Breaking News: Hakha Mino Pangan Tlaih Dingin Ralkap Le Palek Nih An Kawl Cuahmah Hna

Breaking News: Hakha Mino Pangan Tlaih Dingin Ralkap Le Palek Nih An Kawl Cuahmah Hna
=====================
Tlaih ding ah nawlchuah an si cang. Hakha khuachung hmun kip ah Ralkap le Palek nih an hmanthlaak an taar/benh. 1. Salai Ngun San Aung, 2. Dr. Biak Cung Lian, 3. Salai Van Tin Lian, 4. Salai Elishama, 5. Ni Ceu (Meithat Officer). ဟားခါးမြို့တွင် လူငယ်ငါးဦးအား စစ်တပ်မှ ဖမ်းဝရမ်းထုတ်၊ သူတို့၏ဓာတ်ပုံများကို နေရာတိုင်းတွင် ကပ်ပြီးရှာဖွေနေကြောင်းသိရသည်။

Tleih Ding in minung panga HmanThlak an chuah cg. ..Him nak tu ah rak um rih ko uh law. Cake a ei lio mi Photo zg an telh chih. An ca chuah ruang ah kan zei hmant poi lo tuk. Thai zing kan au rih lai. Mipi nih tleih ding timi tapung or tapung he riantuan timi hmantlak le min a chuak cawlh ve lai. Rak i ready cio hna u sih! Cun, mah hmanthlak an tak tarnak poah ah mipi nih mah le thiamning cio in edit rak tuah khawh asi.

Relchap, Miphun Hriamtlai Bu Ṭhawnter A Herh; Ralkap le Palik milu 30 hrawng nih lamzawhmi mibu 2000-5000 karlak hrawng an vun dummi hna zoh ah celh a um lo tuk. Ralkap le palik an ṭih hna si lo, hriamnam an ṭihtu si mu! Mizapi nih ṭih ding le fahnak, thihnak tiang a kan petu pawl nih anmah thazaang bochan loin hriamnam an i bochanmi hmuh tikah Hriamnam a thilti khawhnak a lang khun.

Tutan ralkap nih nawlngeihnak fawi ngai in an lakmi zong hi hriamnam an i bochan ruangah a si ko. Aralaimi caan chung zongah hriamnam bochan in zulh phung tampi an ser lai i mipi fahnak tampi a kan pek rih ko lai.
Hriamnam bochan in a rammi fahnak a pe zungzaltu ral-hrang hi hriamnam pakhat khat in lehrulh caan kan phan te hrim lai. Hriamnam aa bochanmi nih cun minung fimnak, thilti khawhnak le rumnak pawl cu zei ah an rel lo nain hriamnam cu an rak ṭih ve ko.

Tlangcung hriamtlai KNU le KIA cu ralkap he i kahnak a chuak cang. Tlangcung hriamtlaibuu pawl zong biaruahnak a chungin an ngei cuahmah tiah theih a si. AA ralkap zong a chungin ralkap nih a chawnh hna i remnak ser dingin a lem cuahmah hna. Nain AA nih an cawlcanghning an ngiat peng ve hna.

Chin miphun dirhmun in hriamnam bochan in fahnak a kan petu, a kan rialdit zungzaltu ralhrang hi zoh sawhsawh awk an ṭha hrim te lai lo. Anmah lei kan ṭan lo ahcun dohnak lam a ummi ah kan i tel cio i kan doh a herh. Cucaah Chin miphun a si poah nih kan miphun hriamtlaibu a simi Chin Miphun Ralkap (CNA) a thazaang ṭhawnter dingin ṭuanvo kan ngei cio. Ramchung ramleng lungrual tein kan ṭanṭi a herh tuk. Abik in ramleng lei nih kan ti khawh tawk cio chuah in chawva lei in kan dirkamh hna a herh.

Nai ah, Emergency National Security Fund zong dirh a si. Chinland Club hruainak in Chin miphun a simi poah pal dih kan si lai. Cutik ah vuivai lo tein kan miphun hmailei a himnak caah i tel cio hram hna usih. Pakhat le pakhat kan i do awk a si lo, lungkhat tein thil ṭha lo tu kha kan doh awk a si. (Thomas Carlyle) Hlan ah cun Ralkap uknak hi Tlangcung mi lawng nih rak doh an si. Nain nihin ahcun milu tambik Bama (Kawl) hrim nih ralkap uknak hlolh dingin thazaang an chuah tikah ralkap nawlngeihnak a dongh ding hi a fiang chin lengmang ko. Zeiti lei lam in dah ralkap hi hriamnam he doh an si te lai ti cu caan nih a ratpi zau ko lai. Credit: Biak Hmun Lian