Breaking News: Matupi Khuate Sabawngte Khua ah Ralhrang Helicopter 3 An Tum!

Matupi Pengkulh chung um Sabawngte khuate ah Ralhrang Helicopter 3 An Tum
=======
Chin ramkulh, Matupi peng chungah a ummi le India ramri zongah a ummi Sabawngte khua ah nihin January 5, 2022 ni ah ralhrang Helicopter 3 an tum, tiah thawngpang thar theih than a si.

Matupi Peng chung um Sabawngte khua hi ralhrang sakhaan pakhat a umnak zong a si hlei ah Kawlram le India ramri ah a ummi khuate pakhat a si. Sabawngte khuate ah ralhrang Helicopter a tum hi atu avoi khatnak a si i, a hlan ah voikhat hmanh a tum bal lo, tiah thawngtheih a si.

Sabawngte khua ah Ralhrang Helicopter an tum mi hi zeiruang bik ah a tum le an tuah timi thawng fiang tein theih khawh a si rih lo. Sabawngte khuami zong nih aruang an theih kho rih lo, tiah theih a si. Sabawngte khua le pawngkam hrawng zongah kahdohnak zong a um rih lonak a si, tiah khuami sin in thawngtheih a si.

Kan Inn le Lo Nan Khangh Dih Ruang Kan lung Adong Naisai lo Kannih Cu Anungmi Pathian fale Kan si. Thantlang khua avoi 15 nak tiang ralhrang nih mipi inn 700 an khanghnak kongah hi tihin lungdongh lonak ca tlawmpal an vun langhter.

Voi 15 nak asi cang inn 700 nak tlawmlo nan kan khanghpiak. Hihi philh khawhlo mi tuanbia asi lai cucu Thantlang khua asi. Asinain hi bantuk inn nan khangh ruangah an lungzur ii an lungdong dingah kan ruat hlah uh. Atu ahcun kan si afak kan harsa ko nain Pathian nih thluachuah mi miphun kan si tihi philh hlah uh.

Kannih cu zungzal in anungmi Pathian fa le kan si caah hinak in alettam thluachuah kan hnu lai tiin CDF pasal pakhat nih a vun langhter.

Movie Kan Hmuh Zoh Mi le A Tak Raldoh Cu Ai Dang Tuk Teh. Thantlang ralhrang khi ziah nan thah khawh viar hna lo. Minung 70 hrawng lawng a si nan ti ko tung ti a fawi te. A tu um mi khi that viar hmanh hna sehlaw a thaizing ah a tu a ummi nak let tam in Helicopter in a rak hlonh chap hna lai.

An mah kan thah khawh hna ahcun kan tai lai ti cu fawi tuk in ruah lo ding. Thantlang khua hi Kawl ralkap nih Chin miphun lentecelhnak an kan hman mi pakhat a si hi philh bak hna hlah usih.

CNA le CDF hi rak um hna hlah sehlaw kuliphurh tlaih khih khuate khuabawi hrem le nu tlaihhrem cozah riantuan tlaih a tamtuk lai ning hi chim ngam lei a si lo. Vanchiatnak le sungh zatlak nak kan ton lio zong ah Chin ramkulh dih lak ti awk ah ralhrang an cawlcangh ngam lo mi hi kan Miphun hna ralkap thawng a si ti hi philh bak hna hlah usih.

Thantlang a kangh caan poah ah mah le umnak kam Uico pawl kha CDF nih rak kah ve len awk si nain ti cu ka chim naisai lai lo. kan thah thlu hna zong ah an ra thluahmah rih lai le a tu raldohnak hi fawi le bai ah a dih lai lo ka ti duhnak bia na van fiang ko la dah.

Thah thlu viar lam ah cun an hmun kha rawlh colh ding. Vanlawng kah nak zong cu an ngei an ti kha teh. An thah viar hna ah cun a king ko cang la an ra ngam ti lai lo. mipi kan him. kanral ansi, tei kan duhcun kan thah hna ahau anthih lo ahcun hriamnam thatha anhman lai. helicopter zong a kahnak kan ngeih cun kah ding asi ko.

Tuzan cu Thantlang i Pathian rian kan ṭuan hawi hna chungin an ngeihchun inn nih a ciamtakmi hna cazin ka tuah.
Pathian rianṭuantu hna ca i, inn le lo ngeih a harning ka ruah pah in le laimi nih inn le lo kan sunsak ning ka ruah pah in ka lungfah a zual.

Kan khua, kan ram, kan tlang, kan tiva le kan inn le lo tiangin miluat kan si lonak le nehsawh kan sinak hi kan theih peng ding mi le kan nunchung kan doh peng dingmi cu a si.

CDF Mindat le CDF KKG in Pahnih nih Nunnak An Pek, CDF members from Mindat and KKG killed in front line. Chinland Defense Force – Kalay Kabaw Gangaw (CDF-KKG) in Salai Thawng Lian Uk, kum 23 nih Kawl Ralhrang Ralkap dohnak ah nunnak a pek tiah January 4 ah thawng an thanh.

Cu bantuk thiam in, CDF Mindat in mino pakhat nih Kawl Ralkap nih an hmanh takmi bomrap a lamh sual ruang ah January 3 ah a nunnak a liam, nunnak a pek tiah theih a si. Miphun le ram caah nunnak an peknak cung ah an riantuan hawile le miphun ning in upatnak kan pek hna tiah an langhter.