Khampat Khuapi Ah SAC Ralhrang Nih Cunglei In Thazaang A Chap
=========
Sagaing ramṭhen, Tamu peng, Khampat khuapi pawng ah SAC ralhrang nih July 23 chun ah Helicopter in voi 2 tiang thazaang a chap, tiah theih a si. Khampat khuapi ah SAC ralhrang nih umhmun an khuarnak palik sakhan le SAC ralhrang sakhan hna cu mipi ralkap ṭangṭi phufonh nih July 22 zan suimilam 7:00 renglo ah luhhnawh in an kah hna caah nihin chun suimilam 12:00 tluk tiang hriamngan puahkeh thawng theih a si, tiah tualchungmi hna nih an chim. Cu pinah SAC ralhrang nih raltuknak vanlawng 1 in voi 2 tiang bomb a thlak, tiah theih chih a si.
Khampat Khuapi Ah Kahdohnak A Chuak; Mipi 1 A Nunnak Liam. 2023, July 22 zan suimilam 7:30 tluk ah Sagaing ramṭhen, Khampat khuapi um SAC ralhrang sakhan le palik sakhan cu mipi ralkap ṭangṭi phufonh nih luhhnawh in an kah hna caah kaphnih kar kahdohnak a chuak. Cu kahdohnak ah CNDF ralkap 1 nih hliamhma faak tuk lo a tuar, tiah theih a si.
SAC ralhrang nih an kahmi hriamngan kuan cu No.1 sang um Roman Catholic(RC) biakinn hmai ah a tla i tualchungmi pa 1 a nunnak liam, tiah theih a si. A luancia July 10 ah Khampat khuapi hrambunh SAC ralhrang nih a ruang umlo in mipi 2 an tlaih hna caah atu bantukin an luhhnawh hna i an kah hna hi a si, tiah theih chih a si. Atu bantukin kahdohnak a chuah caah Khampat khuapi le a pawngkam um Kanan khua in mipi cheukhat hna nih khua chuahtak in ral an hrial hna, tiah kan theih.
Khampat ralhrang sakhan cu mipi ralkap nih an kahdoh cuahmah lio a si! Khampat ralhrang sakhan tuhi Tamu peng ummi hriamtlai phu dihlak fonh nih lak dingin an kah cuahmah lio asi. Tutiang ah thawng kan theih ningah CNDF ralkap pakhat hliam a tuar i a thi le hliamtuar dang theih asi rih lo. Ralhrang sakhan hi an la kho rih lo tutiang ahcun, thlacamnak in bawm cio hna usih. Detail deuh in kan update than te lai!
Bawipa nih CDF/ PDF le mipi him dam tein humhim hram hna seh. Bawipa nafa CNDF le PDF Pawl nangmah nih umpi ko hunphen ko hna tiah thla kan rak cam maw Bawipa. Bawipa nangmah lo cu bochan ding kan ngei lo. Bawipa kilveng in um pihna law thlacam cio usih Bawipa sinah tei nak a um.
Pathian nangmah sin ah an thlacam nak theih piak hna, an ruah Chan nak nangmah sin I teih nak han pe hna na sin I an thlacam bu in an ral an doh nak ah na sunpar nak langh ter. Na thawn nak na vainam kap hnih har in an bawm hna na min cu hlawrh chin si seh. Amen.
Mipi Ralkap Ṭangṭi Phu Nih Letkat Tlang Um SAC Ralhrang Sakhan An Laak. Karen ramkulh, Myawaddy peng chung um SAC ralhrang nih umhmun an khuarnak Letkat tlang sakhan cu Karen National Liberation Army(KNLA) le ṭangṭi phufonh nih an laak khawh caah a tlang thluan ning in kan humhak khawh cang, tiah mipi ralkap Cobra Column hriamtlai nih thawngthanhnak an tuah.
2023, July 20 ah SAC ralhrang nih umhmun an khuarnak Letkat tlang sakhan cu kan laak khawh hi a si i July 21 thok in mahka tlang thluan cu kan humhak khawh dih cang, tiah an langhter. Kahdohnak ah SAC ralhrang lei thimi an tam i hliam a pumi zong an tam pinah 60MM kuan 16, Bomb 15, Jammer seh 2, bomb kawlnak seh 2, 60MM hriamngan 2, meithal kuan pawl le hriamthil dang tam ngai zong, kan laak khawh chih hna, tiah Cobra Column nih an langhter chih.
Kahdohnak cu KNU/KNLA, Cobra Column Battalion 1, Federal Wings le Black leopard hna fonh in kan si i mipi ralkap ṭangṭi phufonh in minung 6 nih hliamhma an tuar, tiah an langhter chih.
