SAC Ralkap Ah Lt. General Rank In A Cunglei Bawi Pawl Khuasak Tintuknak!
==========
An innchungkhar caah special ei-din rawl cu Directorate of Army Logistics ကက(ပံ့) တပ်မတော်ထောက်ပံ့ပို့ဆောင်ရေးညွှန်ကြားရေးမှူးရုံး nih Facang, Chiti, Cite, Khachuam, takbare ei-din a phunphun ṭuanvo a lak. An eidin mi cu adang rank ngei lo ralkap bantuk in rikhiah piak an si lo. An duh tik caan poah an PSO nih Army Logistics G2/G1 ah chimh in lak a si.
An ei-din mi sa phuntling zong a leng ah cawk an hau lo. Sa, Nga phunphun zong Army Logistic ကက(ပံ့) ṭuanvo a si. Bawi pakhat a innchungkhar nih rilipi ngaikuang phunphun, Arsa, Cawsa, Mehehsa, le sa phuntling cu Army logistic bazaar motor nih nifatin an inn ah pek peng a si. Cu hlei ah innchungkhar hmanmi thilri, (thlalang ong, Aircon, thilri phunphun a thar thlennak maw) zeizong vialte Army logistics nih ṭuanvo a lak.
An innchungkhar minung vialte caah ngandamnak caah Sii le zohkhenhnak zong Army logistics ကက(ပံ့) ṭuanvo thiamthiam. Thla fatiin in a tha bik Sii Package (Vitamin phunphun le Cholesterol sii) pek peng an si. Lieutenant General rank bawi cu thlakhat ah Sii lei zohkhenhnak ah sing 15 Sii package, General rank nih sing 20, tiin nihin thilman he cun sing 40 sii package an lak tawn.
An kuttang Commander bawi pawl thlakhat voikhat khual an tlawn ahcun an khualtlawnnak peng le khua um Crony pawl nih phungning lo in thlakhat ah sing 100 nak tam tangka an pek rih hna. Cun thlali voikhat U Paing MEC company nih Sui le lungvar man sung package cu an sining rank zoh in package pakhat cio an pek hna. An innchungkhar hmanmi Wifi free, phone bill free hmannak nawl an ngei.
An mah caah innhmun vawlei an duh mi paoh pek an si rih. Naypitaw pawngkam innhmun thar le ramṭhen, ramkulh a um mi commander bawi nih an duh mi hmunthar vawlei laknak nawl an ngei rih. NLD chan hlan ah Yangon-Mandalay lamkam um Haitheidum caah ti in vawlei cu acre pakhat ah Kyat 75 cozah rate mandeng tak in acre tam pi an rak cawk cio.
Cupin ah Lieutenant General in a cunglei bawi fa le nih company dirhnak nawl an ngei. Lieutenant General bawi fa le cu lam le hlei company a dirh mi an tam. Cozah tender project tla mi cu an mah company ah pek an si tawn. General rank fale nih construction picel, ralkap vailte hmanmi eidin, sii vialte le battalion inn le lo remhmi tender an lak dih.
Cucaah Army logistics nih an duhherh mi poah chanbau lo tein a lak free in an pek peng hna. An facang ei mi ah Thailand fang, Saudi fang, Vietnam khachuan phunphun. Seafood ei mi Japan, ramdang lei a ra mi..Cawsa, Tusa, Mehehsa, ti ah Australia le ram kip a ra mi,
General ralbawi hna nih duhpoah in an ei -din an rum tuk lio ah an kuttang ralkap pawl cu ralram ah eidin tirawl hmanh ngei lo, a thi mi lukhong ngei ti lo, TA-DA pek ti lo, Hliam tuar tik zong ah ṭha tein zohkhenh lo, rank kai ti le um lo, cheukhat ralkap an thih le nun zong chungkhar nih theih ti lo in salrian an tuan lio caan ah anmah General pawl cu an innchungkhar ah siangpahrang bantuk in nuam tak in an um lawng si lo in an kuttang PSO, Security, Driver, rawlchum, sinum minung hna hlei ah an zuat saram an eidin mi zohtik ah nikhat ah sing tamtuk man a si. Cucaah saram hmanh a tluk ti lo mi sal dirhmun ah a um mi ralkap sawhsawh pawl nih an pu le sining vialte theih hna sehlaw tiah siaherh bu in.
