Breaking News: Commander-in-Chief Vipin Rawat Le Chungkhar Caah Indian Mipi Lungretheih In An Um!

Commander-in-Chief Vipin Rawat Le Chungkhar Caah Indian Mipi Lungretheih In An Um!
==========
India ram ralkap lei lubik le chungkhar pawl a phorhtu Helicopter cu Tamil Naduh state chungah a tla, tiah thawngpang theih a si. Mah Helicopter chungah aa citmi hi minung 14 hrawng an si, tiah thawngpang theih a si.

Ralbawizik Vipin Rawat le a chungkhar kong hi thawng fiangtein theih khawh a si rih lo, tiah BBC nih a tarlangh.
Commander In Chief Vipin Rawat le chungkhar phorhtu Helicopter hi Mi-17V5 phun a si. Tamil Nadu state chung um Kunar khuapi pawngah a tla hi a si, tiah nihin ah thawngpang theih a si.

Hi kong he pehtlai in thawngpang theihning ahcun Helicopter a tlaknak hmun ah hin mi ruak 4 an hmuh cang hna i, hliamhma an pu mi minung 3 an si tiin theih chap a si. Commander-in-Chief Vipin Rawat le a chungkhar hna cu Sulalim
Ralkap sakhan vanlawng tual in Rasil in Wilton lei ah an zuangmi an si.

India ram nih Commander-in-Chief timi min le rank hi 2019 in an thawkmi a si. Atu Helicopter accident nak ah aa telmi Commander-in-Chief Vipin Rawat hi avoi khatnak rank pek hmasa mi a si. Commander-in-Chief Vipin Rawat he ti lei ralkap Chairman zong a tlaih chihmi a si, tiah thawng theih asi.

Indian Defense Minister Rajnath Singh nih hi kong he pehtlai in naihnem tein zohfelnak kan tuahcuahmah liopi a si, tiah thawng theih a si. Indian Defense Minister Rajnath Singh zong nih Emergency meeting cu Delhi khualipi ah an tuah cuahmah lio a si, tiah thawng a hnu bik theih a si.

MIN AUNG HLIANG NIH EX-GENERAL TIN OO A TON. SUUKYI KONGKAU AN CEIHHMAI. (Suukyi Thonginn ah an chiah lai maw). Tuchun December 6,2021 ah hin Daw Aung San Suu Kyi le U WinMyint cu Nyphidaw i Zeburah Thiri Special Court ah Emergency Management Acts-25 hmangin Cases an siampiak m le Acts- 505(a) kong cu degree(Conviction) Judgment an tuah cang hna lai.

Hi kong he pehtlaih in Sr. General Min Aung Hliang nih Nizaan 5/12 Dec. ah khan Ralbawi hlun minthang Ex-General le NLD Patron Turah U. Tin Oo (94) cu amah umnak Bahaan Innpi ah kal’in Suimilam cheu chung a va ton ti’ah U Tin Oo i PA- ကိုယ်ရေးအရာရှိ Ko Myint Oo nih a chim. MAH nih hin Daw Aung san Suukyi, U Win Myint Thongthlak le thlak lo dingnak kongah ruahnak cheuhboh nak a hal ti’ah theih asi. Cupinah Ex- Intelligence Chief General Khin Nyut le Ex-Brigadeir Bogalay Tint Aung zong a hmuh hna i, tulio Myanmar kong le ruahnak a hal hna ti’ah theih asi fawn.

General Min Aung Hliang nih hin Daw Aung San Suu Kyi le U Win Myint hi degree van pek tak tak ding hi cu a ttihtuk ti hi a fiang bak ko. Zaih ti’ah cun, kan hnu lei Zarh 29/11 ah khan Judgment degrees pek ding an si cang na’in an thialter mi asi. Hi Act’s-25 kongah hin Suukyi le WinMyint anmah bakte zongnih Court ah kan palhnak a um loh ti’ah an ral el cang.

Hi kongah hi cun, kha lio caanah khan Emergency Management Acts-25 a buarmi an tamtuk. Anmah Ralkap bawi lila hmanhnih vawi tamtuk an buar. Cu ca’ah Daw Suukyi le U Win Myint hi hi Cases kongah cun dantat thlak dingin sualnak an nei loh ti’ah ruah cio asi. U Win Myint hoi hna cu amah umnak Innpi hmai lawngin a kut a hei zo hna lawng khi asi ko. Hi Acts-25 kongah degree an pek hna asi’ah cun Kum-3 tiang Thongthlak khawh an si. Amah belte Corruption (Eihmuar) nak Cases tu’ah cun Court Phunghram ning te ‘in hrem nak pek bak ding an si ko.

