Breaking News; Min Aung Hlaing Ralhrang Phu nih Khuami 7 Leng An Thah Hna!

Sagaing Ramthen ah SAC ralkap nih khuami 7 leng an thah hna
==========
October 17 lio Sagaing Ramthen, Sataung khua khua pawng ah Ko Zaw Htet Aung le Ko Zaw Myo Ko Ko hna cu PDF an si tiin an kahthah hna. Cun, October 15 lio zong ah Ayardaw Peng Kyarpinhla khuami Ko Thet Naing Oo le U Maya zong SAC ralkap nih an thah hna.

Cu bantuk thiamthiam in October 13 lio ah Chaung-U Peng Kinmondaw khua ah Ko Than Naing an thah i U Win Myint le Ko Wai Min Zin an hliamh hna. October 12 lio ah Shwebo Peng Nyaingkann khuami 2 an rak thah fawn hna, tiah KTM nih a tial.

Ni hnih chung ah phone le internet line nan hon than lo ahcun pehtlaihnak tower vialte kan hrawh lai tiah Kani PDF nih Ralhraang Council an thanh hna. Sagaing ramthen Kani peng ah MPT, Telenor le Ooredoo phone line le Internet line an phih mi cu ni hnih chung ah honpiak than ding in Kani PDF nih nihin, Oct 18 ah cathanh an chuah.

Internet line an kan honpiak lo ahcun Kani peng chung ah a um mi Pehtlaihnak Tower tung poh kan hrawh dih lai, tiah Kani PDF chungtel pakhat nih a chim. “Zahan ah Call Center vialte kan chawnh dih hna, kan chimh dih cang hna. Cunglei ah kan in chimpiak hna lai an ti. Oct 18-19 chung i an hon lo ahcun Telenor Tower tung pawl a herh ning poh in kan tuah lai” tiah a chim.

Kani peng chung ah September 12 in SAC ralhraang nih Internet line an phih tiah khuami nih an chim. Myanmar ram chung ah internet line phih mi peng 27 an si cu chung ah cun Sagaing ramthen in peng 7 aa tel. Hmanthlak ca: Sagaing ramthen chung ah PDF nih tower pakhat bomb in an hrawh lio

Shwebo-Myitkyina lam cung ah ke hleihnih ngei motor pathum in phurh mi, SAC nih ngeihmi Myanmar Beer le Dagon beer pawl cu kan hrawh dih tiah KDPF nih an thanh. Oct.17 ah Shwebo-Myitkyina lam cung ah ke hleihnih ngei motor pathum cu kam check hna i SAC ta a si mi Myanmar Beer, Dagon Beer le Adman Gold Beer pawl kan hmuh caah Kawlin PDF le Pawngkam khua PDF i bawm in kan hrawh dih tiah an ti.

Beer a rak phurtu motor le a mawngtu hna cu zeitin hmanh ti lo tein kan thlah than hna. Hi hnu zong ah SAC ralhraang he aa pehtlai mi thil poh cu a si khawh chung in kan hrawh peng ko lai tiah an chim.

CNDF/O IN RALRIN PEKNAK CA ANSUAH (10/2021) October 18, 2021. Chin ramkulh, Falam peng sungih CDM tuahtu pawl hna lawnglak ah SAC ralhraang uknak hnuai-in hna ṭuan ra diltu nan um thu siseh, Ralkap Cozahpi kekar thei dingin Khawbawi a ṭuan peh rero tu pawl le Non CDM in cozah hna a ṭuan peh hrihtu pawl nan um lai thu kan thei a si.

Hi vekin Rampi huap ih siat kan ton lai caanah, Ralkap Uknak hloralter ding tumtahnak thawi’ CDM a tuahtu pawl hna lawnglak mi ah, mai’ hmakhua lawng zoh tahrat in hamṭam zetih hnaṭuan a rak diltu pawl siseh, mai’ milaipi zawnruah lainatnak khal nei loih Ralkap Cozah hna a rak ṭuan peh rero tu pawl cu CNO/CNDF in nasa zetin kan dem a si.

Curuangah Ralkap Uknak cu dodal in kan nor rero lai ah Acozah hnaṭuan rak diltu pawl siseh, Ralkap Uknak kekar vivo theinak ding hrang tha pe ih a ṭuan peh vivo tu hmuahhmuah cu Dalan thawi’ dinhmun bangaw ah kan lo ret dingih nan nunnak, nan neihsiah ziangkim ah mawhphurhnak kan lo laksak lo dingih kan lo theihpi lo ding a si tiah Ralrinnak Thu kan lo than a si.