Hramhram Hneknak le Thinphannak Tangah Raltu Ding Mi ‘Non-CDM’, Phaung Gyi le Zee Pin Gyi Cawnnak. Atu lio khuachung lamtonnak kip ralvennak hmun ah Police le uniform lo in meithal a put mi cu hmuh awk an tam pi cang. Mah hna cu Pyusawhti le Pyituhsit si loin meithal tlaimi SAC saltang Non-CDM Ralkap rual hna an si.
Nai hrawng thawngpang a lengmi cu SAC ralkap nih Non-CDM pawl cu ဗဟိုဝန်ထမ်းတက္ကသိုလ် (Civil Service Academy) training ah, Raldohnak le meithal hmanthiamnak te pawl biatak deuh in an cawnpiak cang hna timi a si. Nihin Non-CDM rual cu hriamtlai in raltu ding tiah thawngthanhnak a tuah nak cu cozah riantuan chung in theih a si.
Non-CDM le SAC ralkap pawl nih khuachung lutnak gate, motor -terminal gate, airport check gate, le khuachung mipi umnak hmun paoh ah mingaitu le check gate ah security an tuanter hna tiah theih a si. Atu Phaung Gyi le Zee Pin Gyi [ဗဟိုဝန်ထမ်းတက္ကသိုလ် (ဖောင်ကြီး)] ah Non-CDM training a kai mi tam deuh cu a hlan bantuk qualified (a za bakmi) cozah riantuan an tlawn cang tiah theih a si.
Myanmar ram hmun tam deuh ah CDM a tuahmi an tam caah mah hna aiawh ah SAC nih an kuttang zung riantuan ding in a kawhauh deuh mi an si caah hruai zia thiam (Management, Administration & Leadership) lei an thiam ti lo caah training petu saya hna he buainak a um lengmang tiah naihniam Non-CDM a tuahmi chungin theih a si.
Nihin Myanmar ram Civil Service Academy ဗဟိုဝန်ထမ်းတက္ကသိုလ် ah Politics lei cawnnak ah NLD, Aung San Su Kyi nih 2020 kum Democracy thimnak phun ning lo in me an tuah, 2028 Contribution bantuk tein SAC nih thimnak thar a tuah than lai i mipi sin uknak a pek than lai tiah Politic an cawn piak hna. Myanmar ram chung ah Civil Service Academy hi hmun 2 ah a um. Phaung Kyi ဗဟိုဝန်ထမ်းတက္ကသိုလ်( Lower Myanmar) le Mandalay peng, Zee Pin Gyi (Upper Myanmar) hna an si.
Lower Myanmar caah Hleiku peng in chaklei meng 18 aa hlatnak, Yangon in meng 50 le Bagu Yoma tlang a hnu lei tlangcung umnak Phaung Kyi khua ah ser mi sianginn a si. Inn an sak mi riantuan vialte umnak inn, Sii-inn, Primary Sianginn, Library, Hall inn pi hmun ah 222.64 acre a kau. Thlaicinnak, training ground le meithal kap cawnnak hmun le a dang lentecelh vialte fonh ah 3000 acre a kau tiah theih a si.
Upper Myanmar caah နိုင်ငံ့ဝန်ထမ်းတက္ကသိုလ် (အထက်မြန်မာပြည်) Mandalay ramthen, Pyin Oo Lwin peng, Zee Pin Gyi khua pawngkam a um. Mandalay in Meng 24 leng aa hlatnak ah a um. Sianginn hmun a kau hi 905.10 acre a si. Zee Pin Gyi i Civil Service Academy sianginn a hmai ah Yatana Cyber city, Chaklei ah Myanmar Police, Police Officer training school, tiin training kai khawhmi hmun tampi an um.
SAC ralhrang nih 2021 kum uknak a lak hnu in Non-CDM pawl cu ဗဟိုဝန်ထမ်းတက္ကသိုလ် Civil Service Academy (Lower Myanmar), Civil Service Academy (Upper Myanmar) hmun ah meithal kah le hriam tlaih thiamnak cu fakpi in cawnpiak nak a tuah. “A hlannak in nihin training ah raltuk thiamnak fak deuh in cawn a si cang. A hlan bantuk management, leadership tbk. hruai thiamnak kong cawn can a tlawm tuk, a herh ahcun hriamtlai in raltu dingin timhlanghnak ngei cio ding tiah” cawnpiaktu hna sin in an chim ton tiah training a kai mi Non-CDM min langhter duh lo sin in theih a si.