Breaking News: Russian defence minister Sergei Shoigu cu a thawngpang theih a si ti lo!

Breaking News: Russian defence minister Sergei Shoigu cu a thawngpang theih a si ti lo!
========
Russian defence minister Sergei Shoigu cu lungtur (heart attack) in a kuah i a thih le nun kong an i fiang loin Ukrainian adviser Anton Gerashchenko nih a chim.

Russia Bawi Ngan Athi Cangmi Cazin; Lieutenant General Andrei Mordvichev, Major General Vitaly Gerasimov, Major General Andrei Kolesnikov, Major General Andrei Sukhovetsky, Colonel Nikolay Ovcharenko, Colonel Sergei Porokhyna, Colonel Sergei Sukharev, Colonel Andrei Zakharov, Colonel Konstantin Zizevsky, Lieutenant Colonel Yuri Agarkov, Lieutenant Colonel Denis Glebov, Lieutenant Colonel Dmitry Safronov, Major Viktor Maksimchuk, General Magomed Tushaev, Captain Andrey Paliy, Captain Alexey Glushchak, Colonel Alexei Sharov.

Kan theih dingmi NATO, US le Asia auh ning ah Lieutenant General an timi khi “General” changtu an si. Russia auh ning ahcun Lieutenant General cu US le Asia mi nih Major General rank khi asi. Brigadier General khi an auh ning asi lo caah Major General tiin an auh, Lieutenant General kan timi khi annih nih cun Colonel General an ti.

Ukraine le Russia Kongah Kan Hngalh Fian Tuk lomi. 1973 (Yom Kippur War) ahkhan Syria le Egypt nih Israel an rak kah. Egypt le Syria cu Soviet Union nih a hriamnam thatha in a rak bawmh i, Israeli cu US nih a hriamnam thatha in a rak bawmh ve.

Cikhat te cu Israel ralkap pawl hi hnu an rak tolh ngai nain raldoh thiamtukmi kan ti cu Syria nih a hmanmi Soviet hriamnam sining an vun dothlat khawh colh than tikah zarh hnih chung an i kah ah Israel ralkap minung 2800 tluk an thih, tanks 400 tluk an sung i vanlawng 300 tluk an sung. Asinain Syria le Egypt lei tu cu Soviet Union nih a hriamnam tha bikbik pawl a bawmh mi pawl an hman buin minung 18,500 tluk an rak thi i, Tanks 2300 an rak sung i vanlawng 514 tluk an rak sung diam.

1962 “Cuban Missile Crisis” hnu ah biatak tein USSR le US biatak tein buainak thar a vun chuah than asi. Soviet Union leader Leonid Brezhnev cu US cungah a thin a rak hungtuk tuk i kanmah le kanmah i kah hau dawh kan si cang tiah a rak ti. President Richard Nixon chan lio kha asi i kha lio ahkhan Soviet Union hi an rak thawn cingling asi caah US nih an rak zenh deuh ziar. Henry Kissinger cu United States Secretary of State a si lio asi caah a rannak in remdaihnak a rak siampi zokzok hna.

Nihin Russia le Ukraine dirhmun kan zoh tikah Russia hi US nih zeitehnamh ah a rel ti lo timi hi a langh ngaingai. Putin cu a fak khawh chung fak dingin le Russia hi tlu dik cikcek seh ti bak khi an i timhmi cu asi ko, an mah nih va kah khi an i thlachiat sawhsawh lawng khi asi ko.

Nuclear thazaang tampi a ngeimi ram asi nain zeitluk in an ngam timi cu sanction phunphun an tuah, hriamnam thatha an bawmh, Russia nih ralrin a pek lengmang ko nain an sirhleih i an kuatmi a tam chin lengmang i an ngan deuhdeuh rih. Hi a sullam cu Russia hi zeite ah an rel ti lo, Phundang in kan chim asi ahcun a nuclear zong hi an tih lo tuk ti khi asi ko. An rak tih lio ahcun remdaihnak rumro an rak kalpi colh tawn kha mu.

Hihi a sawhsawh in an ngam lai lo US intelligence pawl hi thil an theih kho tuk, thil an dothlat kho tuk, Russia missiles kahmi le hmun khuarnak vialte an theih viar ziar, a hriamnam thatha pawl zong khi zeituak dah an si timi zong an i fiang tuk caah tihtuk dingah ah ruat lem lo i asi kho. Hypersonic zong Russia nih a chim ning ahcun mach 10 tluk rangingt a zuan a timi cu mach 5 lawng a rak si diam ko khah.

Remdaihnak siampi lei cu Ukraine nih duh hmanh sehlaw US le NATO nih cun an duhpiak ziar lo, aruang cu ka rak chim cang bangin Biden teirulchamnak asi bik ko. 2016 lio le 2020 lio ah Putin nih Trump nih teinak a hmuhkhawhnak hnga a rak i rolh tiah US intelligence nih fiangtein an langhter i Biden nih “a tuahmi man cu a liam hrimhrim lai” a rak timi phichuak asi ko.

Tutan NATO summit zong khi zeihmanh asi lo Putin hi zeitluk fakin dah kan chap luaimai lai i zeitindah Ukraine hi kan thawnter chinchin lai ti khi asi ko. Ka hmuh ning ahcun tuhnu Ukraine nan bawmh nawlh ahcun nuclear ka hman cang lai tiin Russia nih i hro hmanh sehlaw zeite ah ah rel Hlei lai lo tiah ka hmuh.

Cucaah Putin cu a hrom in dih khi asi ko cang ai phoh kho lai maw ai thihpi lai dah timi cu chim awk a har lai. Ukraine a sung ahcun NATO kan sungh bantuk asi ve lai timi hi an i ruah pahmi a lo pah caah ral caan asau deuhdeuh lai i hriamnam nganngan le tha chin lengmang kuat chinchin dawh si dang in an um ko. Credit: Chelsea Bawi