Singapore UOB Bank Nih Myanmar Ram He Rianṭuanṭinak Vialte A Dirter Lai! Singapore ah a biapi ngai mi Bank ngan a si mi United Oversea Bank (UOB) nih Myanmar ram he pehtlai in a ṭuan mi rian vialte September 1 thawk in a dirter dih cang lai tiah Nikkei Asia thawngzamh nih August 9 ah a ṭial. Mah hihi Vawlei cung tangka luhchuahnak lam chung ah SAC hruaitu pawl an i teltumnak ri an khiahpiak hna a si.
SAC nih mipi cung ah hramhram in thil a tuah mi/nuhrin covo a buar mi hi nikhat hnu nikhat a karh chin lengmang tiah Independent Investigative Machanism for Myanmar (IIMM) nih August 8 ah report a chuah ve.
UOB nih Myanmar ram in tangka luhter le chuahternak vialte kha ri a khiah lai i UOB Bank chung lawng in tangka luhchuahnak nawl awnh a si lai. Visa le Master Card hna zong ṭha tein a zohfel lai i Myanmar Bank pawl nih ramdang in tangka an cohlan khawh nak hnga Hongkong ah an awn mi Nostro Bank Account zong an phih lai tiah theih a si.
Singapore ram hi SAC nih hriam an luhter khawh nak hnga caah a karlak ah a biapi in aa teltum mi ram a si tiah UN Special Repporteur Tom Andrew nih May 17 ah a chim hnu in SAC caah tangka bawmhnak tuah ti lo ding in American nih a hnek caah Singapore a thinphannak a karh chin tiah Nikkei Asia nih cun a langhter. Singapore UOB Bank in SAC lutlai pawl, Myanmar ram mirum pawl le Company ngeitu pawl nih a biapi in an hman mi Bank pakhat a si tiah Nikkei Asia nih a langhter.
SAC Kutchuak Zu Le Beer Telh In Thil Phun 8 Cu Duhlohnak Langhter Hram Thawk A Si! “SAC kutchuak zu, beer le kuak(cigarette) telh in thil phun 8, SAC tangka luhnak cu zatuak 70 tiang zorchuk dingin duhlonak langhter hram kan thawk cang,” tiah duhlonak langhtertu phu – General Strike Coordination Body(GSCB) hruaitu Dr. Tey Zar San nih Khit Thit Media ah a chim.
SAC tangka luhnak le chawlehnak an tuahmi dohnak ah tarno thlu lo in mizapi i tel ding in sawmnak an tuah. SAC nih an chuahmi thil phun 8 hna cu Myanmar Beer, Andaman Gold, Dagon, Mandalay, Black Shield Stout, Army Rum, Red Ruby le Premium Gold hna an si i mizapi nih cawk lo ding le hman lo dingin strike committee hruaitu nih a chim. “SAC kutchuak zu, beer le kuak(cigarette) hi an tangka luhnak hrampi pakhat a si ve.
Cu tangka an hmuhmi lila hmang in hriamnam le zen-kuan an cawk i rammi an kan thah, an kan nawnnak ṭhan,” tiah General Strike Coordination Body(GSCB) nih mizapi sinah theihternak an tuah. SAC nih an chuahmi thil phun 8 hna hi thla hnih chungah an tangka luhnak zatuak 70 tiang zorchuk dingin duhlonak langhter dingin GSCB nih timhtuahnak an ngei, tiah an langhter.
“Nunnak tiang pek in ral atu cuahmahmi PDF le EROs hna bantukin kan i pumpek khawh lo hmanh ah SAC nih an chuahmi thil phun 8 hna hi kan cawk lo le kan hman lo ahcun SAC hriamnam le zen-kuan cawknak kan bawmh hna lo bantuk a si. SAC tangka luhnak hrampi a simi vialte cu pakhat hnu pakhat in kan hrawh khawh nakding ah mizapi lungthin khat in kan ṭuanṭi a herh,” tiah GSCB nih forhfialnak an tuah.
