BREAKING NEWS: CNA/CDF Pasaltha Salai Za Ceu Lian Nih Ram Le Miphun Caah A Nunnak A Pek!

BREAKING NEWS: CNA/CDF Pasaltha Salai Za Ceu Lian Nih Ram Le Miphun Caah A Nunnak A Pek!
===========
CNA /CDF pasaltha Salai Za Ceu Lian nih ram le miphun caah a nunnak a pek! Ralhrang bomb nih a khenh i a kee faktuk in ai hriam caah tuzaan lei 5:28 Pm ah a nunnak a liam! Zingka in an ka chimh cang nain ka post ngam lo, media vialte nih nan rak post ko caah ka post ve!

Upat nak kan in pek. Tantak mi chungkhar Bawipa nih hnem ko hna seh. kan in tuar pi tk hna. CDF Tlangval Khuaruat Kho Muidawh Nunnak A Liam. Nu le Pa chungkhar nih zohthla tuk mi tlangval muidawh, mifim khuaruat kho Za Ceu Lian Cu Ralhrang bomh nih a ke ah fak tuk in a khawnden caah October 18 ah a nunnak a liam tiah theih a si.

CDF/CNA kan mino hna ram le miphun caah nunnak nan pek mi hi na min le na nu le na pa tiang theih le hngalh peng an rak si camcin lainak tawl reltu an um ko lai. Phungbang phai nan si zungzal lai. Khuaruat ko mifim tlangval ram le miphun caah nunnak petu Za Ceu Lian RIP.

CNF Spokesman Salai Htet Ni lawmh biachim, Mizapi thlacamnak hmual. Acaan a si lo nain Pathian nih kan Chinram ah ruahpi a surter. Mimmei a zaamter i kan ral cu ruah le kik nih a den hna. Mimmei ruang ah ral nih an kan hmu kholo.
Cu lio ah Pathian nih kan meithal tete le kan kuan tete cu a kan hmanpiak i kan ral cu kan tei. Pathian sin ah lawmh bia rak kan chimpi ulaw..

CNA, CNDF Le CDF Nih Taal Ah Ralhrang Motor 9 Hrawh Than, A Dihlak 16 Hrawhpiak Cang! CNA+CNDF+CDF nih Taal ah SAC motor 9 hrawh than, a dihlak 16 hrawhpiak cang. Nizaan October 17 lio ah CNA+CNDF+CDF nih Falam Peng Taal khua pawng ah SAC motor 9 an hrawhpiak than hna i October 14 lio ah motor 7 an rak hrawhpiak mi hna he adihlak 16 an hrawhpiak cang hna, tiah kan theih.

Hi SAC ralkap pawl hi motor 60 hrawng he Falam in Hakha lei ah a kal mi an si i CNA+CNDF+CDF nih Taal khua pawng ah an erhtonh hna i Hakha lei zong lan kholo, Falam lei zong ah kir kholo in an hren hna, tiah kan theih.

Hi Taal pawng kahdohnak ah SAC ralkap aa hliam mi le a thi mi an tam cang nain phungluut in CNA+CNDF+CDF nih an thanh rih lo, tiah kan theih.

Tazacuai lio mi 4320 le thongthlak mi 1316 an thlah hna lai. Nawlngeihnak lak mi duhlo in lam a zawh mi hna tlaih i tazacuai lio mi 4320 le biaceih in thongthlak mi 1316 cu thlah ding in Min Aung Hlaing nih a chim i cathanh zong an chuah cang, tuah kan theih.

Duhlonak langhter lio ah aa tel i tlaihkhih mi pawl tuzarh chung ah kan thlah than hna lai, tiah Min Aung Hlaing nih chim. Nawlngeihnak lak duhlo in lamzawh (sandah piah) ah aa tel i tlaihkhih mi hna cu tuzarh chung ah kan thlah than hna lai, tiah Min Aung Hlaing nih a chim.

Hi bia a chim hi nihin October 18, 11:30 AM ah MRTV in a chim mi a si. “Aruang le konglam tampi he tlaihkhih in hren mi hna le an sualphun ceihpiak lio mi hna chung in thlah than awk aa tlak

AC Ralhrang pawl Taal Khua ah an Phan Cang. Nihin zaanlei sml. 5:00 hrawng ah SAC ralhrang pawl cu Taal khua ah an lan kho, tiah thawngpang kan theih. Thlanrawn le Taal karlak ah lam an hrawhmi cu JCB in an remh i tu zaanlei ah an lanh khawh hi a si.

