Yangon khuachung voi 2,000 tluk kahdohnak SAC Ralkap Colonel Telh In Ralhrang Lei 600 Leng Thah An Tong
==========
Yangon ah kahdohnak, ralhrang ralkap le ralhrang leitang thahnak voi 2,000 leng ah SAC ralhrang lei in ralbawi Colonel telh in ralhrang 600 leng an thi i, Mipi ralkap 80 leng nih ram caah nunnak an pek tiah Yangon ram Mipi ralkap nih thawngthanhnak a tuah.
Min Aung Hlaing nih hramhram in uknak a lak hnu in Yangon khua mipi ralkap cu May 5, 2021 in May 31, 2023 kum 2 chung ah Yangon ramthen mipi ralkap (S.O.F/ Special Task Force-S.T.F) Bakahphah, UG le hriamtlaibu bu dang hna he tanrual in kahdohnak 2000 an tuah.
Yangon khuachung Operation kahdohnak ah SAC lei in Colonel tleh in mi 600 leng an thi tiah thanhnak an tuah. Mi 900 leng hliamhma an tuar, Mipi ralkap lei in 80 leng an thi i Hliambu mi 100 leng le tlaih a tonmi 1000 leng an si tiah theih a si.
Kahdohnak hmun hi Buddhist pawl Titoih puai lio Hlaingthayar peng, Kuah bazaar DC ah bomb puaknak le SAC vanlawng umnak kahnak le hmun dang bomb puahnak vialte in fonh ah SAC ralkap le police ah kahnak voi 1000 leng, khuachung uknak zung kahnak 800 leng, Sipuazi lutlai pawl kahnak 200 leng vialte fonh in Special Task Force kahnak 550 leng le bomb puahnak 1500 leng a um tiah theih a si.
National Unity Government (NUG) kuttang um Yangon ramthen ah Khuachung (Underground Movement) ralkap rual nih SAC ralkap le a bawmchantu dohnak in June 1 ni ah Yangon hram bumh a hmasa bik Battalion 5101 cu dirh a si cang tiah thawngthanhnak a tuah. SAC ralkap nih Uknak hramhram a lakh nu ah Myanmar ram ah PDF battalion 300 leng cu peng (Myo) 250 ah dirh a cang tiah NUG nih a langhter.
Yangon ah NUG nih Ralkap Battalion Thar No. 5101 An Dirh; National Unity Government (NUG) kuttang um Yangon ramthen hriamtlaih cawlcanghnak fak deuh in hmalak ding timhtuahnak he June 1 ah PDF Battalion no. 5101, a thar an dirh tiah theih a si.
SAC ralkap le a bawmchantu dohnak Underground Movement (UG) lawng si tilo in, PDF taktak cawlcangh thawk ding ah in June 1 ni ah Yangon hrambumh a hmasa bik Battalion 5101 cu dirh a si cang tiah NUG nih thawngthanhnak a tuah cu a si.
NUG chimnak nawlngeitu Nay Phone Latt nih, “Battalion 5101 dirhnak a ruang ah atulio khuachung cawlcangmi, Underground Movement (UG) zeihmanh donhkhanhnak a um lai lo, UG zong pehzulh in a um peng ko lai, SAC ralkap nawlngeihnak le uknak a thawnnak khuapi deuh ah mah bantuk Battalion thar kan dirh” tiah a chim.
“Kan ral nih a uk (control) khawh mi khuapi deuh ahhin mipi ralkap (PDF) thawnter ding a herh. Atu ah, Bago, Mandalay, Ayeyawaddy, Yangon ah Battalion thar dirh a si cang. Mah battalion hi a tu dirh hram thawkka a si caah a herhmi timhtuahnak, training peknak, hriamnam kong ah kan buaipi lio i Khuachung kahdohnak cu ni le can nih lai a rel te lai. A bik in Kan ral SAC tei khawh hi a biapi cem ko, SAC ralkap nih Mipi uknak a lak hnu in khuate lei kahdohnak a um.
Khuapi chungah raldohnak a fak tuk leng rih lo. Nihin ah Khuachung tiang battalion a hun um cang. Dohthlennak hi a rannak in dih cang seh ti kan duh. Khuachung cawlcanghnak NUG nih Battalion thar a dirh mi ah Dalan pawl fimtawl kho ding lam thar a ser a si ko. Khuachung Dalan fimhlawmnak mission hi palh lo ding hi a biapi nga” tiah NUG chimnak nawlngeitu Nay Pone Latt nih a chimchap.
Battalion 5101 a herh mi thilri cawknak ah “Yangon caah ceunak (ရန်ကုန်အတွက် အလင်းစက်”) timi min in US $500,000 Fundraising cu June 1 ah an thok tiah theih a si. SAC ralkap nih Uknak hramhram a lak nu ah ramchung ah ah PDF Battalion 300 leng cu peng (Myo) 250 ah dirh a si cang tiah NUG nih a langhter. Crdt; The Chinland Post