BREAKING; Chin Miphun Nih Tuanbia Thar Kan Tial!!

Chin Miphun Dr. Ngai Tam Maung Cu NUG Deputy Minister Rian An Khinh!!
==============================
Chin ramkulh, Mindat khuami Dr. Ngai Tam Maung cu NUG cozah nih Ministry of Humanitarian Affairs and Disaster Management Deputy Minister si dingah tuanvo an pek tiah theih a si. CRPH nih September 30 ni ah rian peknak cathanh an chuah i ramkomh Minister Dr. Win Myat Aye bawmtu dingah Chin miphun Dr. Ngai Tam Maung rian an pek hi a si.

May be an image of 1 person and standing

Dr. Ngai Tam Maung hi 2020 Kum thimnak ah Mindat peng Amyotha hluttaw palai hmunhma ah thutden ai cuh ve mi le mipi nih thimmi palai pakhat a si, cun Ralkap nih hranhram uknak laak hnuin dirhmi Public Administration Mindat zongah rian lian ai khinh mi a si tiah theih a si. Crd-The Chin Post

May be an image of 1 person and standing

Relchap, Sintgaing Ah Electric Man Ap Dingin Bank Ah A Kalmi SAC Chungtel 3 Zulhmi Motor PDF Nih An Kah, Palik Bawi Sakhan-hmu A Thi, Mandalay ramṭhen, Sintgaing peng Mandalay-Kyauksae lam ah electric man bank ah ap dingin a kalmi EPC manager le SAC ralkap chungtel 3 nih zulhmi motor cu PDF phuthum fonh nih an kahdoh hna caah palik bawi sakhan-hmu a thi tiah Myitnge PDF in ṭuanvo ngeitu pakhat nih a chim.

October 3, chunhnu suimilam 2:50 ah Mandalay-Kyauksae, Sintgaing pura kam ah atu bantukin kahdoh an ton hi a si tiah theih a si. Paleik EPC zung hi mipi sin ah, mei man pelo mi hna cu metrebox phihpiak nan si lai tiah tlerhkhonhnak bia an chim hnu ah mipi sinah meiman kholhnak a tuah tawntu an si tiah theih a si.

Bank ah mei man ap dingin a kalmi SAC ralkap motor bomb puahhnawh in doh an ton ṭhan caah an i citmi private motor cu a rawk, palik bawi sakhan-hmu pakhat a thi, EPC manager zong a hliamhma a fak tiah theih a si.

Chin le Sagaing Hmun Cheukhat Ah Phone Line Thahpiak An Tong, A luancia nithum hrawng in Chin ramkulh Tedim, Falam peng le Sagaing ramṭhen Kalay, Mawlait(မော်လိုက်), Homalin pwng ah SAC ralkap nih phone line an thah tiah theih a si.

Falam pengah Telenor chim lo in a dang phone line paoh phihpiak an si, cun Tedim ah hin MPT le Telenor line cu hmankhawh a si lo nain, Oredoo line pakhat te tu cu hmankhawh a ngah tiah theih a si. Mawlait ah MPT, Telenor, Oredoo line ngah lo in Mytel line pakhat lawng internet hmankhawh a si.

Kalaymyo tu ah cun MPT le Telenor phone line ngahl lo in Oredoo line hmankhawh a si i Homalin pengchung ah an hman bikmi MPT phone line tu cu thahpiak an tong tiah theih a si.

Myawaddy Ah DKBA Chungtel Pahnih Kah An Tong, Pakhat A Nunnak Liam, Kayin ramkulh, Myawaddy Maynikune(မြေနီကုန်း) ah ku-va a cawmi DKBA chungtel 2 cu a hosi theihlo mi hriantlai phu nih an kah hna caah pakhat a thi, pakhat cu fakngai in hliamhma a tuar tiah tualchung mi hna nih an chim.

Myawaddy Maynikune(မြေနီကုန်း) Sagaing ku-va dawr hmai October 2, zaanlei suimilam 4:00 hrawngah kahdohnak a chuak, zeiruang ah kah an ton zong theih a si lo tiah tualchung mi nih an chim. ” Pakhat cu kah an tonnak hmun ah a thi, pakhat zong a hliamhma a fakngai” tiah tualchung mi pakhat nih a chim.

Cu kahdohnak a can hnu ah cun, SAC ralkap hna nih lampi le gate phihnak an tuah i checkhlatnak an tuah, kah a tongmi DKBA phu chungtel 2 cu Myawaddy general hospital ah an kalpi hna tiah theih a si. DKBA phu cu KNU in a chuakmi Karen hriamtlai phu pakhat an si, SAC nih uknak a lak hnu DKBA phu in Bo Salone hruaimi minung thazaang 200 hrawng cu KNU kuttang hriamtlai KNDO he a fonhmi an si.

South Korea President Nih North Korea Cu Nuclear Hriamnam Hneksaknak Tuah Ti Lo Dingin Ralrin A Pek, October 1, South Korea Armed Forces Day ah, South Korea president Yoon Suk-yeol nih North Korea cu nuclear hriamnam hneksaknak tuah ti lo dingin ralrin a pek tiah theih a si.

