Breaking News: KIA Nih Kawl Ralhrang Phu Cu Cei Lak In A Phomh Than Hna

KIA nih Kawl ralkap ralhrang minung thinlung ngeilo pawl fak taktak in an tthuat bak ko hna hih, lungling tuk in KIA sakhan an khah ruangah atu bantuk in KIA nih an tthuat hna nak hi a si. An cei bak ve ko cang hih. KIA ralkap nih tuni zanlei suimilam 5 hrawngah khan Myangkyayan le Laiza lam i ralkap sakhan, Alawbuan timi ralkap sakha cu KIA ralkap nih an ttuat hna i ralkap cu an zaam nak ah an thi deng. Hi bantuk in KIA nih an kah hna nak a ruang cu kan hnu ah khan ralkap lei nih March ni 2 le ni 3 hrawngah khan KIA nih hriamnam ngan i KIA an rak kah hna ruangah a si tiah KIA ralbawi Kyi Naw BU nih a chim. Sama, Kawngshawng le ralzaam pawl umnak tiang pei an kan kah cu. Cu ruangah kan tthuat hna asi tiah a chim.

Laiza le Myaingkya lampi hrawh zong an timh fawn caah kan zoh kho hna lo an ti bak ko. Atu lio ralkap pawl nih KIA kan dirhmun zoh in mipi lei kha hriam ngan in an kah hna, cu caah ralttha le ralringin kan um peng a hau tiah KIA ralbawi Kyi Naw Bu nih a chim chap. Tutan KIA nih ralkap an kah hna nak ah a thimi zat hi fiangin an langhter kho lo nain a tlawmbik 20 in 30 karlak an si an zum. Cun ralkap nih an sakhan zong an zaam taak ti a si.

CDM A Tuah Lomi Cozah Rianttuan Pawl Ralrin Peknak. Union Minister nih CDM a tuahlo mi pawl ralrin a pek hna, CDM ah aa tello mi cu mipi a dotu le mipi a rawitu nan si ve, mi a thatmi le mithat lainawng he rianttuan tti, thazaang petu nan si caah mithat lainawng pawl bantuk in hremnak nan hmu lai tiah a ti. Kawlram chungah ralkap uknak duhlonak langhtertu tampi nunnak a liam cang caah Union Minister Dr. Zaw Wai Soe ai sum kho ti lo. CDM ah ai tello mi cozah rianttuan vialte ralrin pek hna a tuah hna. Fak tak tak in hrem nan si lai mithat lainawng bantuk in hrem nan si lai tiah a ti.

March ni 23 ah Minister Dr. U Zaw Wai Soe nih cathanh a chuah, cathanh a chuahmi ah CDM ah aa tellomi cozah rianttuan mi hna ralhrang mithat pawl le mithat he aa kommi nan si. Mithat lainawng bawmchantu le thazaang petu nan si i mipi leirawi tu, mipi caah ral nan si. Cu caah CDM tuah lo in CDM ah ai telmi cozah rianttuan mi hna le mipi hna a kan hnawh tu le harnak aa kan pe tu nan si caah ngaihthiam nan si lai lo, mipi thihnak ah mawhphurtu nan si i nan kut ah thisen ai neh cu caah mithat lainawng pawl bantuk in biaceihpiak nan si lai tiah a ti.