Breaking News: Thantlang Tatzinhmu Myo Zin Htun Cu Yangon Siizung Ah An Thlop Cuahmah Lio!

Thantlang khua le Biakinn vialte khang tu Lt.Col Myo Zin Htun cu Mingaladwin sii inn ah a um lio si
=========
Thantlang khua le Biakinn vialte khang tu Lt.Col Myo Zin Htun cu Mingaladwin sii inn ah a um lio si. CDF puah ding bomb atarh mi lila nih amah kee orhlei ke bul le tan dih in apuahhnawh hi si. A hawikom hna nih sii inn ah bawmhnak an va pek lio hmanthlak a si.

Pathian Bia hi ahopoh cungah a tlungmi Bia nung a si. Mi nih a tuhmi cu a zuun lai timi Pathian Bia cu hi pa cung zongah a nungmi bia a si. He just reaps what he sows. Mitlaknak khur a comi cu a mah a tla lai ti ah bible ah um cang kha.

Tlangzar le lungpi kar i mawtaw hleiruk nan rak hrawk mi bang sual lai ti hi kan phang i si ko lai mi poh nih lomh ding. Tha lonak kan tuah le kan mah in kan tuar cu hlai ah kanfa le kan tute tg in an tuar tih nung tuk.

Ziah zeitin dah minkaladun,sizungcu aphak manh hnga. Vanlawng maw avakal hnga. Akal ahcun kah awkteh țhahnga lomaw?
Asiloah vanlawng kah nakhi annei hrimlo maw sihnga. Helicopter in an lak le kalpi si lai.Helicopter hna cu kah tlak si deuh rua lo,Jet vanlawng deuh hi ngiar mi si in ka thei.

Thantlang Tatzinhmu cu amahten a “ke “pakhat atan ko cang hih…Bawipa kan lei ttan ahcun hodah a kan tei lai. Chinland Defense Force nih a rak ratnak lam ah bomb an phum cu Thantlang Kahlahyeh 269 tatzinhmu Myo Zin Tun nih a lamh phum caah a ke pakhat a rawk cang, tiah thawngpang theih a si.

Chin ramkulh, Thantlang khuapi chungah Min Aung Hlaing ralhrang Kahlahyee 269 tatzinhmu Du-Bohmukyi Myo Zin Tun cu nihin February 13, 2022 ni ah vawlei phum mi bomb a lam caah a ke pakhat a rawk tiin Chin Human Right Organization (CHRO) sinin thawngpang theih a si.

Hi kong he pehtlai in Chin Human Right Organization phu nih thawngpang dik a chuak khawh nakhnga an izuam cuahmah liopi a si bantuk in Yangon media pakhat zong nih thawng dik thanh khawh dingin kan izuam cuahmah lio ve, tiah an tarlangh.

Chin ralkap pawl an rak rat sual lai tiin lampi ah vawlei tang ah bomb an phum hi a si i, anmah phummi bomb nih a puah hnawh, tiah local media sinin thawngpang tha theih a si. Tatzinhmu bomb puah hnawh hnu ah ralhrang pawl nih Thantlang khuapi chung inn an khangh than i, voi 25 nak mei an khangh than hi asi.

Thantlang khuapi chungah um hmun an khuar mi Min AUng Hlaing ralhrang phu nih Thantlang khuami nih an zam tak cangmi inn an khangh hlei ah innchung thilri vialte zong an fir dih i, an duh lomi tiangin mei in an khangh, tiah thawngpang theih a si.

Nihin ni tiang ah ralhrang phu nih Thantlang khuapi chung inn mei an khangh cangmi hi cheuhnih ah cheu khat cu an khangh cang, tiah theih a si. Thantlang khuapi chung a ummi ralhrang pawl nih Thantlang inn le lo lentecelhnak ah an hmangmi hi a poi kho taktak.

USA Ah Chin Miphun Minung 20,000 Nih Ngunkhuai Kan Pek Hi $250 Millions A Si! USA ah Chin miphun a tlawmbik 20,000 nih rian kan ttuan. Cozah sin ah kumkhat ah Ngunkhawi (Tax) kan pek mi hi $250 Millions a si. Kan lai hri tan nak Chinram chinchin caah cun thlakhat ah $100 ($24 Millions) tal cu pee ve hna uh sih.

US Cozah sin ah Tax kan pek bantuk in CHIN cozah dir kho seh law Tax kan pek ter uhlaw tha hna. Laimi CHIN mi Cozah dir loin kan vaivuannak sak tuk cang. Chin mi Cozah a dir ve khawhnak ding cun pei thlakhat 100 te cu an khawlh langmang fawn cu rak i zuam ko u law ram thumnak um pawl mah le um nak ciao in kan I zuam ciao ko hna hi.

CNF/A kan ta le ral ram ah an nun him seh ti na duh ah cun na chawva rak ui hlah kan hriam nam a that lo tuk ruang ah kan pu le pawl a cheu cu an nun nak a liam i a cheu cu hliam hma an tong zei tluk lung fak dah si kan hriam nam a that lo bu tein ral ram ah ral he an i ton ah an mei thal a puah khawh lo caan a tam tuk. Ram chung ram leng um mi kan uu nau na kut rak samh ve a lak si hrim lai lo na chawva nih an ta le nun a him ter khawh ti kha rak philh hlah.

Zei maw caan ah cun kan duh mi a si lem lo nain, a peng a tlang in ti phun ah hin practical ah kan rak phur deuh, kan ni biatak deuh. Tutan ralkap 20,000 kan ngeih mi hi a peng a tlang in rak si hlah seh law fiang tuk in mah zat hi kan si kho lai lo ti a fiang ngai. RakP tam ngeih khawh pauh a ttha. Cun ramleng in a let tampi phaisa a chuak deuh. Kan tthawn deuh nak lam pauh hi kawl kan hau ko tinak mu..Na siaherh nak na vun langh ti kan ni lawm.

