Kalay Khua Pawng Sianginn Pakhat SAC Ralhrang Nih Helicopter In A Kah Caah Mipi 1 A Thi, 4 Hliam An Tuar
=========
Sagaing ramṭhen, Kalaymyo peng, Shuhkintha khua um sianginn pakhat SAC ralhrang nih helicopter in a kah caah mipi 1 a nunnak liam i, 3 nih hliamhma an tuar, tiah CNO Upper Chindwin Refion- UCR in ṭuanvo ngeitu pakhat nih a chim.
Nihin June 5, zinglei suimilam 10:30 tluk ah Kalay peng, Letchaung-Yarzagyo lampi um Shuhkintha khua le sianginn cu SAC ralhrang nih helicopter pakhat in minute 5 tluk chung a kah caah mipi pakhat a nunnak liam i, 4 nih hliamhma an tuar hi a si.
“Kalaymyo in a kaimi helicopter a si lai, minute 5 lawng a kah caan hi a rau i, cu hnu ah a kir colh. Kahdohnak zong a um lo, sianginn ah tonpumhnak an ngei ti a theih caah a rak kah hi a si, hriamngan zong in an kah hna, a rawkmi kong ah thawngfiang kan thei dih rih lo” tiah a cunglei upa nih a chim.
Cu pinah chun suimilam 11:37 tluk ah Kalaymyo khuapi chung umhmun a khuarmi SAC ralhrang nih hriamngan voi khat an kah ṭhan caah mipi hna kan i ralrin a herh, tiah CNO Upper Chindwin Refion- UCR nih ralrin peknak an tuahchih.
Chin Ram Ah Mocha Thlichia Ruang Harnak Tongmi Hna Bawmh Ding Ah SAC Ralhrang Nih Facang A Kuat; Chin ramkulh chung ah Mocha thlichia ruang ah harnak a tongmi mipi hna bawmhchanh ding ah tiin SAC ralhrang nih helicopter pakhat in Hakha khuapi ah bawmhnak a kuat, tiah theih a si.
A luancia June 3 ah Kalaymyo khuapi vanlawng bual ah SAC ralhrang nih facang tun 320 a kuat i, a cheu cu cunglei in Hakha khuapi ah a kuat cang. A cheu cu motor in kuat a timh, tiah June 5 ah Zalen nih a langhter.
Rakhine Ramchung Thlichia Ruangah Ti Hna 400 Nak Tlawmlo A Rawk; UNDP; Mocha thlichia ruang ah Rakhine ramchung hmun kip ah din ti hna 400 nak tlawm lo an rawk tiah NUDP Myanmar nih June 2 ah a langh ter.
Aluan cia May 14 ah a rak cang mi thlichia ruangah Rakhine ram chung a rawkral mi kongkau he pehtlai in UNDP nih report pakhat a chuah mi ah a tu bantuk in a langh ter hi a si. Hi thlichia ruangah Rakhine ramchung cu rili ti le cerhcet nih din ti hna cu khuh in a hrawh caah mipi caah dinti thiang a dang hman ding a um hlei lo, cu a thiang lo mi ti cu an din ei mi a si tiah UNDP nih cun a langh ter chih.
Breaking News; Zlatan Ibrahimovic (Kum 41) cu pumpululh chuih thiamsang sinak in aa din cang, tiah theih a si. “Minthang Ibrahimovic hi Sweden ram a si i, atu a hnu bik a chuihnak Milan nih hin Dolar $2.3 Million in a rak cawk. Movic hi pe 5′ le lehmah 6 a sang i pumpululh chuih thiamsang hna chung in pumrua ṭha lak ah aa tel vemi a si” tiah ESPN FC nih June 5, nihin ah a ṭial. Credite; Lungmili Post