Senthang Peng Ah Bomb An Thlak Nak Kong A Hnu Bik Thawngpang!
==================
Hakha peng Senthang ram chungah SAC ralkap Jet Fighter nih bomb a thlak, tiah theih a si. “Nihin May 8 zanlei suimilam 5:00 hrawngah SAC ralkap Jet Fighter nih Senthang ram chungah bomb a thlak. Sakta le Khuapi ram chung hrawng ah si dawh bik a lo ko,” tiah tualchung mi pakhat nih The Chin Post ah a chim.
Nihin May 8 chun ah SAC ralkap vanlawng nih Phaipha le Surkhua kiangkap zong ah voi 6 hrawng tiang a hel len. Cu hnuah zanlei suimilam 5:00 hrawng ah Khuapi khua kiangkap hrawng ah cun bomb a thlak hi a si, tiah theih a si.
Bomb a thlaknak hmunhma hi fiang tein hngalh a si lo. A ruang cu Senthang lei hi phone line a pit dih i chawnh khawh an si lo. Cheukhat nih Khuapi le Sakta khua kiangkap hrawngah si dawh a lo ko, tiah tualchung mi hna nih an chim.
SAC ralkap Fighter nih khoika khua ahdah bomb a thlak ti hi The Chin Post nih kan fehtermi a um lo nain tualchung mi hna chim ning ah Senthang ram chung ah cun a thlak ko, tiah an chim. The Chin Post nih Khuapi le Sakta khuami kan pehtlaih ko hna nain phone line a pih dih caah kan pehtlai kho hna lo.
CDF Ralkap Pakhat Nunnak Liam, Khuami Pathum Hliamhma An Pu Nihin May 8 zanlei suimilam 5:00 hrawng ah Hakha pengkomh Senthang peng Khuapi khua inn pawng kam ah SAC ralkap Jet Fighter nih bomb a thlak ruangah Senthang CDF AGS Salai Siang Cung Hnin nih ram le miphun ca ah a nunnak a pek.
Khuami pathum hliamhma an pu, tiah theih a si. Nihin chun zong ah SAC ralkap vanlawng nih Phaipha le Surkhua khua cunglei in voi 6 hrawng a hel len cang, tiah tualchung mi hna sinin theih a si.
Hakha peng Senthang ram chungah SAC ralkap Jet Fighter nih bomb a thlak, tiah theih a si. “Nihin May 8 zanlei suimilam 5:00 hrawngah SAC ralkap Jet Fighter nih Senthang ram chungah bomb a thlak. Sakta le Khuapi ram chung hrawng ah si dawh bik a lo ko,” tiah tualchung mi pakhat nih The Chin Post ah a chim.
Nihin May 8 chun ah SAC ralkap vanlawng nih Phaipha le Surkhua kiangkap zong ah voi 6 hrawng tiang a hel len. Cu hnuah zanlei suimilam 5:00 hrawng ah Khuapi khua kiangkap hrawng ah cun bomb a thlak hi a si, tiah theih a si.
Bomb a thlaknak hmunhma hi fiang tein hngalh a si lo. A ruang cu Senthang lei hi phone line a pit dih i chawnh khawh an si lo. Cheukhat nih Khuapi le Sakta khua kiangkap hrawngah si dawh a lo ko, tiah tualchung mi hna nih an chim.
SAC ralkap Fighter nih khoika khua ahdah bomb a thlak ti hi The Chin Post nih kan fehtermi a um lo nain tualchung mi hna chim ning ah Senthang ram chung ah cun a thlak ko, tiah an chim. The Chin Post nih Khuapi le Sakta khuami kan pehtlaih ko hna nain phone line a pih dih caah kan pehtlai kho hna lo.