Kum 13 A Fanu Naupawi Mi Mahte I That Ding In A Fialtu A Pa Palik Nih An Tlaih
=========
Flodira ah khuasa mi pa nih a fanu kum 13 naupawi mi cu ṭhat hnemnak ngei lo nangmah te in i that tiah a fial. A fanu cung ah a cawlcangh ning a ṭhat lo caah Palik nih an tlaih tiah theih a si.
Gared Wayne Canales Kum 33 upa nih a fanu kum 13 naupawi mi cu phone in a chonh hnu ah “mihur” na si nangmah te in i that tiah a fial. A biachim dawhcah lo cu a hawi le zong nih an theih tiah an langhter. Naupawi a fanu mah te i that ding in a fial caah a tu bantuk in buainak case Palik nih an siampiak hi a si.
Court ah an chim ning cun, Ormond Beach ah khuasa mi Gared Wayne hringtu a pa nih a fanu naupawi minak in a nungak nu aa thim deuhnak kong an chim. A tu bantuk in a mah chungchuak a fanu naupawi holhdawh lo in a chonh ruang le thah a fial ruang ah Palik nih Massachusetts ahan tlaih. A tu tiang in hringtu a pa hi bail ngah lo ding le a fanu he neihniam um lo ding in Palim nih khua an khan piak tiah theih asi. Crd;Lungmili Post