BREAKING! Min Aung Hlaing Hlawhtling Tein Myanmr Ram Ah A Rak Kir!!

SAC Ralhrang MAL A Hlawhtling; Myanmar Le Irkutsk Karah Sector (Section) A Phunphun In Riantuantinak Ngeih A Si Lai, Cupin Ah Min Aung Hlaing Nih A Thi Ciami Soviet Union Ralkap Pawl Upatnak A Peek Hna!
=============================
SAC ralhrang lutlai Min Aung Hlaing le a zultu hna cu Irkutsk khuapi, Passazhirskiy station lei ah an va kal i Irkutsk ramkulh cozah phu in nawl ngeitu Mr.Igor Ivanovich Kobzev le tuanvo ngeitu hna nih an va don hna hnu ah Ramkulh (State) cozah phu zungah Myanmar le Irkutsk karah Sector (Section) a phunphun in riantuantinak ngeih dinhgah ceihmaitinak an ngei tiah kan theih.

Cu tonbiaruahnak ah cun Myanmar ram cu Russia ram i a hoikom tha bik a si i, Irkutsk ramkulh cu Russia ram a langfai ah a um mi a si bantukin a biapi bik mi State a si pinah Russia ram in serchuah mi sehzung tam bik cu Irkutsk state ah a um. Chwlehnak fonh 18000 leng a um tiah Ramkulh nawl ngeitu Mr.Igor Ivanovich Kobzev ceihhmaitinak a ngeih hna.

Cu pinah Myanmar ram le Irtutsk karah ramhnih i fonh in chawlehnak lei in riantuantinak hna pawl cu tlamtling tein tuanvo laak khawh dingah caantha tampi a um i ngamdamnak lei, Vawleicung khuatlawng lei kongkau, Mino pawl khat le khat i pehtlaihnak zong i bomin riantuantinak cu karh chinchin dingin ceihhmainak an ngei tiah kan theih.

Cubantuk thiamthiam in Myanmar ram ah Cinthlak, cawmkenmnak, chawlehnak hna le khual tlawng riantuan thanchonak hna cu hlawhtling tein taunvo laak khawh ding, Vawleicung le vawleitang thil chuak hna le Natural beauty hna cu tling tein ngeih in Sector (section) a phunphun laak in riantuanti a si lai i, chawlehnak hna cu hlawnting tein tuanvo laak khawh ding, timi kong zong ceihhmaitinak an ngei tiah kan theih.

Ngamdamnak sector ah Vuanci zung in khat le khat, Siizung le Sii University khat le khat fimthiamnak lei in i tanpi, dripi khawh nak kong zong ceihmainak an ngei. Cun SAC ralhrang lutlai Ming Aung Hlaing nih Irkutsk ramkulh cozah phu zung pawngah a um mi Vawleicung ralpi pa 2nak lio ah a nunnak a pee mi Soviet Union in ralkap hna cu ukpat peeknak tiin Memorial Eternal Flame hmun ah, ram caah a nunnak a peek mi ralkap pawl cu uptanak a sang bik a va peek hna i van ah mei pangpar thlahnak a tuah tiah kan theih.

Lomhpinak rawl eitinak an ngei hna i, cu rawl dumtinak ah Irkutsk ramlkulh cozah in nawl ngeitu Mr.Igor Ivanovich Kobzev nih Myanmar he a fek mi ceihhmaitinak a phichuak cu biakhiahnak tuah a si cang tiah a chim.

Relchap, Sagaing Ramṭhen, Butalin Peng Palik Sakhan In Ralkap 2 Nih An Hriamnam He CDM An Tuah! Sagaing ramṭhen, Butalin peng, Kutaw(ကူတော်) palik sakhan in SAC ralkap 2 nih September 5 ah khan Donepian(ဒုံးပျံ) Local PDF sin ah meithal 2 he CDM an tuah, tiah theih a si.

CDM a tuahtu SAC ralkap 2 nih cun MA2, MA1 meithal 2, kuan 400, kutcheh bomb lung 5 le bomb hmanh phun lung khat an i put caah Donepian(ဒုံးပျံ) Local PDF nih minung pakhat ah sing 50 veve laksawng an pek hna i, a himnak hmun ah an kalter hna, tiah theih a si.