SAC Ralkap Business A Si Mi Zuu, Beer, Kuak Thilphun 8 Phihnak In Ralhrang Tangka Lutnak 70% Zornak Lam Tuah Ding. SAC ralkap business tangka hmuhnak 70% ah ralkap ser Myanmar beer, Zuu, Kuak telh in thil phun 8 cu ramchung mipi nih hman ti lo in khap (boycott) tuah cio ding in Dr. Tay Za San nih Yangon Khit Thit Media ah a chim.
Myanmar Beer tel in an serchuah mi thil phun 8 pawl cu Myanmar ramchung mipi nih cawk le zuarh khap (boycott) ding mi ralhrang ser thil hna cu -Myanmar Beer (Andaman Gold) min Zuu, Beer, Cold Drink (Dagon) min Zuu, Beer, Cold Drink (Mandalay) Beer, Rum (Black Shield Stout) 6 (Army Rum) 7. Red Ruby kuak Premium Gold kuak “Pakhatnak ah SAC ralhrang business hrampi a simi Zuu, Beer le Kuak pawl an si.
Mah Zuu le Kuak in hmuh mi tangka a tam tuk. Ralhrang nih mipi tangka in hriamnam, kuan, zen, bomb an ser, mipi thahnak ah an hman ṭhan caah mipi vialte an kan thahnak hrampi a si mi ralhrang chuah Zuu, Beer le Kuak cu boycott tuah cio hna u sih. A ra lai mi thla 2 chung ah ralkap ser thil phun 8 business 70% a tla/zor ding in timh tuahnak ngeih a herh” tiah Dr. Tay Zar San nih a chim chap.
SAC Ralkap 2 Hriam He KNLA Sin Ah An i Fonh! SAC kuttang ah rian a ṭuan lio mi Lt. Sergeant pakhat le adang ralkap pakhat cu August 8 ah KNLA sin ah hriam he an rak i fonh tiah tiah a si. SAC nih hramhram in mipi a uk mi hna an zoh khawh ti lo ruang ah dothlennak a dih tiang KNLA he bawm in SAC doh ṭhan ding ah Brigade 44 kuttang Infantry 118 in Lt. Sergeant le adang ralkap pakhat cu KNLA sin ah an rak i fonh hi a si tiah KNU Dupla pengkomh nih cathanh an chuah. Cu mipi sin aa rak fonh mi ralkap 2 nih Commando Launcher, 60MM kuan 5 le MA-2 zuun 1, kuanbawm 5 le an rak i fonh caah KNLA nih Thai baht 50,000 veve laksawng an pek hna tiah theih a si.
SAC Ralkap Nih Mipi Inn 74,874 An Khangh Cang. Hramhram in uknak a latu SAC phu nih hramhram in mipi inn an khangh ruang ah 2021 May 1 in 2023 July 31 tiang ah ramchung mipi inn 74,874 a kang cang tiah Data for Myanmar nih August 8 ah cathanh a chuah.
Irrawaddy ramṭhen dah ti lo, adang ramṭhen le peng kip ah SAC ralkap le a kuttang phu pawl nih mipi inn pawl an khangh lengmang caah Sagaing ramṭhen ah inn tambik an khangh i mipi inn 57,503 a kaang cang. Cun Magway ramṭhen hi a pahnihnak a tambik an khangh mi a si i inn 11,026 a kaang tiah Data for Myanmar nih a langhter. Sagaing le Magway ramṭhen hnu ah Chin ramkulh nih a zulh i mipi inn 1,637, Kachin ram ah inn 1,398,
Mandalay ramṭhen ah inn 1,344, Taninthary ramṭhen ah inn 675, Karenni ram ah inn 421, Mon ram ah inn 229, Bago ni chuahlei ah inn 207, Shan thlanglei ah inn 187, Karen ram ah inn 158, Bago ni tlaklei ah inn 56, Rakhine ram ah inn 13, Shan chaklei ah inn 4 le Yangon ramṭhen ah inn 1 tiah mipi inn tam lengluang cu SAC ralkap nih an khangh cang. Data for Myanmar cu Myanmar ramchung ah SAC ralkap nih mipi innlo an khangh mi dirhmun kha 2021 May thawk in thla fatin ramṭhen, peng, khua, khuate kip inn kaang cazin ṭha tein a khawm mi an si.