Hpasawng Peng Infantry 134, 135 Hna Drone In Bom An Thlak, Sergeant Telh In 3 An Thi;
=============
Karenni ram, Hpasawng peng ah a um mi SAC Infantry 134, 135 hna cu Drone in bom an thlak hna caah Sergeant Aung Chan Myae telh in ralkap 3 an thi tiah theih a si.
June 20 zaanlei sml 3:00pm hrawng ah Karenni ram, Hpasawng peng, SAC Infantry 134 le 135 hna cu Drone in bom an thlak hna caah Sergeant Aung Chan Myae le adang ralkap 2 bom nih a khen hna caah a hmun ah an thi tiah theih a si. Atulio Hpasawng khua ah SAC ralkap thazang an der i Karenni phu pawl, PDF phu pawl nih an doh hmasa lengmang hna tiah theih a si.
Kwilonedai Sakhaan Kahdohnak Ah SAC Ralkap 3 Sniper Nih A Thah Hna, A Tang Mi Thai Lei An Zaam Dih; Kwilonedai sakhaan le sakhaan caah riahcaw a rak phor mi SAC ralkap pawl an zaam dihnak kong he pehtlai in Myanmar ram thlanglei kahdohnak hmun, Special Operation phu, Column 1 hruaitu Saya Kyaung le The Voice of Spring biaruahnak muicawl a si.
KNLA Special Operation Force Column 1 nih June 3 zinglei sml 5:30am ah SAC ralkap S.B.C telh in 3 an thah hna i 13 hrawng an hliam hna caah Thai ram lei ah an zaam.
Kalaymyo Ah SAC Ralkap Hriamngan Ruang Ah Mipi 1 A Thi; Sagaing ramṭhen, Kalay peng, Thasi khua ah SAC ralkap nih an kah mi hriamngan a puak i kum 20 mino 1 bom ci nih a peh caah a nunnak a liam tiah theih a si. June 20 zinglei ah SAC ralkap nih an kah mi hriamngan a puah caah pa 1 a nunnak a liam i nu 1 zong fak ngai in aa hliam hi a si.
SAC ralkap nih Kalay peng thlanglei ah hriamngan an kah lengmang i June 18 zong ah SAC ralkap hriamngan ruang ah Htuma khuami pa 1 a thi i 2 an i hliam tiah theih a si. Kalaymyo thlanglei khua chuahnak ah a um mi SAC ralkap nih kah mi hriamngan ruang ah June thla chung ah mipi 4 an thi cang i 20 leng hliam an tuar tiah theih a si. Crd; The Chinland Post