Tu zaan hi Taal khua ah an riak lai tiah a zumh. Khuami pakhat nih, “Nikhua a chia tuk i khuachung an cawlcangh dan fiang in kan hmu kho hna lo,” tiah a chim.

Falam Peng ah Inn 24 a Kaang, Khua 7 in Minung 4,000 Hrawng an Zaam. October 13-15 karlak ah Falam peng chung ah SAC ralhrang inn 24 an khangh i khua 7 in minung 3,921 nih an innlo chuahtak in an zaam hna, tiah Falam peng ralzam tawlreltu bu sin in kan theih.

October 13 le 14 ah SAC ralhrang nih Rialti khua ah biakinn pakhat telh in inn 12 an khangh i Thlanrawn khua zong ah inn 12 an khangh chap. Rialti inn an khanghmi biakinn le kudawng pakhat an i tel i, Thlanrawn khua zong ah Pastor Biak Thluai a umnak biakinn quarters inn an khanghpiak.

Lungpi, Rialti, Thlanrawn, Taal, Tlangzar, Ramthlo le Dokthek khua in ralzaam 3,921 an um i, Falam khuapi ngaingai ah a zaammi hi an tlawmte tiah Falam peng ralzam kongkau tawlreltu bu nih an langhter.

Hakha ah bomb a puak, MPT phone line a tlaucolh ve. Nihin October 16, 7:15 PM hrawng Hakha ah bomb a puak i MPT phone line a tlaucolh ve, tiah kan theih.

“Hakha cu tlangcung um kan si tikah bomb le meithal thawng kan theih ahhin khoika zawn set in a si hngalh khawh a si lo. Kan innpawng cio ah kan ruah. Tuzaan zong bomb a puak i khoika si kan hngal kholo. Cu bak ah MPT phone line a tlaucolh ve,” tiah khuami pakhat nih a chim.

Furpi a si bantuk in nikhua a chia ngai i electric mei cu a mit lo nain MPT phone line a tlau, tiah kan theih. Credit: The Chin Journal, The Hakha Times

Hakha ah Telephone Line A Rawk, Chawnh Khawh A Si Lo. 2021 October 21 – Nihin zaanlei sml 7: 00 fai in Hakha Telephone line a rawk, chawnh khawh a si lo. Ooredoo line lawng a ngah tiah kan theih. Hi kong he pehtlai in, hmundang in Hakha lei Telephone le Internet in pehtlaihnak a tuahmi pakhat nih, Hakha lei Telephone ka chawnh len, a lut kho lo. A ngah lo tiah a chim.

MPT, (Telenor, le Mytel) telephone line a rawh hlan ahhin, Hakha khuachung ah zaanlei sml. 7:15 tluk ah bomb a puak, cu hnu cun phone line a tlau colh ve tiah, Hakha Times nih cun a tial. Atulio ah, Ooreedoo line lawng a ngah tiah kan theih.

Zei ruang ah a rawh le chawnhkhawh a si lo timi kong theihfian a si rih lo. Atu hi thawngpang kan tial lio tiang ahhin, MPT Phone line, Landline siseh, Internet zong in chonh khawh an si lo tiah theih a si.

Mandalay Ramthen, Chian Aye Thar San Ngunkhuai Zung ah bomb a puak. Mandalay khuapi chung ah ngunkhuai zung pali, Ramthen Sipin Zung le Ralkap ngeih mi Myanmar Beer kulh chung ah bomb an puak tiah pawngkam mi hna sin in theih a si.

Nihin, October 18 ah Pyigyi Takhun, Chian Aye Thar San, Mahar Aung Myay ngunkhuai zung hna le Ramthen Sipin Zung, Myanmar Beer kulh chung ah pehtlai in bomb an puak ti a si. “Suimilaam 11:30 hrawng ah a si. Aa hliam mi um le um lo kan thei rih lo. Hmun dang ngunkhuai zung zong ah bomb an puak ti in kan theih.” tiah pawngkam mi pakhat nih a chim.

Nai hrawng in Ralkap Council a dir nakding bawmchantu zung le riantuannak hna cu PDF nih pehtlai in an dohnak hmuh khawh a si tiah tualchung mi pakhat nih a chim.