Panglong hnathlaknak kan i tlaih rih ko: KIO Vice-Chairman. Kachin miphun hriamtlai phu Kachin Independence Organization (KIO) in Vice Chairman nih Panglong hnatlaknak (Panglong Agreement 1947) kan i tlaih ko riah tiah a chim.

Ramkomh Kawlram zalonnak ngah khawhnak ding ah, Tlangcung miphun le Kawi miphun aiawh in General Aung San telh in tuahmi tonpumhnak ah Tlangcung miphun hna nih 1947 ah rak tuahmi Panglong hnatlaknak kha kan cohlan rih ko tiah KIO Vice- Chairman Gam Shawng nih tlangcung miphun hna aiawh in 2022 February 12 ah kum 75 camtuak ah, NUG hruainak in tuahmi Panglong hnatlaknak ni sunglawi ah a chim.

Cozah nih chan khat hnu chan khat Panglong hnatlaknak cu an duh poah in an mernak zong a chim chih. 2008 phunghrampi kha i tlaih in Federal ramkomh sernak ding nawl cu ram i ṭhencheunak a si tiah an rak i khamh. General Aung San nih ramkulh (State) covo, miphun ngan nih hip lonak le State i ṭhen khawhnak biakamnak a kan ngeihmi cu tlangcung miphun hna nih a tutiang kan i tlaih rih ko tiah a chim fawn.

National Unity Government (NUG) a cozah le National Unity Consultative Council (NUCC) nih 2008 phunghram cu a rawk cang tiah a thanh caah Federal lampi cu a hungong cang tiah a chim. NUCC zong nih Panglong hnatlaknak a buar ruang, a luancia caan vialte chung rak hremnak ruang le, thleidannak ruang ah tlangcungmi vialte kan ngaithiam uh tiah cathanh a chuah.

Pu Zing Cung: “Hramhram Ralkap Uknak Ahram in Bongh le Federal Democracy caah Mizapi Dohthlennak A Si Philh Hlah Usih” 2022 January 27 ah tuahmi NUCC Mipi Tonnak (People Assembly) ah Chin National Front (CNF) Chairman Pu Zing Cung nih biachimnak a ngeih mi chung in a tlaknak in kan hun lakmi a si.

Dawtmi Hruaitu upa le Tlangcung miphun vialte hna, National Unity Consultative Council (NUCC) hruainak in tuahmi People Assembly ah Interm Chin National Consultative Council (ICNCC) aiawh in biachimnak caanṭha ka hmuh caah ka lawm tuk hringhran.

Tulio caan hi luatnak (zalonnak) le dinfelnak a duhmi mizapi vialte hna kan caah tuanbia ṭial tlak ni a si. 2021 February 1 thok in Kawl ralkap cu mitam deuh duhnak kalh in hramhram uknak a lak kum khat a tling deng cang. Ralkap nih hramhram in mi tlaih-thah, tlaihhrem, mipi thilri chuh le biaknak lei inn pawl kha tinhmi ngei tein a hrawh len caah ram pumpi ning in harnak kan tuar.

Sihmanhsehlaw, Kawlram pumpi lungrual tein kan dohnak zong kum khat a tling ve cang lai. A nemnak tein duhlo-langhternak in kan thok ko nain Kawl ralkap i a sual tukmi a tuahsernak ruang ah a tu ahcun ram pumpi huap in hriam kan tlaih caan tiang a phan cang.

Kan nih Chin miphun hna zong nih Chinram le Chin miphun hna aiawh in mah tein khuakhan lairelnak le a tlukruang mi Federal Ramkomh (pi) serkhawhnak i ruahchan in ICNCC hi kan rak dirh.

A tu bantuk caan tiang kan dothlennak (pi) a kal khawhnak hnga riantuan duhlo in a nuarmi Civil Disobedience Movement (CDM) a tuahmi vialte, nu le pa vialte hna, Generation Z pawl, hriamtlai phu pawl, tlangcung hriamtlai pawl, ramkhel lei palai pawl, mipi cawlcangnak phu pawl le ram caah a nunnak pe in ral a tu mi hna le a lam kip dirkamh in temhnak a ing mi nu le pa vialte nan cung ah CNF chairman min in upatnak kan pek hna.

Hramhram uknak hrawh cikcek le Federal Ramkomh pi serkhawhnak caah ramkhel, Chawleh, pawngkam humhminnak hramhram uknak hrawhnak he aa pehtlai mi zulhphung le tuaktannak, i thlennak (အသွင်ကူးပြောင်းရေး) he aa pehtlai mi biaruahnak pawl vialte a tu People Conference thok in rianṭuan ṭi ding in ruahchannak ka ngei. Mah Conference dih cun mipi pawl nih an i ruahchan mi a phichuak ṭha le hmailei Federal rampi ser khawhnak lam a chuahpi lai tiah zumhnak ka ngeih caah a rak chuak khomi upa pawl vialte le aiawhtu nan thinlung, ruahnak, thazang dihlak in rianṭuan ṭi ding in kan sawm hna.

Nihin caan i kan tuahmi dothlennak hi hramhram uknak a rawh cikcek i Federal rampi sernak ding caah mipi hruaimi dothlennak a si kha philh hna hlah u sih.

Kanmah CNF le ICNCC zong mipi duhnak he aa tlak in hramhram uknak hrawh cikcek ding biakamnak he kan doh. Hi dothlennak a ṭhawn khawh chinchin nak hnga mipi hna zong nih kanmah le kan si khawhnak lam cio in i teltum ding ah kan sawm ṭhan rih hna. Credit: The Chinland Post