North Korea nih a voithumnak nuclear hriamnam hneksaknak a tuah hnuin atu bantukin South Korea nih ralrin a pek hi a si. Armed Forces Day tuahnak hmun ah cun, South Korea President Joon Suk-yeol le Ministry of Defense Prime Minister hna an i tel i, hriamnam thar an ngeihmi pawl zong hmuhsak le theihternak an tuah chih tiah theih a si.

Ram Buai Hnu In Pawcawmnak Caah Caw, Naa Mizoram Ah A Zuarmi An Tam!, Myanmar ram ah Min Aung Hlaing nih uknak a lak hnu in thilman a kai i riantuan ding a um lo ruangah pawcawmnak caah Mizoram ah Caw le Naa a zuarmi an tam tiah theih a si.

Caw le Naa zuartu pakhat nih cun,” Uknak lak hnu in thilman a kaituk, kannih Chin ram ah hin a hleiin thilman a kaikhun, cun a hlan bantuk in phaisa hlawhnak zong a um ti lo, cucaah Kawl Caw hi tambik kan lak i Naa hi cu kanmah Chin ram chung satil kan lak iI Mizoram a kan va zuar,” tiah The Chin Post ah a chim.

“A caan ah cun phaisa thlen a tum kai a fah tuk ah hin kan sungh caan zong a tampi, zei riantuan awk a um lo tuk caah vansan ah kan zuar, uknak lak hnu cu pawcawmnak caah hin kan lungre lawng a thei ko,” tiah a chim chap.

Ralkap nih hranhram in uknak lak hnu ah hin a bik in Chinram chung ah riantuan ding a har i, Mizoram ah Caw le Naa a zuarmi hi nikhat hnu nikhat an karh, a zuar tawntu hi phu li nga an um i a buaktlakin phukhat nih Caw 40 an hruai tiah theih a si. Mizoram chungah an va zuar tik zongah zuar a har ngai tawn i voikhat an kal ah hin caan sau ngai an rau tawn.

India, Mizoram ramkulh ah Rupee’s sing 100 hrawng man bingrang an tlaih thanh, India, Mizoram ramkulh ah, rithaisi dohnak biatak tein an kalpi cuahmah ko nain nichiar ti awkin palik nih hmunkip ah rithaisi cu an tlaih i, October 1 zong ah, Rupee’s sing 100 renglo man bingrang an tlaih than tiah theih a si.

Mizoram, Aizawl khua hmun pakhat ah, Manipur khuami pakhat le Myanmar mi pakhat sinin 148.36 gram a ritmi bingrang, rupee’s sing 124 man kan tlaih tiah Mizoram palik nih an thanh. Cu bingrang he an tlaihmi pahnih hna cu Manipur, Newlandka khua ah a ummi, Thang Za Mun le Chin ramkulh, Tonzang peng, Dar Khaine khua ah a ummi Lian Lam Khu hna an si. Cu hna pahnih cu, Mizoram palik nih a herh ningin hma an lak hna lai tiah theih a si.

Thih Hlan Lo Thongtla Ding A Si Ko Nain Thonginn In A Chuakmi Misual Pa Myat Htun Meithal Kah A Tong, Mandalay ramṭhen, Kyaukse(ကျောက်ဆည်) peng Than Chet Kone(သံချပ်ကုန်း) khua ah mi thahnak case 2 in thih hlan lo thongthlak dingah biaceih zung nih bia an khiahpiakmi misual pa Myat Htun cu, thonginn in a chuah hnu SAC kuttang pyusawhti phu i rian a ṭuan lioah meithal in kah a tong, tiah tualchung mi hna nih a chim.

Nizaan October 2 zing sml 11:00 ah misual pa Myat Htun cu min hngalh lomi hriamtlai phu nih meithal zun 6 in an kah caah Mandalay sii-inn ah an tlikpi, tiah theih a si. “Anih hi thih hlan lo thong tla ding a si ko nain SAC nih thonginn in a chuah ṭhan. Ralkap he i bawm in khuami hna cu an hrem hna.

Tangka in lente i celhnak(Gambling) le zu dinnak hmun ah ralkap he i bawm in ngunkhuai khawltu a si,” tiah tualchung mi nih a chim. Misual pa Myat Htun cu Meithal zun 6 in kah a ton caah Mandalay sii-inn ah an kalpi i a thih le thih lo theihfian a si rih lo.

Hladaw-Wetlet Lampi Cungah Bomb Lung 30 Leng Kan Thianhhlimh Khawh Tiah SAC Ralkap Nih An Thanh, Sagaing ramṭhen, Shwebo pengkomh, Wetlet peng chungah tualchung hriamtlai phu hna nih an hmanhmi bomb lung 30 leng cu a luanciami ni tlawmpal ah kan thianhhlimh khawh tiah SAC rallap lei nih thawng thanhnak an tuah.

Cu kutser bomb hna cu Hladaw khua in Wetlet lei kalnak lampi ah kan thianhhlimh mi a si tiah an thanhmi ah cun an langhter. Tualchung mi hna nih an chimning ah cun Hladaw khua palik sakhan ah a ummi SAC ralkap phu hna cu, rallam sial in an kal i an tlunlei sakhan luh an i timh ah hin an nunnak humhimnak kong ah an thinphan caah zarhkhat chungah lampi an hrial hi tutan he cun a voihnihnak a si cang tiah BBC ah an chim. Crd-The Chin Post