Breaking News: Nihin Hlaingthaya Myo Cu Ralhrang Phu Nih Mei An Kangh Than Cang

Breaking News: Nihin Hlaingthaya Myo Chung Cu Tihnung Tuk A Si Cang
====================
Yangon khuapi myo kip ah buaibainak a um lawng si loin nizan thawk in Hlaingthaya myo hi a zualmal deuh caah nizan lawng bak ah minung 30 leng an nunnak a liam. Kawlram pumpi ca hmanh ah Hlaingthaya myo hi abiapit tukmi zong a si fawn. Kawlram cu sehzung tampi a umnak zong a si bantukin nizan zongah sehzung pahnih an kanghmi cu cheukhat nih Hlaingthaya mipi nih an kanghmi a si, tiah a ruahmi an um bantuk in cheukhat ve nih cun ralkap ralhrang phu nih an kangh tiah an chim ve.

Nihin zingka 7:00 – 10:00 tiang Hlaingthaya myo chung le sang chung ah punghman tein mipi cawlcanghnak an tuah ko tiah thawng theih a si. Lam tampi ah ralkap motor pawl zong tampi an chiah hlei ah ni dang nakin ralkap pawl nih motor ningcang loin mipi sin lei ah an mawngh tiah theih a si. Hi Hlei kong he pehtlai in Hlaingthaya myo chung lei ah ralkap phu luh deuh le kal deuh an duh nain mipi pawl nih cheukhat lam ah an kham kho rih hna tiah theih a si. Nihin mei an kanghmi hi phungning lo ralhrang phu nih an kanghmi a si tiah thawng theih a si.

Cucaah, ramchung ramleng a ummi Kawlram mi vialte nih abik in Hlaingthaya myo chung um mipi pawl hi thlacamnak in bawmh cio hna usih. Zahan zan ah ralkap pawl nih martial law hmang ding le ralhrang phu nih duh paoh in uk ding le nawl ngeih dingin Yangon ramthen Tianghmuu sinah nawl an pek cang fawn. Kan Kawlram kong ruah tikah ngaih a chia tuk hringhran ko. Zei caan tiang dah kan tuar ing rih lai tiah ruah ah zan zong tha tein hngilh khawh a si ti ko.