Breaking News; CNA Le Ralhrang I Kahnak Ah Ralhrang Lei 10 – 20 Kar Tluk Cu An Thi Cang!

Breaking News; CNA Le Ralhrang I Kahnak Ah Ralhrang Lei 10 – 20 Kar Tluk Cu An Thi Cang!
================
Falam leiin a rak kaimi ralhrang le CNA cu an i kap cuahmah lio asi, ralkap hi 10 in 20 kar tluk cu an thi cang men lai tiah zumh asi.

Bawipa Pathin nih a dirpi mi hna CNA CDF nan tei hrim hrim lai hi kan I rush chan kan I bochan mi hi kan fiang cio a Nung kan Pathian thawng in. Bawipa nih in kilveng ko hna seh. Kan mi phun dihlak nih thla kan in campiak ko hna ee.

Bawipa nangmah nih kan ralkap pawl nihin tiang na kil ven hna caah na cung ah kan i lawm tuk e. Hi hnu zong ah nangmah kilven nak le umpi nak kan herh zungzal ko. Nangmah nih umpi ko hna mu. Bawipa!

Lai mi cu Bawipa nih a kan dawt, a kan theih, a kan taan pi caah tei nak in lam a hruai leng mang ko lai. Bawipa min in kan tei lai. Bawipa na van ral kap tam pi he dir pi hram ko hna kan fa le him nak tei nak hmu hram u. Maw BAWIPA Chinram le Chin miphun cu a nung Pathian lo rinsan tu kan si..mangbangza na thiltithei nak runglang ter hram law.

UCCF Cakuat; Hello… ! Nan dam hna maw ? Bawipa Pathian nih daihnak in pe ko hna seh! Kan rampi cu raldohnak hmun ah aa chuah cang, ral ruangah minung tampi nunnak a liam cang, minung tampi pum tlaamtling lo ah an i chuah cang. Kan inn-lo cia ah ningți thlahai in kan um, khuaruah a pitchong, thaizing chuah lai kan i ruahfak.

Ram dawtu acozah riantlai hna nih an rian chuahtak in CDM an tuah, mino (G-Z) hna le tlangcung hriamtlai bu hna nih pumpek nunthap in rallokap an dir-onh. Ramleng phan Chin hrinfa hna nih an ngeihchun suingun chawva an bungh, Khrihfabu hna nih an thawhlawm chungin ti-rawl ei-din ca’h an thawh …

Kan Dothlennak hi “Mizapi Dothlennak” a si. Kan rampi Federal za-uk phung serkhawhnak caah le tlangcung miphun pawl mahte rorelnak phung ngeihkhawhnak ding caah ral kan do. Cu caah ram hrinfa dihlak kan i tel dih ding a herh, chan-tuanbia nih kan liang cungah rian a kan khinh , ahohmanh i phetchem ding kan țha lai lo.

Miphun dawtu kan pasal nusal hna nih nunnak pakhat te an ngeihchunmi ram zalennak ca’h thap in ral an do, kan thih le ram ca, kan nun le ram ca an ti. “Na pennak tlung cang ko seh “ tiah Bawipa thlacamnak kan chim tawnmi kha a tak in tuah caan a phan cang… Khrihfabu hna thlacam lawngin a za ti lo. America Dothlennak an rak tuah lio ah ral dohnak a kalkho lomi pa hna nih Biakinn tangah kuan an deng i nu hna nih rawl an chuang, Khrihfabu hna nih chawva in an dirkamh hna tiah kan hmuh.

David cu Saul sin in a zaam lio ah a rawl a țam i Nob khua tlangbawi Ahimalek kha ei ding changreu a hal, Ahimalek nih “Changreu thiang” kha a pek i an ei (1 Samuel 21:1-6). David cu Judah miphun dawtu ralkap a țuan liomi a si … (Nihin CNF/A & CDF hna zong miphun dawtu kan ralkap an si).

Khrihfabu hna a thiangmi kan thawhlawm kha ram le miphun caah pumpek nunthap in ral a domi kan fale thaithawh zaanriah cah bawmhnak pek cu kan Bible he aa kalh lo. Kan fanau hna rawlțam tihal in an um nakhnga lo Khrihfabu hna kan țuanvo a si kolo maw?

Ramchung ramleng Chinram hrinfa kan dihlak pumpak in siseh, chungkhar in siseh, Khrihfabu le khua in siseh Dothlennak rian ah kan sikhawhnak zawn cio in kan i tel dih hna lai … Kan dihlak te kan țanrual ahcun kan tei hrimhrim lai. “TEINAK CU BAWIPA TA A SI”. Credit: Rev. Tluang Hre