Breaking News: Falam Ah Sianginn A Kaimi Siangngakchia 400 Leng An Um!

Breaking News: Falam Ah Sianginn A Kaimi Siangngakchia 400 Leng An Um!
==========
Falam ah sianginn kaimi siangngakchia 400 leng an um i ralhrang nih security an lak piak dih hna ti si. Chin pyine 9 chungah ralhrang sin sianginn kaimi ah Falam hi an si tiah theih a si. CNDF nih biatak in tuanvo alak lo cun, SAC ngeihmi Myawaddy le MMTV ah uar ngai in ralhrang nih an chimphuan te lai.

Nihin zingka khuan ah Lumbang le Valung khuakar Tuphei ah Chin ralkap le ralhrang an i kap tiah theih si i Chin ralkap nih an nuai ngai hna ti hun theih cu meh thaw lo zong in rawlka thaw ngai. An biakmi khuachia sinah kuat thluah mahding ansi kocuh. Chin ralkap, Fighting.

Meh thawt le thawt lo hi lungthin nuamh le nuamh lo he aa rak pehtlai ko hih. An hriamnam hi la chih kho leng mng hna sehlw a tha chin chin hnga. Parte khua lei ralhrang cu tlanglam in Lati khua lei ah an kal tiah theih si.Lati khua hi Ngawn ramchung a si. Falam ralkap nih hriam ngan in Parte khua lei cu, voinga nak tlawm lo an vun kah tiah theih si.

Ralhrang mah zat kan thah hna tiah statement an vun chuah ahcun kan i lawm kho tuk hna, mah i ralhrang an thahnak tehte (witness) caah ralhrang hriamnam an vun pholangh chih ko ah lawmhnak akim hlei cuang.

Tamu lei ah private motor hmang in a kal mi palek pawl bomb puah an tong, palek bawi pakhat tel in pali an thi, methal zun thum an lak. Sagaing ramthen, Kalay in Tamu lei ah a kal mi ralhraang kuttang palek pawl nih an i cit mi motor pakhat cu January 17, zaanlei sang ah bomb puah an tong i palek bawi pakhat tel in pali an thi tiah thawng kan theih.

Cu palek pawl cit mi motor cu Tamu peng, Yanlinpai khua le Witoke khua kar ah Bo Zee Kuat hruai mi Tamu PDF Battalion No. 3 nih bomb an puah hna hi a si i palek bawi pakhat tel in pali an thi, meithal zun thum an lak. Cun palek lei he aa pehtlai mi thilri zong an lak tiah kan theih.

Ralhraang pawl nih Kalay – Tamu lam ah hin Private motor, Bus le ke hleihnih ngei motor hna an hman ca ah mizapi nih khual tlawm tikah motor thlalang hon dih ding in Tamu PDF Battalion No. 3 nih thawngthanhnak an tuah.

Chinland Foundation nih Oxygen Plant honnak Yangon um Chin upa hna sawm in tuah. Chinland Foundation riantuannak Chinland for Chin Lives Program hmang in Yangon khua ah tangka sing 2000 renglo dih in 40 liter pawl ni khat ah dur 78 leng a rawn kho mi Oxygen Plant an bunh mi cu nihin January 18 ah honnak siseh, Pathian sin pekchanhnak siseh, an tuah.

Tutan Oxygen seh tuah nakding ah chawva lei in bawmchantu Dr. Hla Aung (Tuluk+Kawl) le a hawile an i tel kho i Yangon um Chinmi upa bochanmi hna an tling. Cun, hlasakthiam Esther Dawt Chin Sung le Laldinthari (Lal Din Tha Yi) hna nih an telpi fawn hna. Yangon khua ah bochanmi Chinmi 400 tluk an i tel kho. Chin COVID-19 Rescue Team (CCRT) upa hna, All Chin Society (ACS) upa hna, Lai Chiatthat Bu, Yangon (LCB) upa hna, Khrihfabu kip in Pastorte le bochanmi upa tampi an i tel kho.

Hi Oxygen Plant hi Yee Shin Company he hnatlak in bunh mi a si i N. Dagon Believes Church Myanmar Central Office pawng ah hrambunh in seh hun a si cang. “Hi Plant hi Chinmi caah nunnak chanhchuahtu Pathian thluachuah si hram ko seh, ti hi kan thlacamnak a si. Hi project tlam a tlin khawh nakhnga ngeihchiah chawva, ruahnak le thlacamnak in a kan telpitu nan dihlak cung ah lunglawmhnak chim cawklo kan ngei. Vawlei tuanbia ah ralpi le raipi tiin kan ton hna.

Vawleipi nih a ton bantuk in Myanmar rammi zong nih kan ton ve i abik in Chinmi pasaltha hna nunnak tampi a liam. Cucu, lungfah bu le tei khawh nakding i sehchih bu in Chinland Foundation nih hi thil kan tawlrel mi hi a si. Miphun kan himnak caah si hram ko seh,” tiah Chinland Foundation President Rev. NC Thawng Tha Thang nih a chim.
Chinland Foundation hi ralzaam hna le COVID-19 he pehtlai in Chinland for Paletwa, Chinland for Tedim, Chinland for Rakhine, Chinland for Cikha le Chinland for Chin Lives tiin ralzaam hna bawmhnak ah siseh, COVID-19 mizaw bawmhchanhnak ah rian a tuanmi an si, tiah kan theih.