Breaking News: Tedim Kan Unau Pawl Nih Ralkap Le Palik Ralrin An Pek Cang Hna

Breaking News: Tedim Kan Unau Pawl Nih Ralkap Le Palik Ralrin An Pek Cang Hna
=====================
Chin ramkulh, Tedim khuapi chung cu mipi nih direct in uk hruaimi a si bantuk in ralkap le palik nih meithal ap dingin nan chimrel ahcun kan in kah hna lai. Innngeitu nawl peknak tel loin ralkap le palik nih dumchung nan luh ahcun hmunkhat teah kan in kah hna lai caah a hlankar tein theihternak kan in tuah hna. Hihi ralrin nak catar mi pawl hi Tedim Civil Society Support facebook page ah an tarlanghmi a si nain, a tanglei ah Civil Armed Force tiin an langhter.

Khah! chaklei kan unau pawl cu, ralkap le palik pawl ralrin an pek cang hna i, dumchung nan luh bak ahcun kan in kah hna lai an ti bak cang hna. Hiti ning a si ahcun a linsa chin lengmang cang lai. Kan nih Hakha le Thantlang khuapi chung zongah kan tuah ve hrimhrim awk a si cang. Kan khua kan ram hi Chin mino hna nih kan kilhkamh le kan runven a hau cang lai caah timhcia tein um cio hna usih.

Relchap, Chin ram ah ral a tho lai maw; khoika lei zaam ahdah a hiim deuh hnga: Thil cu ttanhtu/bawmtu (supporter) hoih in cattialmi an um ko lai; forhfialnak/lungthawhnak (motivation) hoih in cattialmi zong an um ve ko lai. Thilsining cungah ttha tein zoh le tuaktaan (analyze) tuah in cattialmi zong kan um ve ko lai. An cattialmi kan rel tikah a tthenzia thiam le a relzia thiam tu a hau.

Tuzing (kanmah US lei zingka) ah phone in Hakha lei thil-umkalning an chimmi pakhat ka theihmi cu: ‘ral a tho kho; cucaah Hakha hi a hiim lai lo; khuate lei (silole) Mizoram ah va rol-zaam ai timi’ an um len ti asi. Aluancia thilsining tete zoh tikah: kanmah tlaangcung umnak ah Kawl ralkap le tlaangcung hriamtlai phu pakhatkhat i kah (silole) ral a thawh tik poah ah: a tuar-ing cemmi cu khuate ummi le khua pawl khi an si deuh.

Cucaah kan Chin ram ah Kawl ralkap le hriamtlai phu i kahnak chuak taktak hmanh sehlaw: Khuapi chung (Hakha/
Thantlang) tibantuk nak in, Khuate lei ummi kha a tuar-ing deuhmi an si te ko lai. Khuate lei kha a hiim deuh hlei lai lo. Cun ruah-awk ummi cu: kan Chin ram ahcun, tuan ah ral a tho lai lo. Aruang 1) Kan Lai ralkap an thader tuk rih ca-ah an kap ngam hna lai lo. 2) Tulio Kawlram buainak hi, ram pumpaluk asi ii, kanmah Chin state bantuk ralkaap thazaang hngatchan tlaak a ngei rih lomi ca-ah cun ral a thawhnak ding a lam um rih lo tluk khi asi. Meithal ngei lomi mipi (sandahpiahmi) nih meithal ai tleihmi Kawl ralkap kha: thazaang in va tthuat le doh awk a ttha lomi thil asi.

Cun rampi uknak cozah an tlaihhip (control) nak Naypyitaw le khuapi Yangon boruak khi zohchih in: kanmah Chin ram zongah fimkhur tak in kaarhlaan le cawlcangh thiam a herhmi asi. Minung pakhat nunnak sungh hi a faak tuk hringhran mi asi. Credit: Van N Elizabeth