Breaking News; Kan Kap Hlah U, Kan Kap Hlah U, Cei Cikcek Hna Seh!

Kan kap hlah u, tiah loudspeaker in an au nain an kah thiam hna
==============================
October 15| Mindat le Matupi kar lam rawk mi remh ah a kal mi SAC ralkap cu nihin 12:00 PM hrawng ah an kah thiamthiam hna, tiah kan theih. An kah hna nak hi Lemro tiva pawng ah a si i nizaan October 14 khan Matupi in Mindat lei ah kal aa thawh mi an si, tiah khuami nih an chim.

Hi kong ah SAC ralkap pawl nih October 12 zaan ah, “Matupi le Mindat kar lam a cim mi kan remh lai. Lamsuul umkalnak tha seh tiin remh kan i tim. Cucaah, nan kan kah lo ahcun kan in kap ve hna lai lo i khuate pawl zong ah khuami harnak kan pe hna lai lo. Kan kap hlah ulaw,” tiah loudspeaker in an au tiah Matupi khuami nih an chim.

Atu hi Lemro tiva pawng Chanpian khuathar hrawng ah hriam ngan he meithal he a thawng theih thluahmah a si, tiah kan theih.

Kan kah khawhnak hna lam um ahcun kah ding hen ta. A umlo ahcun zeiti țha. Kawl ralkaap bia le ngian cu theih viar si ko cang hen cu. Bawipa tu nih kan miphun ralkap veng ko hna seh. “kan Kap hlah uh tiah Loudspeakers in an Au nain an kah thiam hna”, tiah thawng na kan zamhnak in,

Mindat le Matupi kar ah Sachia pawl an Au khuan caah kan Chin ralkap (CDF)nih an kah hna i mah zat cu an thi kan mah lei hma apu mi an um lo… ti man tuk in thawng kan zamh uh law atha lai… tu lio ah cun kan media pawl nan biapi bak hih!

SAC ralhrang lam rawk mi remh ah a kal minih kan kap hlah u an ti nain an kah thiamthiam ti cu ralhrang a tanh mi pei nan lawh cu an mah nih kan kap hlah u an titi mi hi laimi nih chim duh tuk ding a si lo an thluak in an kan tongh ti kan theih paoh ahcun a za achim zong chim hau lo i a ruah zong ruah ahau lo.

Mandalay Ramthen ah Zero Phu nih Council ralhraang 12 nak tlawm lo an thah hna. Mandalay ramthen Nua Htoo Kyi peng Suphyukung khua sianginn ah umhmun a khuar mi Council ralkap cu Oct. 14 zaan suimilam 10:40 hrawngah luhhnawh in kan kah hna tiah Zero(ပြောက်ကျား)phu nih an thanh.

Meithal ngan meithl hme he luhhnawh in an kah hna. Council ralkap a tlawm bik 12 an thi i hliamtuar zong an um tiah kan theih. Khuami pakhat nih “khua chung sianginn in Bomb puah thawng kan theih, cun meithal thawng zong kan theih. Hliam tuar an um le um lo kan hngal lo. Cuka ah cun Council ralkap 20 hrawng lawng an um. Zinglei suimilam pahnih hrawng in khualu bo ah Council ralkap nih meithal an puah thawng kan theih” tiah a chim.

Ralkap an umnak ah meithal ngan kan puah i Ralkap lei in lehrulnak a um lo, minutes 15 hrawng pehtlai in kan kah hna hnu ah kanmah lei hliamtuar um lo tein kan kir than tiah Zero phu nih an chim. Tuni zinglei ah Nua Htoo Kyi lei in Motor panga Suphyukung khua lei ah an ra ti thawmpang ruang ah khuami cheukhat an zaam tiah kan theih.

Amarahpurah peng Sataw khua zong ah Oct.14 zaanlei sml 5:00 hrawng ah Council ralkap thawng petu pa pakhat meithal in an kah. Kum 40 hrawng a si mi Ko Myo cu a innhmai a thut lio ah cycle pakhat in minung pahnih nih meithal in voili an kah i hliam hma he siizung ah an kalpi tiah kan theih. Credit: DVB, The Hakha Post, The Hakha Times