Chin Relief Committe Mizoram(CRCM), Aizawl Nih CJDC Chungtel Hruaitu Hna Ngeih Awk Ah An Phone Number An Taar, Chin Relief Committe Mizoram(CRCM) Aizawl nih cun, dohthlennak ah aa khawngdeng sual mi le sii-inn kalpi a hau mi hna cu Aizawl khuapi ah an si khawh chung in an rak bawmh tawn hna i,

fawi deuh tein JCDC chungtel(CNA/CDF) hna he pehtlaihnak an ngeih khawh nakhnga CRCM hruaitu hna pehtlaihnak number cu Chin ralkap hruaitu vialte nih ngeih cio ding in an duh i, an tanglei bantuk hin theihternakle nawlnak an tuah.

“Bawikhrih ah Hawidawt Unau hna Bawikhirh min in CRCM nih nan kut kan in tlaih hna. Kan ram dohthlennak ca ah a kaakip in rianṭuan cio a si lio ah kan unau hna nunthap in rian a ṭuan mi kan ralkap khawnden kan ton sual tikah, Aizawl CRCM Le VAURAWNG ZUUNTHIL i bawm in a si khawh chung in bawmh le tawlrel kan i zuam.

Cucaah ramri tiang CDF/CNA, CJDC tang ah a um mi paoh cu papek in don khawh hi kan rianngan pakhat ah kan chiah i kan ṭuan cuahmah. Aizawl ah an Umnak le Sii-inn kal tiang bawmh le tawlrel piak an si. Cucaah CJDC tang ah a um mi ralkap hruaitu le CDF/CNA hruaitu nih cun hi Number pawl hi ngeih khawh i zuam usihlaw harnak kan ton tikah thawng kan i thanh colh le rianrang in rian kan ṭuanṭi khawhnak ding ah kan hun tar ṭhan.”

Kan Lai Thilthuan He Aa Dawh Taktak Mi Kan Unau Mizo Model Muidawh Suzane Jaishi (Photo Tampi), Suzane Jaishi hi Chin mi kan thisa unau Mizo a si i, Lainu tiah kawh khawh a si ko hih Femina Miss India 2022 zuamnak ah Mizoram aiawh in aa zuam mi a si tiah kan theih. A kum hi kum 19 lawng a si rih mino te a si rih. A tungsan hi 5’6 a sang. A Zuam bik mi hi rawlchuan a si.A rawl chuannak zong social media ah a phozar lengmang mi a si. Inn zuat saram zong a daw i a tlaih chan taktak mi a si. A photo hi rak zoh ve aa dawh kho takatk. Comment te zongah thazaang rak pee ve.

Relcih,Monywa Thonginn Zohkhenhtu Phu In Officer Pakhat Cu PDF Nih An Tlaih, Sagaing ramṭhen, Monywa thonginn in palik bawi(officer) pakhat kan tlaih, tiah Fight For People F.F.P nih cathanh an chuah. Nizan September 9 ah Monywa thonginn zohkhenhtu phu in bohnih pa Myo Ngunt Aung, pumpak No. A-3386 cu Tharse(သာစည်) khua thonginn thar sakmi in a chuak i, Tharse lam ah Monywa pengkomh Battalion 2, Company(4) Fight For People F.F.P nih kan tlaih, tiah an langhter.

Fight For People F.F.P nih an tlaihmi Monywa thonginn zohkhenhtu phu in palik officer pa hi, zei tin dah dantatnak an tuah lai ti cu an cathanh ah an langhter lo. Khuapau dohthlennak, April 3 lio ah Monywa thonginn chung in thongtla mi nih, hramhram uknak duhlonak an rak langhter caah palik nih an rak kham hna i a thimi zong an rak um, tiah theih a si.

Bomb Fimhlawm Ding In A Kalmi SAC Ralkap Cu Bomb Puahhnawh An Ton Caah Ralkap 3 An Thi, 2 Hliamhma An Pu: Monywa-Chaung U lampi ah bomb hmanhmi fimhlawm ding in a kalmi SAC ralkap motor Jammer pakhat le ralkap 5 cu bomb kan puahhnawh hna, tiah Brave Heart Army – BHA in Bo Saney Maung Maung nih a chim.

