Lungkhar Kahdohnak SAC Ralhrang 7 Renglo An Thi
========
2023 June 2 Hakha le Thangtlang kar Lungkhar lei kahdohnak a fah caah Hakha thar lei in SAC ralhrang nih hriamngan in an vun bawmh hna. Asi nian Chin ralkap tangti phu nih Drone le ralkap thazaang in an nam chih ve hna caah ralhrang lei in 7 renglo an thih lai zumh a si nak kong kahdohnak he neihniam um pakhat nih a chim.
“Ralhrang hi hnu an kir dih le kir dihlo a fiang rih lo, Kanmah ralkap pakhat hliamhma a tuar nain a fak tuk lo. Ralhrang an thihnak zawn hi fuh awk an tha deuh rih lo.”tiah a cunglei upa nih a chim. Tita leikam zongah ralhrang nih nawr an timh hna nain Chin ralkap tangti phu nih Drone in an leh rul hna. Mah ni kahdohnak ah Drone zeimaw zat an sung nain phih khar colh a si tiah kan theih.
2023, June 2, zan suimilam 7:00 tluk ah India ram, Odisha khualtlawng Mipi a phurtu tlanglawng pahsualnak in minung 237 nunnak a liam pinah minung 900 tluk nih hliam an tuar, tiah theih a si. “Balasore Bahanaga tlanglawng dinhnak hmun ah atu bantuk in i pahsualnak a chuah hi a si i, hualtlawn mipi a phurtu hna tlanglawng Shalimar Howrah Coromanded Express le thilri phurtu tlanglawng cu an i pah sual ruang minung 237 an nunnak a liam i, minung 900 tluk nih hliamhma an tuar” tiah The Economic Times nih a langhter.
Odisha Chief Secretary Pradeep Jena nih nunnak a liammi hna le hliam a tuarmi hna hi mahnak in an tam lai a zumhnak kong a chim. Nunnak liammi ruak le hliam tuarmi chanhchuahnak rian hi Odisha le West Bengal cozah Defence force NDRF le ODRF phufonh nih bawmhchanhnak an tuah, tiah theih asi.