Breaking News;
A poi tuk e SAC Ralhrang pawl Thantlang peng Zophei tlang lei ah An kal khawh men tiah theih asi. cu Hakha in Thantlang lei panh dingah a kal i, Timit kiangkap lei ah athla dengin a taangmi hna ralhrang pawl cu, Tuhi Zophei tlang lei hei luh deng dawh an si caah Zophei tlang khua zeimaw cu himnak kawl in a zaammi khua an um pah e tiah kan theih. Cucaah Thantlang peng Zophei lei ummi ralrin tuk kan hau, SAC Ralhrang hi ra rak khawh peng asi caah ralrin ko hna uksih.By William
Rihkhawdar SAC Ralkap Meithal Kuan In Kum 12 Ngakchia Telh In Minung 2 Hliamtuar! Chin Ramkulh, Falam Peng, Rihkhawdar chung hmunkhuar mi SAC ralkap hna nih hramhram in meithal an puah ruangah khuami kum 12 ngakchia telh in minung pahnih meithal kuan hliamhma an pu, tiah theih a si.
Rihkhawdar khuami pakhat nih, “Kahdohnak zeihmanh um lo. Hramhram in khuachung lei hoih in meithal duh poh an puah. Hiti meithal an puah ruang ah hin kum 12 ngakchia telh in minung pahnih hliam an tuar,” tiah The Chin Post ah a chim.
Hliam a tuarmi kum 12 ngakchia te hi Zokhawthar sii-inn ah an kalpi i a hma a faak pah, tiah theih a si. Cun, Pakhat aa hliammi hi thilphor motor hnu zul a si i Haimual khua pawng an phak ah kuan nih a khen, tiah khuami sin in theih a si.
Thilphor motor zul aa hliammi kong he pehtlai in, “SAC nih duh poh in meithal an puah ruang ah thilphor motor hnuzul pakhat aa hliam. Aa hliamnak zawn hi fianghlang in kan thei lo. Emergency in sii-inn ah an tlikpi colh ve,” tiah Haimual khuami pakhat nih a chim.
Breaking News
SAC Ralkap Nupi Nih Hriamngan A Kah Lioah A Puah Hnawh Hna I Hliam A Tuarmi Le A Thimi 40 Hrawng An Si; Bago ramṭhen Htantapin peng Zayetgyi khua hrambunh ke-ralkap (khah-lah-yiah) 73 sakhan ah SAC ralkap an nupi le hna cu raldoh an cawng i a tak in hriamngan kah an timh lioah a puak. Hriamngan a kaptu SAC ralkap nupi Tin Tin Maw telh in ralbawi le ralkap sawhsawh tam ngai an thi tiah Khit Thit Media nih a ṭial.
SAC ralkap nupi hna cu meithal kah le hriamngan kah tiangin an chimh hna i a herhning in kahdohnak le hmun dangdang ah an hman hna tiah theih a si. Bago ramṭhen Htantapin peng Zayetgyi hrambunh ke-ralkap 73 sakhan ah SAC ralkap nupi pawl raldoh an cawnpiak hna i a tak in hriamngan kah hmuhsaknak dingah PDF an um lai ti an zumhnak khuate hna cu an kah hna, culioah hriamngan hi a puakmi a si.
Hliam a tuarmi le a thimi 40 hrawng an si tiah theih a si. Hi thil hi June 8 ah a cangmi a si i SAC nih a lengah chuahter hrimhrim lo dingin an kham caah ni 4 a rauh hnu lawngah Media nih an theih. Crd;The Chin Post