“Monywa lei in a rami SAC ralkap pawl cu bomb lung 3 in kan puahhnawh caah 3 an thi i, 2 cu hliamhma faak ngai an pu. An motor zong a rawh dih caah thil cawinak seh(Crane) in an cawi i, motor nganmi cung ah an khin i an kalpi,” tiah Bo Saney Maung Maung nih cun a chim. September 4 lio zong ah Monywa in Sagaing lei ah a kalmi SAC ralkap motor Jammer pakhat le ke ralkap hna cu, Brave Heart Army – BHA nih bomb an rak puahhnawh hna caah ralkap 2 an thi i, 1 hliamhma a rak pu cang.

India-Japan Kar Pehtlaihnak A Ṭhat Deuh Khawh Nakhnga Raltuk Cawntinak Tam Deuh Kan Ngei Lai, Tiah Ramhnih Nih An Thanh, India Defense Minister le Japan Defense Minister tonnak an ngeih hnu in ramhnih kar runvennak lei ah pehtlaihnak ṭha kan ngeih khawh nakhnga raltuk cawntinak tam deuh in kan ngei lai tiah, september ni 8 ah ramhnih nih an thanh.

India Defense Minister Rajnath Singh le Japan Defense Minister Yasukazu Hamada Tokyo tonnak an ngeih hnu ah tu bantuk in ramhnih kar pehtlaihnak ṭha ser ding in cathanh an vun chuah. India runvennak ramchung ah rian rak tuan cio ding in Japanese industries pawl cu kan sawm hna, tiah India Defense Minister nih a cathanh chung ah cun a langhter.

India le Japan cu China tlerhkhonhnak kan ton cuahmah lio a si bantuk in ralkap thazang kan ṭhawnter zong a herh i runvennak budget zong kan kaiter deuh a herh, tiah an cathanh chung ah cun an langhter.

Sagaing Ramṭhen, Gangaw Peng, Myinza Khua Cu SAC Ralkap Nih An Khangh!. Sagaing ramthen, Gangaw khua chaklei ah ummi inn 350 hrawng umnak Myinza(မြင်းဇာ) khua cu SAC ralkap nih nizaan September 9 zinglei sml 7 hrawng ah an khangh, tiah theih a si. SAC ralkap 150 hrawng nih Myinza khua ah hriamngan an thlak i cu hnu ah khuachung ah cun lut in, Khua cu an khangh tiah khuami pakhat nih a chim.

Khuachung ummi mizapi cu khuachung ah um ngam loin, a himnak ah kan zaam hna. Inn an khanghnak mei cu atu tiang a mit rih lo meikhu a tam tuk rih, tiah khuami hna nih an chim. Gangaw peng ahhin SAC ralkap nih rallam an sial caah Myinza, Lapu(လာပို့), Kyaw (ကျော်) Mauk(မောက်), Mauklin(မောက်လင်း) Laypan(လက်ပံ), Muzu, (မိုးဇို), Htehlaw(ထယ်လှော်) Kyuntat(ကျွန်းတပ်), Shwebo, Yuahaung(ရွာဟောင်း), Tintaw(သင်တော) le San(ဆန်း) khua in minung 8,000 hrawng cu a himnak hmun ah an zaam hna, tiah theih a si.

Chaung-U ah Copper Phurmi SAC Motor Cu
Myaung T.G.R Nih Bomb An Thlak Hna i, SAC Ralkap 8 An Thi, Sagaing ramthen, Chaung-U peng, Natyekan(နတ်ရေကန်) khua pawng ah copper a phurmi SAC ralkap motor pakhat cu a rawk i an remh lio ah, Myaung T.G.R drone tlaitu phu nih drone in bomb an thlak hna i SAC ralkap 8 an thi, tiah theih a si.

