Breaking News; Mipi Vialte Nih Theih Lai Kan Tih Bik Mi Thawngpang Chia!!

Kan Theih Khawh Mi Chung In Thawngpang Chia!!
=======================
SAC ralhrang hna cu Tanintharyi, Launglon(လောင်းလုံးမြို့နယ်) peng Minyat(မင်းရပ်ရွာ) khua ah lut in khuami pakhat an thah i inn zong mei in an khangh tiah theih a si.

SAC ralhrang hna cu mawṭaw pahnih khat in Launglon peng Minyat khua ah an lut i tualchungmi pa pakhat an thah, cun inn zong mei in an khangh tiah LLPDF nih an chim.

Cun SAC ralhrang hna nih Minyat tlang cung in hriamngan, hriamhme in ramtang lei zong an kah len. Khuami inn zong ah an lut i thil an fir hna. Cycle zong 5 an fir tiah LLPDF nih an thanh.

Sagaing ramṭhen, Khin-U peng um khua khua 3 cu SAC Ralhrang hna nih mei in an khangh ca ah Inn 650 a kang i ralhrang hna nih khuami pakhat kum 90 tarpa cu mei in thi lak in an khangh tiah theih a si. Atu bantuk in thil a can hi Tangkhawng 30 le Nohawng 1 ah a si.

Sagain ramṭhen Kanbalu(ကန့်ဘလူမြို့နယ်) peng ah ralzaam in a ummi nu pahnih cu rul nih a cuk hna tiah theih a si.
Nohawng 2 chun ah kum 58 nu pakhat cu rul nih a cuk i Nohawng 3 ah kum 24 nu pakhat a cuk ṭhan.

Rul nih a cukmi hna cu rul sivai a damh khomi BPI dur 6 le India sii rul siivai teimi 4 an chunh hna i 80% cu an dam cang tiah theih a si.

Chin ramkulh, Tonzang peng Darkhai(ဒါးရ်ခိုင်းကျေးရွာ) khua ah Nohawng 2 zaan ah Full Gospel Biakinn pakhat, EBC Quarter Biakinn pakhat le minung umnak inn 5 telh in a dihlak inn 7 a kang tiah Zalen nih a langhter.

Inn a kanghnak a ruang hi fiang in theih a si rih lo, inn kanghnak ah hliamtuar le nunnak a liam mi an um lo tiah theih a si. Chin, Sangaing, Pegu le Magwe chung um peng (မြို့နယ်) 28 ah ralkap uknak (Martial Law) hman ding in SAC ralhrang nih cathanh an chuah.

Sangaing ramṭhen ah peng 11, Chin ramkulh ah peng 7, Pegu ramṭhen ah peng 5, Magwe ramṭhen ah peng 5 hna ah ralkap uknak hman ding in February 2 ah SAC ralhrang nih cathanh an chuah hi a si.\

Chin ramkulh ah aa telmi peng hna cu; Tedim, Tonzang, Falam, Kanpalet, Matupi, Hakha le Thantlang hna an si i Mindat le Paletwa tu hi an i tel lo.

Yangon, Ahlone(အလုံမြို့နယ်) peng ah YBS mawṭaw pakhat nih nu pakhat cu a phei(thigh) ah a rial sual tiah theih a si.
Nihin Nohawng(february) 2 chun hrawng ah atu bantuk in thil a can hi a si, hliam a tuarmi nu cu Yangon Siizungpi ah an kal pi i Mawṭaw mawngtu pa cu a zam tiah theih a si.

SAC ralkap cohlannak lamzawh ding in sang khat ah minung 10 cio chuah ding le pengkip ah tuah ding in SAC nih nawl an chuah, tiah theih a si.

SAC nih nawlngeihnak an laak kum 2 tlin camtuak ah, ramkomh kawlram khuapi tam ngai ah daite um in SAC ralkap uk duhlonak rak langhter hnu ah pengkip ah SAC ralkap cohlannak le dirpinak lamzawh ding in SAC nih hramhram in timtuahnak an ngei, tiah theih a si.

“Sang khat minung pakhat nan chuak lai. A chuak duh lomi kyats 5,000 nan thawh lai i, sang khat ah minung 10 thimmi hna an nikhat nihlawh le dih-heu nan rin dih hna lai an kan ti. SAC ralkap cohlannak lamzawh ah a kalmi cu ṭha tein humhimnak kan in laak hna lai an kan ti,” tiah Myaungmya peng tualchung mi pakhat nih a chim.

SAC ralkap cohlannak lamzawhnak ah sang khat minung 10 cio hrelh loin nan chuak lai, tiah SAC nih kawhnak ca an chuahmi Khit Thit Media nih an phozar.

Naypyidaw zong ah ralkap cohlan le dirpinak lamzawhtu hna ca ah ralkap le palik nih sentari cawnghnak buk an sial i humhimnak laakpiak ding cazin an chuahmi vialte zong Khit Thit Media nih an phozarpiak hna, tiah theih a si.

SAC nih uknak a laak kum 2 chung ah hramhram in kahdohnak le thahnawnnak a tuah ruang ah sualnak ngei lo mipi 1,950 nunnak a liam i, 17,604 tlaihkhih an tong tiah ramkhel lei thongtla bawmchantu phu AAPP nih a thanh.

Tutan ah langhtermi cazin hi 2021, February ni 1 in 2023, February ni 3 tiang AAPP nih a khomhsuatmi cazin a si i, atu ah langhtermi nakin a tak ah an tam deuh kho tiah a langhter chih.

Khuapau Dohthlennak chung ah nihin February ni 3 tiang ah hren a tongmi hi 13,825 an si, cu chung ah minung 2,311 hi thongthlak ding ah biakhiahnak tuahpiak cangmi an si. Thongthlak a tongmi hna chung ah thihdan pekmi dihlak hi 143 le luatnak a hmutu hi 3,796 an si.