Breaking News: ZRA Tapung nih Ralhrang Raldoh an Bawmh Hna!
ZRA Tapung nih SAC Ralhrang Raldoh an Bawmh Hna
———
Nihin January 22 ah Kalay-Laitlang lampi Taingen khua ah kahdohnak chunnitlak a chuak i, cu kahdohnak ah cun Zomi Revolution Army (ZRA) nih SAC ralhrang lei ttang in an dohpi hna, tiah Tedim mipi runvengtu ralkap bu CDM-Siyin nih nihin zaanlei ah thawngpang an chuah.
“Nihin zinglei ah Tedim khua in ZRA le SAC ralhrang thazaang 100 hrawng Taingen lei ah an rak ttum i, Taingen ah hmun a khuarmk mipi ralkap pawl a kan doh,” tiah CDM-Siyin nih an langhter. Taingen ah a ummi mipi ralkap bu fonh (CNA, CDM Siyin, PDF Zoland, Kalay PDF 3 , Kalay PDF 8, Kalay PDF 9, PDA,Zongam Army, CDF KKG-2) hna le SAC ralhrang, ZRA karlak kahdohnak cu zinglei sml. 8:00 in zaanlei sml. 5:00 tiang hrawng a rau.
SAC ralhrang nih Kalay University in miakpi in an rak kah chih hna pin ah Helicopter pahnih nih a bawmh chap hna ca ah mipi ralkap bu pawl nih Taingen khua cu an chuahtak, tiah CDM-Siyin nih thawng an chuah.
Hiangzing khua leiah erhtonh mi ralhrang hna bawmtu dingah arak kaimi ZRA le ralhrang an dihlak thazaang (100) tluk an si. Meithal an i kenmi hi 60 MM,120 MM, 150 MM pinah helicopter nih a bawmh chih hna, zing sml 8 in zanlei sml 5 tiang ttangtti ralkap CJDC he an i kap.
Hriamnam thanzaang aa thlau ngai càh ttangti ralkap CNA, KKG CDF, CDM Siyin, PDF Zoland, Kalay PDF 3, Kalay PDF 8, Kalay PDF 9, PDA,Zongam Army, CDF hna nih an hmunkhuarnak Taingen khua cu an chuah taknak kong an thanh.
CNA Bokhat Salai Cung Lian Sang Tedim Peng ah a Nunnak a Liam. CNA ralkap mino lak ah bochan ngaimi Bawino Salai Cung Lian Sang (Bo Khat) cu nihin January 22 ah Tedim peng ah a nunnak a liam, tiah thawng kan theih.
Anih hi Kachin ram in a rak kirmi a si i, Tedim peng ah SAC ralhrang doh ding in a umpimi hna si. Nihin zinglei ah bomb an hmenhnak ah a puak sual i Bawino Salai Cung Lian Sang a nunnak a liam hi a si. Kan upat tuk e na liam sia cu herh tuk ve ko lai mu Bawipa tu nih na neh hnu in na saduhthah mi rak tlin ter hram seh mu kan in siang lo tuk e na kal tak mi na chungkhar le na miphun Bawipa nih atha bik in rak hnem ko hna seh.Cong Lian Sang
Ngaihchia ngaingai a si zei ruangah hen CNA CDF hi nan mah tein bom nan i puah sual ton hna hnga mipi kan thinlung a nuam hrim lo e a tantak mi chungkhar Pathian tu nih thluachuah in pe ko hna seh. A sunglawi tukmi nunnak petu kan pasal tha hna nan liam sia herh hlah u. Nan khelmi ram le miphun damnak ding rian cu nan saduhthah a tlin hlan kan ngol lai lo. Kan in philh hrimhrim hna lai lo. Rianpi a lim tikah Nan rauthla in rak kan lawmpi te u mu.
Tedim peng ah SAC Ralhrang Helicopter Kahnak in “Mung No” a Nunnak a Liam. Nihin January 22 zinglei ah Tedim peng Hiangzing khua pawng ah SAC ralhrang nih Helicopter pahnih in mipi rungvengtu ralkap pawl an kah hna ca ah mipi ralkap lei in Mung No a nunnak a liam, tiah thawng kan theih.
Zing sml. 7:00 hrawng ah SAC ralhrang nih Helicopter pahnih in an kah hna pin ah Kalay University tual chung in miakpi in an rak kah chap hna. Hiangzing khua ah aa hrengmi SAC ralhrang pawng khamh ding in Kalay-Chin ramri ah nihin zinglei ah ralhrang pawl motor in an rak chiah chap hna bang in nizaan January 21 zong ah Tedim ah Helicopter panga in ralhang thazaang an chap.