SAC ralkap 20 hrawng cu nizaan September 9 zinglei sml 10 hrawng ah copper an phur. Cu copper phurmi motor cu a rawh caah an remh i, cu lio ah cun drone in bomb kan thlakhnawh hna, ralkap 6 cu kan mithmuh ah an thi i, minung 7 cu hliam an tuar. A thimi 6 ruak le hliamtuarmi 7 hna cu, Myinmu sii-inn ah an kalpi hna i, sii-inn ah ralkap 2 cu an thi ṭhan, tiah T.G.R hruaitu Bo Teih ka(ဗိုလ်တိုက်ဂါး) nih a chim.

Myaung T.G.R drone tlaitu phu nih cun September 8 lio zong ah khan Chaung U le Guaipintaw(ဂွေးပင်တော) khua kar ah drone in SAC ralkap bomb an rak puah cang hna. Atu bomb an puahhnawh mi hna he cun a voi 4 nak a si cang, tiah Bo Teik Ka nih cun a chim chap.

Myawaddy Ah Rallam Sialmi SAC Ralkap 2 Cu KNU Sinah CDM An Tuah: KNU Bataillon 6 nih an uknak Myawaddy peng, Tungthatguih(သုံထပ်ကွေ့) pawng ah rallam a sialmi Tat-Mah 44, Khah-Lah-Yah 8 in SAC ralkap 2 cu nizaan September 9 ah KNU sinah CDM an tuah, tiah theih a si.

SAC kuttang um, Tat-Mah 44, Khah-Lah-Yah 8, Tat-Khuai 1 in ralkap So Aung le Zaw Htun hna cu Myawaddy-Waylay lampi i rallam an sial lio ah kanmah sinah an rak zaam, tiah KNU in hruaitu pakhat nih a chim.

SAC ralkap nih myawaddy-Waylay lampi cu uk khawh an i zuam peng caah ralkap thazaang tampi hmang in thlathum chung an kan doh cang, sinain atu tiang a la kho rih lo. SAC ralkap hna cu cuka hmun ah cun a thimi an tam ngai cang i KNLA sinah CDM tuah in aa fonhmi zong an tam pinah, nizaan September 9 zong ah khan Tat-Mah 44, Khah-Lah-Yah 102 in ralkap pakhat zong KNLA nih an tlaih, tiah theih a si.

Uknak Lak Hnu In SAC Ralkap le KNU Kar Kahdohnak Ruangah Tualchungmi 130 Leng Nunnak A Liam, SAC ralkap nih uknak an lak hnu ah SAC ralkap le KNU kar kahdohnak ruangah tualchung minung 131 nunnak a liam i, minung 283 hliamhma an tuar, tiah KNU nih an thanh. SAC ralkap nih uknak an lak thla 19 chung ah SAC ralkap le KNU kar kahdohnak voi 6,359 a chuak. Cu kahdohnak chung ah cun KNU lei in minung 142 nunnak a liam i, 329 hliamhma an tuar, tiah KNU nih cun an langhter.

A liamcia thla 19 chung kahdohnak ah SAC ralkap 5,117 an thi i, minung 4,134 cu hliamhma an tuar, tiah KNU nih cun an langhter chih. SAC ralkap lei ralbawi hlun U Thein Htun nih cun KNU nih SAC ralkap lei an thihnak kong he pehtlai in cathanh an chuahmi cu a dik lo, tiah a chim. UNOCHA nih cathanh an chuahning ah SAC ralkap nih nawlngeihnak an lak hnu in SAC ralkap le KNU kar kahdohnak ruang ah tualchung mi 86,800 hrawng cu umnak hmun ngei lo in ralzaam dirhmun an phan, tiah September 5 ah cathanh an rak chuah.

LCMC(Siizung) Lawngtlai Nih Kahdohnak Ruangah Hliamtuarmi Hna Cu Dawtnak He Zohkhenh An Si Lai, Tiah Cathanh An Chuah, Myanmar ramchung buainak ruangah Mizoram, LADC (Lawngtlai District) chung ah nunhimnak kawl in aa dor hna nih damlo zawtfahnak an ton le dohthlennak ah hliamhma tuarmi hna an um i Lairam Christian Medical Center & Hospital, Lawngtlai an phanh tikah harsatnak nan ngeih ahcun kan in tuaktan piak hna lai, tiah Medical Superintendent nih cathanh an chuah.

