Breaking News: A Pam Tuk E, Siibawi (2) Le Nurse (1) Kan Sung Than Hoi

Breaking News: Ralkap Ralhrang Phu Nih Sibawi 2, Nurse 1 An Kah Thah Hna
==================
Myanmar ramchung ah ralhrang phu nih an mah doh auhtu le ralchantu mipi pawl cu meithal kahnak in minung zeimawzat a nunnak a liammi chungah Sibawi pahnih (2) le Nurse pakhat (1) an itel tiah thawng theih a si. March 27, 2021 ni Tatmawdaw Neh ni ah ralkap le palik nih mipi cu ningcang loin an kah hna caah nizan nikhat chungah minung 100 leng an nunnak a liam tiah theih a si. Ralkap nih uknak an lak hnu ah mi thi tam bik ni le mi tlau tam bik ni a si tiah theih a si.

Hi thihnak kong he pehtlai in kum tlinglo ngakchia, siangngakchia, naupuai nu pawl telh in cozah riantuan, ngandamnak lei zung riantuan, sibawi le nurse pawl le bawlung celh thiam pawl an i tel tiah theih a si. Mandalay ramthen, Otdun township chungah Dr. Phyu Than Win Han cu March 27, 2021 ni ah a hngaawng ah an kah caah a nunnak a liam. Cun, Dr. Tiha Tin Tun zong Mandalay, 42 lam cungah a kut le a lu ah an kah i a nunnak a liam ve. An mah pahnih hi Mandalay Medical University siangngakchia hlun an si, tiah theih a si. Nihin March 28, 2021 ni ah Magyaw khuapi chungah Nurse kum hnihnak a kai cuahmah mi Ma TaNgiarHing zong a lu ah an kah in a nunnak a liam ve tiah thawng theih a si.

Relchap, Kan ral hi a ho a si fiang a hau, Mip nih sandahpiah nawl kan ngeih bantuk in kan pum rumvennak caah kan ral pa kut in thih kan duh ve lo caah kan ngei mi thilri in tuk le kah ve a a hau cang. Ralkap nih meithal in mipi kahnak nawl an ngei lo. Cu cu vawlei cung upadi buar tu cu Ralkap lila an si. Mah ruangah kawl miphun pi zong nih ralhrang tiin an ti hna.

Ralkap Ni ah MoD Russia Duh wuici kawl ram aphan Ni ah American Ambassor nih Mithih ruakah ngeichiat nak pangpar a va pek hna. American ram an lungput alangh ter. Sandahpiah mi US rak kan bawm cang tiin tar a hau. Anaa- ating hlan 22.2.21 ah Russia MoD Wuici kawlram a phan. MoFA phun ning bantuk in ca an kuat hna nain MoFA nih ca an leh lo. Nain kawlram a phan nain MAH lawng he an nih ton ii an ram lei a kir than. zartkhat atlin bakah Ralkap nih anaa- a ting.

Janaury 2 week ah Tuluk ram MoFA kawlram a phan. President le Daw suh an nih ton lio ah NLD nih teinak nan hmun rih caah kan nih lawm pi tuk hna ti a chim. MAH he sanpi biaruahnak an ngei mi a leng an chuah ter dih. A bik in Anaa- ting nak kong an nih ceih tiin bia a chuah colh. 2011 Syria ram ral a thoh. R2P an luh. Russia cozah nih President an drih kham lawng a si lo hriamnam a bawm. Ramkhat cozah pahnih le NATO bawm mi ralkap le Russia bawm mi ralkap phun hnih a chuah. Nihin tiang an ram a dai lo. Mipi tamtak an thih lengah an ram a rawk dih cang.

Kawlram buai nak kongah UN, EU le International ram nih mipi chungah Ralkap nih an thil tuah mi cungah an lungfah an chim lio ah Russia sin ah hriamnam an cawk mi Duh Wuici hmai ah an langhter. Russia ram nih kawlram ah sipuaizi a tuah mi aum leng lo. Russia ram minthang Spy hlan ii CRPH hruaitu thah ding in a fial hna lai tiin thawng a leng.
Kawlram Bedin chim thiam nih an chim ning in cun Thaizing hi kawlram thlengnak a chuah lai tiin an chim. Nihin ah ram 12 MoD nih MAH warning an pek cang. Kawlram cu Russia he a hlat tuk mi ram a si. Syria ram bantuk kan si lo. Kawlram cu tuanbia angei mi kan si.Tlangcung hriamtlai in kum 70 ral a thoh cang mi ram kan si. Ka ral ngan bik cu Tuluk le Russia an si. Tuluk cu a sipuaizi ruangah a si. Tuluk company le Oil pineline kan hrawh piak si cun an dih ve.

Tlangcung hriamtlai nih Ralkap an kah hna si cun Tuluk le Russia nih bawmnak lam a um lo tluk a si. Mipi zong kan hram chin leng mang lai ii tlangcung hriamtlai nih an mah hmunhma cio an kah hna si cun Ralkap cu anaa- a thlah hrim hrim lai. A tu lioah tlangcung hriamtlai nih an kah ve lo si cun Mipi nih kan bochan ti hna lo pinah thaazaang an chuah duh ti lai lo ka ruah ning a si. A dih dongh tiang Teinak lam kawl cio a hau. Ruahnak le tactice idea chuah pi cio a tha. Credit: Robert Ling