Cambodia Vuanzichu Husen kawlram arat i Min Aung Hlaing he tawnnak an ngeih mi cu thilṭha bak asi!

Pingpong Theory Athiam Bakmi Japan Cozah: PG(116)
=======
NUG he Rallokap Cozah aakawp mi hi, India, Singapore, USA, France, Germany le EU ram lawng ansilo. Japan zong aatel ve cang. Mipi lei ah an ṭanh btkin SAC lei ah an ṭanh fawn. Rulpuar banh LEI pahnih a ngeih tu ansi. Phipheng Philosophy or Cungniam Cungsang Theology an thiam bak ko hna.

Japan Cozah nih Ralhrang MAH cozah he Sipuazi rianṭuan ṭi awk ah hnatlaknak an ngei. Japan company 70% leng cu Kawlram ah rianṭuan rih dingin SAC he sen an thuh cang. Kawlram in a kirmi Japan Company hi 3% hrawng lawng asi. 27% hi an um le an kir aafian rihlo. UN nih MAH cu Hriamnam zuarlo ding, Sipuazi tuah ṭilo ding, sipuazi phihkarh ding tiah biachah asi.

Japan zong nih 100% ka lung a tlin tiah sen athuh. NUG cozah cohlan hmasat tu ah aa tel. SAC Palai kha an cohlan lo. Japan MPs le NUG meeting an tuah tbk hna hi a tam pah. Mipi nih Japan cozah cu Kawl Mipi ah 100% in an um tiah kan ruah mi hna ansi. Nain Ruahlo piin Japan cozah a lung aa merh diam ai. Kawl Rallokap Ralkap Tidan phuntling pektu hi Japan le Singapore ansi. Mipi le NUG an cohlan buin nihin tiang an ngawlh hleilo.

Cambodia Vuanzichu Husen kawlram arat i MAH he tawnnak an ngeih mi cu thilṭha bak asi. Kawlram harnak le Piahtana phisin awk ah lam ṭhabik asi tiah ati hmasattu Japan cozah asi. Japan ramdang Vuanci Yoshimasa Hayashi nih Cambodia Ramdang vuanci Prak Sokhonn sinah a chimh mi bia roling asi. Japan cozah pumpak in MAH le Ralhrang Cozah SAC cu tawn in an chawnbiak lo nain, HUSEN an cohlan.

ASEAN ah MAH tel ve in Kawlram buainak daihter an duh. Mr. Sasakawa, Nipon Chairman zong an rak thlah cang. Japan Cozah ai awh asilo aati ter. Mr. Sasakawa nih MAH, SAC, NLD, AA le Rakhine Refugee a tawn hna. Tampi bawmhnak a pek hna. Nipon Foundation miaknak caah USD 49 Millions amiak hmuh dingmi rian cu SAC he hnatlaknak an ngeih cang ti asi.

Japan Cozah nih NUG le Mipi he ṭanrual ṭi kha an duhbik nain JICA le Japan Sipuazi mifimthiam hna nih Rallokap he Sipuazi ṭuanṭi a hlawk ning kha, ramdang vuanci he Japan cozah cu an chimh. Kawlram cu Natural Resources arumbak mi ram asi caah Kawlram ah rian ṭuan loahcun; tampi kan sung lai i, Tuluk nih Sipuazi le Super power ah an kan tei tuk lai, SAC he cun a miak tampi hmuh khawh asi fawn. India, France, Germany, Singapore, EU ramhna zong Gasoline le Banks in MAH he rian an ṭuan ṭi ko ṭung tiah, Annih nih Japan cozah cu an lem khawh ai. A poi tak tak khi asiko.

WWII ah Japan cu ral a sung. Kawlram kha စစ်လျှော်ကြေး timi ralsungh tampi in liamh ding asi. Kawlram ah Sipuazi tuah buin an leiba an chamh khawh pin ah amiak tampi an hmuh caah, Rallokap he kawlram ah Sipuazi tuah lo ding kha a poi an tituk ngamsam. Ralkap inn hlanman lawng khi USD 3 million man asi. Arpi ṭahna, Sangar Nihna, timi tuanphung ah kan um hna.

Japan sin in a hmuh mi phaisa tompi cu, India, Tuluk, N.Korea, Russia, Turhey, Ukraine ah Hriam Ṭha Ṭha cawknak ah a hmang lai i cucu mipi thahnak ah a hmang cang lai. Raltuknak Helicopters le Jet Fighters he aa pehtlai mi fimthiam nak Japan le Singapore nih Tidan pe mi Ralhrang Rallokap an si. Jet fighters ah hmangmi IT fimnak le Missle tuang a kah khawhmi thilri cu Jet Fighter ah bunh awk ah, MAH cu India nih an zuar.

NUG cu rian cu: Mipi cozah tiah cohlan terding, SAC hriam zuar lo ding le Tidan pek lo ding in I zuam ding, SAC cozah Sipuazi phih dih ding, MAH le a minung phaisa lutchuak vialte chah dih ding ti kha asi bik. Kawlram chungbcaah cu CDF, PDF hriamnam bawmh, CDMers phaisa bawmh, Covid19 Crisis bawmhchan, Ralzam mi bawmhchan le Zohkhen, tbk hi an sibik ko.

Mipi Sandah piah, CDMer cozah zung kai lo, GZ mino nih Hriamnam Dothlennak, tbkin, adang cu kan rian kan tlamtlin dih ngawt ko. NUG rian hi Ramthumnak Um Good Smaritans Chinmi nih tampi in an ṭuan piak ko bu ah, tlamtlin mi a tlawm ngai ngai te. Pathian duhsaknak asilo ti ah le asi hnga maw! Ka ti tawn. Thlatu cam rih ko usih. Pathian tinhmi kan khenh rih lo caah asi lai.

NUG a hlawhtlin khawh nak hnga tampi in thazang pek rih ko usih. Hnukhirh awk kan ṭha tilo. Nai Chailo Pasal ti rih ko usih. Kan tlah ṭem cia le kan biartung let cia, Pasalṭha rual hna. Teitu kansi hlan tiang kal ko usih. Miroling Pu Hrang Nawl I Kutke Tohnun kan thiamnak sihram sehlaw, aumlomi chung in TEITU Pathian aa phuannak tu sihram seh. Credit: Saya H. Rung Kaw