Breaking News: Min Aung Hlaing Cu Indonesia Ah A Kal Taktak Cang Lai, Biathli Theih A Si Cang.

Min Aung Hlaing Cu Indonesia Ah A Kal Taktak Cang Lai, Biathli Theih A Si Cang.
==================
State Administration Council Hruaitu Min Aung Hlaing Cu Thaizing Suimilam 6:00 Ah Indonesia ram, Jakarta khualipi Ah A Kal Taktak Cang Lai, tiah biathli thawngpang theih a si.

ASEAN Summit ah Commander in Cheif Min Aung Hlaing cu Myanmar National Airline vanlawng MMA001 in April 24, 2021 ni ah Myanmar suimilam 6:00 ah Indonesia ram Jakarta khualipi meeting a kai lai, tiah thawng theih a si. A hlan ahcun Kawlram hruaitu upa pawl meeting an kai tikah Myanmar National Airline vanlawng hi an hmang tawnmi a si. Asinain, tutan avoi khatnak Myanmar National Airline hi Min Aung Hlaing nih a hmang ve tinak a si.

Nihin ah cun Myanmar National Airline chung riantuantu pawl hi ralkap thli lei bawi pawl tam an itel cang, tiah theih a si. Ralkap chungkhar chungin cheukhat cu Philippines ram bantuk in thli vanlawng fimthiamnak a ngeihmi le vanlawng lei sianginn kai dih in Myanmar National Airline chungah hin rian a luhmi le an tam ngai, tiah riantuan thing pakhat nih media sinah a chim.

Ralkap nih uknak an lak hnu ah State Administration Council nih phungning loin a hruaitu Min Aung Hlaing cu tutan ASEAN Summit ah Min Aung Hlaing meeting a kai ahcun tlaihpiak dingin Global Centre of R2P director Simon Adams nih a chim. Cu hlei ah National Unity Government cozah thar zong nih ralhrang hruaitu Min Aung Hlaing cu tlaihpiak dingin INTERPOL sinah cakuat an tial, tiah thawng theih a si.