hmanhah huatnak meici an thlah te sual lai ti phan a um.