“Kan theih cio bantukin Myanmar ram buainak ruangah Mizoram hmunkip ah ralzaam in an hawng phan hna i, Lawngtlai District chung zongah tampi an um. Cu lio ahcun ralzaam hna lakah zawtfahnak ngeimi sii-inn i zohter hau mi hna le sii-inn chung um ( Admit hau) mi hna, tangka lei harnak ngeimi tampi an um ti theih a si hi poi kan ti ngai.

Ralzaam hi lei i harnak ngeimi siizung ah i zohter man le siizung umnak man (Medical bill) pek ding ngeilo mi hna le siizung an um chung i harnak ngeimi (sii cawknak ngeilo mi tbk..) kan um ahcun a tang i min tialtu hna sinah hin i theihter(report) ding a si lai. Anmah le an dirhmun cio zoh in bawmhnak (Poor Fund) pek pinah siizung um man tiang zong dawt khawh an si lai.

“Hi pin ahhin kahdohnak ruang i hliamhma pumi, siizung a rak lutmi hna an um ahcun dawtnak in zohkhenh ding an si lai.” tiah Medical Superintendent Dr. B. Zonunsanga nih September 5 ah khan cathanh a chuah. Hi kong he pehtlai in LCMC rianṭuantu pakhat nih cun LCMC, Lawngtlai Siizing hi Lawngtlai peng chung mizaw hna nih an fuhpanh bikmi siizung a si i, atu lio ah cun ralzam tam lio a si caah ralzam mizaw zong nih an fuhpanh tawn, tiah a chim. LCMC ahhin Doctor 5 an um i, nurse 34 lengah rianṭuantu dangdang he an dihlak in rianṭuantu 97 an um, tiah The Chin Post ah a chim.

Monywa Thonginn Zohkhenhtu Phu In Officer Pakhat Cu PDF Nih An Tlaih, Sagaing ramṭhen, Monywa thonginn in palik bawi(officer) pakhat kan tlaih, tiah Fight For People F.F.P nih cathanh an chuah. Nizan September 9 ah Monywa thonginn zohkhenhtu phu in bohnih pa Myo Ngunt Aung, pumpak No. A-3386 cu Tharse(သာစည်) khua thonginn thar sakmi in a chuak i, Tharse lam ah Monywa pengkomh Battalion 2, Company(4) Fight For People F.F.P nih kan tlaih, tiah an langhter.

Fight For People F.F.P nih an tlaihmi Monywa thonginn zohkhenhtu phu in palik officer pa hi, zei tin dah dantatnak an tuah lai ti cu an cathanh ah an langhter lo. Khuapau dohthlennak, April 3 lio ah Monywa thonginn chung in thongtla mi nih, hramhram uknak duhlonak an rak langhter caah palik nih an rak kham hna i a thimi zong an rak um, tiah theih a si.

Bomb Fimhlawm Ding In A Kalmi SAC Ralkap Cu Bomb Puahhnawh An Ton Caah Ralkap 3 An Thi, 2 Hliamhma An Pu: Monywa-Chaung U lampi ah bomb hmanhmi fimhlawm ding in a kalmi SAC ralkap motor Jammer pakhat le ralkap 5 cu bomb kan puahhnawh hna, tiah Brave Heart Army – BHA in Bo Saney Maung Maung nih a chim.

“Monywa lei in a rami SAC ralkap pawl cu bomb lung 3 in kan puahhnawh caah 3 an thi i, 2 cu hliamhma faak ngai an pu. An motor zong a rawh dih caah thil cawinak seh(Crane) in an cawi i, motor nganmi cung ah an khin i an kalpi,” tiah Bo Saney Maung Maung nih cun a chim.

September 4 lio zong ah Monywa in Sagaing lei ah a kalmi SAC ralkap motor Jammer pakhat le ke ralkap hna cu, Brave Heart Army – BHA nih bomb an rak puahhnawh hna caah ralkap 2 an thi i, 1 hliamhma a rak pu cang. Crd-The Chin Post