President hlun U WinMyint hi cu Midik mifel asi i Politics lei zongah minchiatnak le buaibainak a nei bel lomi asi. Phytuh Hluatdaw Chairman a rak tuan lio ah khan South Korea le London ah V.I.P in khual arak tlawng i, VIP Travels Fund’s-ca’ah $-50000 lak i hmankhawh asi ko na’in $-20000 lawng a lak i U. Win Myint nih hin $-30 lawng (Korea) a hmang i a dang $-19970 cu a Cozah sinah a pek kir dih tha’n.

Cun London a kal lio zongah $-50 lawng a hmang ti’ah culio i Hluatdaw Zungpi Director Pakhat tuanmi nih a rak chim bel. Daw Aungsan Suukyi kong belte ah cun, Pathian riantuan ning hi khuaruahhar a hei sining cu; phundangah rak ruat hlah ulaw, a mah Daw Suu Kyi hi Myanmar Covid-19 Steering Control Committee Chairwoman asi i, amah nih Daan a zaamhmi “Emergency Management Act hi amah cung lila’ah arak tlung lai ti hi arak i ruah bel kho lo men..a tu’ah cun amah cungah a phak cang.

Kum-2020 General Election hlan deuh May 19- 20 ah khan Myanmar Ramchung ah Evangelist Minthang le Pathian mihmaan Rev. David Lah cu hi “Emergency Management Acts-25 lih le hrawkhrawl hmangin NLD le Phungki hrang pawl nih Case siampiak in an rak tlaih i InnSein Thonginnpi ah an chiah.

Myanmar Rampum Khrihfa vialte nih chuah dingin kan nawl hna pinah Vice-president Pu. Henry Vanthio zongnih Pi Suukyi sinah nawl nak a2 hal piak ko na’in Suukyi nih a duh lo i, a donghnak ah Canada ramah an tthawl. Cu tuchunni tiang Myanmar Christian pawl nih cun an philh kho hrim hrim loh. Cuca’ah anung kan Pathian riantuan ning hi cu khuaruahhar kut tonh in hmuhkhawh asi ko?

Breaking News; Pi Aung San Suu Kyi cu Covid- 19 Emergency Management Acts-25 le 505(a) Cases in tu nai te 6/12/2021 Zinglei 11:00 ah khan Kum- 4 bak Thongthlak dingin bia-chahnak (judgment) an pek cang ti’ah theih asi.

December 6-7,2021 ah Myanmar Ralkap Cozah i Foreign Minister U Wanna MaungLwin cu ASEAN Chair thar Cambodia Prime Minister Sandech HunSan sawmnak in Cambodia khua pi Vaintian/Phanompin ah ASEAN Consensus 5-Points kongah tlamtling te’in riantuanti dingin a kal ti’ah theih asi. Cambodia Prime Minister nih hin Myanmar Ralkap Cozah hi an nawl zulh a timh hna lo pinah, ASEAN 5-Points hnatlak nak cu zulter hrim hrim kan i tim lai ti’ah AP News Agency ah fiangte in a chim cang.

Ralkap Council nih Daw Aung San Suu Kyi le U Win Myint thong kum hnih an thumhpiak hna, thonginn ah kua lo in atu an umnak hmun ah kan chiah hna lai tiah an chim.

Myanmar Ram Ruahnak Petu Daw Aung San Suu Kyi cu Ralkap Council kuttang Nay Pyi Taw Biaceih Zung nih December 6, zinglei ah, thong kum li tla ding in bia a khiah i, zaanlei sang ah Ralkap Council Lutlai Min Aung Hlaing nih kum hnih a thumhpiak.

Daw Aung San Suu Kyi le President U Win Myint cu pohmah 505(b) in thong kum hnih veve, kokek raal lei upadi in kum hnih veve tlak ding in an khiah hna. President U Win Myint zong thong kum hnih an thumhpiak ve. Thonginnpi ah kua lo in atu an chiah hnanak hmun thiamthiam ah chiah an si lai tiah Ralkap Thawngthanhtu Phu Lutlai Major General Zaw Min Tun nih BBC ah a chim.

Cucaah, February ni 1 in tlaih le hren a rak si cang mi Daw Aung San Suu Kyi le U Win Myint cu an tlak cia mi zuhpiak ahcun thong kum khat le thla hnih lawng a tla ding an si. Asinain Daw Aung San Suu Kyi cu kum tampi thong tlak khawh mi a dang case pakua in biaceih ding a si rih. Ref: BBC