SAC Le Pyusawhti Nih Hmandaw Khua Inn 10 An Khangh
=============
Kalay peng Hmandaw khua ah SAC ralkap le Pyusawhti nih June 25, 2023 ah kahdohnak zeihmanh um loin inn 10 an khangh tiah tualchung mi pakhat nih The Chin Post ah a chim.
Inn khanghpiak a tong mi hna min cazin kan theih khawh tawk cu
1. Pu Pheng Tu
2. Pheng Tu nu te
3. Pu Tial Hmung
4. Pu Tin khup
5. Pu Kam Bik
6. Pu Hrang Mawng (Tluang Zel pa)
7. Pu Biak Zel (Rual Mawng pa)
8. Leng Hmet Sui
9. Pu Chan Awng (Duh Bik Ceu A)
10. Pu Sang Tawi
Hmandaw Khua hi khuami an um lonak kum 1 leng a si cang. Atu bantukin kahdohnak zeihmanh um loin SAC le Pyusawhti nih an khangh hi cu lung a fak ko.
Tonzaang Peng Motor Canghsualnak Ruangah Minung 7 Nunnak Liam! Chin ramkulh, Tonzaang peng, Shialthawzaang khua in Singgialzaang khua lei ah ruak humh ding in a kalmi motor pakhat cu an kir lei ah ruahlo piin canghsualnak a ton ruangah motor chung cuang mi 7 nunnak a liam, tiah tualchung mi nih an chim.
June 24, chun suimilam 12:00 hrawng ah Singgialzaang khua in Shialthawngzaang khua lei i a kirmi Pu Mang Khen motor cu thing in tuahmi Yesakyo hleidonh an tan lio ah hleidonh mih a kiahpi hna i cu motor cu hlei tang ah aa tla, tiah theih a si.
“Singgialzaang khua ah mithi an um caah chungkhat sahlawh hna nih ruak humh ding in an zulhmi motor cu hleidonh an zawh lio ah hlei cu ruahlo piin a tla i motor chung cuang mi 7 nunnak a liam. Minung 2 hliamhma an tuar i hliamhma tuar mi hna cu Yazagyo sii-inn ah an thlop hna” tiah Singgialzaang khuami hna he naihniam in um mi nih an chim.
Motor canghsualnak ruangah nunnak a liam mi hna cu nihin June, 25 chun suimilam 12:00 ah Khrihfa phunglam in ruak vuinak an tuah, tiah theih a si. Motor a tlaknak thing hleidonh cu a ropcak tuk mi a si cang, tiah cuka lam a zawh tawn mi hna nih an chim. Singgialzaang khua cu Yazagyo in meng thum hrawng a hlatnak ah a ummi a si i, Kalaymyo in meng 20 aa hlatnak ah aa ummi khua a si. Crd; The Chin Post