Breaking News: Min Aung Hlaing Cu Tlaih Khawh Dingin ICC Nih Report An Pek Cang!

Breaking News: Min Aung Hlaing Cu Tlaih Khawh Dingin ICC Nih Report An Pek Cang!
========
Myanmar ram pumpi uknak hramhram in a latu Bochokhmukyi Min Aung Hlaing nih mipi cungah ningcang loin a tuahsernak le a kuttang rian a fialmi hna vialte cu vawleicung phung abuar caah Crimes Against Humanity a buar chinchin cang, tiah thawngpang theih a si.

ICC nih vawleicung ram pumpi tazacuai nak zung ah Britist hrambunh a simi Myanmar Accountability Project phu nih tha taktak in tehte an kuat cang hna, tiah thawngtheih asi. Hi kong he pehtlai in hmailei ruahchannak a tha chinchin cang.

Ralbawizik Min Aung Hlaing cu tlaih khawhnak ding nawl chuak dingah tehte tha tein an um dih cang, tiah BBC nih an tarlangh. Kawlram pumpi nih Min Aung Hlaing le a kut tang ralbawi vialte hi tlaih zawkzawk ding le thah zawkzawk a duhmi lawngte kan si cang.

Ralhrang Min Aung Hlaing Le Ralbawizik Hna Luatnak Caah Krifa Zumhtu Tampi Nih Rawl Ulh Thlacam Ni Kha. Nihin December Ni (7) kha asi ko lo maw? ICJ ah DASSK nih Ralhrang MAH le Khuachia Rallokap bawizik hna a va khum zual Ni kha! Vawleipi Khuaruahar le aarko in kan tuah hna lio! Vawleipi nih We Stand With Justice tiah Dinfelnak fanu/ fapa si an i cuh lio ah.

Krifa zumhtu tampi le Rev.Dr & Pastorte tampi cu Justice ah kan rak tanh lo kha! We Stand With DASSK tiah kan au i Bualrawn le Zalam pi ah kan i tlum lo kha! Vawleipi nih DASSK cung ah an lung dongh lio, Laksawng tampi le minthatnak an chut than. Nobel Peace Prize bel an lak than lo. Ahohmanh kan chut bal hna lo an ti salam.

ICJ tan ah Krifa hruaitu le Pastorte minlangh deuh rual cu: Dr. Anna (Jessynu, Mrs. VP Henry Van Thio), Rev. Dr. Lian Hup Ling, Rev. Dr Za That, A Luatmi Dalaan Rev. Fr. Hrang Tin Thang, etc. Nihin December 7 he aaton mi boruak linsa hna cu:

(1) CNF nih ramthum nak kal an khap chung! (2) CDF Hakha vs. CDF Senthang, (3) DASSK le Win Myint case (2) in Kum 4 thong. (4) MAH nih kum (2) ah a thumh hna. Thong ah silo in atu an chiahnak hna hmunhma ah an um lai. (5) Mindat nufa hna bomb an i lamh sual. Kum 2 nu te cu nu lo asi i a ke a bul fawn.

(6) NUG nih CDF / PDF thlahlawh an pe hna lai. (7) Ex. Dalaan Rev. Fr.H rang Tin Thang nih CDF Hakha le CDF Senthang remhnak capar a tial. Ka theih lomi comment ah rak kan hrawm ve hen.

Chin mi nih Dinfelnak ah tanh i zuam cang usih, pumkhat le bukhat si i zuam cang usih, aa then cheu mi bu/ pengtlang funhtawm thian ve cang usih, bu dang le min dang kan si zong ah Chinism tang ah i fonh in cawlhcang nun cawn ve cang usih, a rawk mi kha hlawmh thiam usih law, thi deng zohkhen thiam ve cang usih, Zion ah a tah ahram mi hna caah lawmhnak Olive Chiti si usih law, mithli caah Pangpar thirual si i zuam usih.

CBCUSA nih Ralzaam Zohkhenhnak Kong Ah Mara Cozah Upa he Tonnak An Ngei. SAIHA, Mizoram State, 2021 Dec 6, Nihin sml. 12:00 p.m., ah USA hram bunh Chin Baptist Church (CBCUSA) upa hna nih Mara Autonomous District Council (MADC) cozah upa hna he tonnak an ngei tiah MADC Sahai thanhnak in kan theih.
Chief Executive Member (CEM) Pu N. Zakhai (Mara Wungyichok) nih CBCUSA aiawhtu cheukhat sinah hi bantuk caan i hmuhton khawhnak he pehtlai in lawmhnak bia a chim.

Cun, CBCUSA aiawhtu Dr. Thlaawr Bawihrin, Rev. Sui Hliang Chorei (Women Director, CBCUSA), le Dr. Tial Ling (MP thimmi) hna nih Pu N. Zakhai le a tuanti hawile nih hi bantuk tonnak caan tha ngeihmi cungah lawmhnak an chim.
MADC upa hna le Mara ram mipi hna nih Ralzaam (refugee) an rak dirkamh kong hna cung ah lawmnak cu an chim cio hna. “Phone call le message/e-mail kuat tbk. lawng in a ngah lonak kong, pumpak ton a herhnak kong hna cu Chin State aiawh in lawmhnak bia rak chim an duhnak kong ah LADC (Lai) le MADC (Mara) cozah sin hna ah an rak tonnak hi a si tiin CBCUSA lei aiawhtu hna nih an chim.

Mara Ram mi zapi nih Ralzaam kong he pehtlai in an tanpi nak vialte cungah thinlung dikin in lawmhnak an chim. Hmailei caan zongah tanpi cuahmah khoh nak hnga nawlnak zong an chimchih.

MADC Hon’ble CEM Pu N. Zakhai, nih CBCUSA aiawhtu le Chin ramkulh lei biaknak upa hna sinah “India ram Mizoram State i MADC, LADC hna an rak chuak, kan unau Chin State ah kan miphun hna cu Kawl Ralkap nih hramhram uknak lak ruangah harnak tampi an tonnak hna biatak in kan tuarpi hna tiin” a kan tuar pinak a langhter.

“Nanmah upa hna le na riantuannak hna kan theih tikah kan nin upat hna, kanmah zong kan tuah khohnak kam kip in bawmh khohnak lam kan ruat peng” tiin Mara Cozah upa (Chief Minister rank) lubik N. Zakhai nih duhsaknak a hun langhter chap.

Kanmah hi cozah kan si nain tuan khohmi cu a um lo. Sihmansehlaw, MTP timi Mara Thyutlia Py (Mara Mino Bu), MSO (Mara Students Organization), Biaknak lei Khrifa Bu le Mara Ram mipi hna he i komh in bawmhnak hna ah thazaang kan chuah cio i, nihin ni tiang in tha le zaang cun ngaihchiah chawva ah Mara mipi nih lungthiang tein bawmhnak ka tuah peng mi a si.

Hi bantuk kan tuah khohnak tlawmte ah a sunsak i lawmhnak bia nan rak chim mi hi “Kan Bawipa Pathian duhning zong a si”, hmailei caan zong ah nihin nan tuah sernak nih thluachuah a tlunpi hrim lai timi zumhnak zong ka ngei. MADC ah nan rak kan tlawng mi cung zong ah keimah le ka tuanpi hawi zapi te nih Mara Ram mipi aiawh in nan cungah lawmhnak kan chim lengah hmaikal simi dirhmun ah nan pehzulh cuahmah ding in duksaknak zong kan in pek. Credit: The Chinland Post