CNA Ralbawi Col. Sang Cem ( Sang Te) A Nunnak A Liam!
==============
CNA kan ralkap Sang Te nih tu nai te ah ruah lo tuk in an kan liam tak, tiah theih asi. A nunnak a liam ning cang zeitindah si kan i fiang rih ko nain, Aizawl Siizung ah a nunnak a liam tiah, theih a si. Kaltak mi chungkhar Bawipa nih hnem dih ko hna sehlaw.
CNA Ralbawi Col. Sang Cem cu kum 33 renglo CNA ah aum cang mi a si i kahdohnak zongah hmai ah a hruai peng tu hna a si. CNA Ralbawi Col. Sang Cem cu damlonak ruangah nihin July ni 5 zaalei ahkhan, Aizawl siizung ah atubantuk in ruahlo tuk in a kan liam tak hi a si.
CNF/CNA dirh kaa thawk ti awk in ai telmi le mihlun kan pa le hna lak ah kan bochan tukmi CNF CNA Ralbawi Pu Sang Lian Thang (Pu Sang Cem) nih a kan thih hih cu Lung a faak tuk ee. Pu Sang Cem hi a rank zong a saang taktakmi Ralbawi ngam a si. Senior pakhat kan sungh si caah a poi khun. Amah a thihnak
A ruang hi an chim ning ah cun Chunglei damlonak in a si i, Aizawl Siizung ah chunglei dam lonak in tuchun July 5, 2023 ah a dawt tukmi a innchungkhar le a miphun cu kaal taak in kan Pathian sin ah a kan dinh taak e. Chungkhar dawtmi cingla rualchan vialte Bawipa nih in hnem ko hna sehlaw.
Kapa sangte aw kan celh loh tuk e kan i siang lo tuk e nafale nih.Na kal tuan tuk ko e na rian tuan mi zawng dih rih tung lo na nau le nih an i hngah tuk ko e kapate aw puipui le zaathang zawng zei tin an um la ho nih dah an siangin kai nk zawng zoh hna la kapate aw..RIP Kapa sangte. Crd-Ram dawh Par
Chin ramkulh, Tonzang peng ah SAC ralkap kuttang rianṭuantu pengkulh uktu le fimcawnnak zung lutlai hna cu tlaih ding in CDF-Tonzang nih nihin July 5 ah ca an chuah. Tlaih ding in nawlchuah mi pahnih hna cu NUG president Duwa Lashi La nih sianginn honnak tuah lo ding le zung kai lo ding tiah zulh ding nawl a chuahmi an zulh lo pin ah CDF-Tonzang phu dohnak bia fak an chim caah atu bantuk in CDF-Tonzang nih tlaih ding in nawl a chuahnak hi a si, tiah an thanhmi ah an langhter.
CDF-Tonzang nih a uknak hmunhma, Tonzang peng ah SAC ralkap kuttang um sianginn le zung hna cu on lo ding in voi tampi khamnak ca rak chuah a si cang. Atutan CDF-Tonzang nih tlaih ding in nawl a chuah mi hna hi Chin mi an si pinah, Tonzang peng ṭhanchonak caah ṭuavo laak in rian a ṭuan mi an si caah fawi tein hmalaknak kan tuah lo.
Caan zeimawzat hrial an si nain dohthlennak tuah lio a si caah hi kan dohthlennak ah mithmai a bittertu an si pinah, CDF-Tonzang cung ah zuamcawhnak bia an chim ruangah atu bantuk in CDF-Tonzang nih tlaih ding in ca kan chuah, tiah an thanhmi ah an langhter.
Hramhram in uknak lak a si hnu kum 2 le cheu leng caan chung ah SAC ralkap nih thah ruang ah a nunnak a liam mi Chin miphun kan tam chin lengmang i 2023 thla 6 chung ah Chin miphun 100 leng SAC ralkap nih a thah hna tiah Institute of Chin Affairs – ICA nih July 4 ah cathanh a chuah.
2023 January in June thla tiang thla 6 chung ah SAC ralkap nih Chin miphun 109 a thah hna i cu chung ah mipi sawhsawh 50 le CDF/CNA chungtel 59 an i tel tiah ICA nih a langhter. A nunnak a liam mi hna cu mipi sawsawh pa 34 le nu 16, CDF/CNA chungtel pa 58 le nu 1 hna an si tiah a langhter.
A nunnak a liam mi hna hi kahdohnak ruang, bomrap ruang, hriamngan ruang ah a nunnak liam mi an si hna i vanlei kahdohnak ruang ah a nunnak a liam mi an tam bik tiah theih a si. Myanmar ram ah SAC nih hramhram in uknak a lak kum 2021 ah SAC nih Chin miphun 164 a thah hna i 2022 ah 195 a thah hna tiah an langhter.
2021 le 2022 thla 23 chung ah Chin miphun 359 an thi i 2023 thla 6 chung ah Chin miphun 109 an thi tiah an thanh.
Myanmar ramchung ah a cang cuahmah mi buainak hi vawlei cung ram hna nih ṭha tein zohfelnak tuah le hmual a ngei mi dantatnak hna an tuah a herh cang tiah ICA nih forhfialnak a tuah.