Chanmyathazi Ah Chungkhar Pafa Meithal In An Kah Hna Pa Bik A Thi
=========
June 23, zan suimilam 9:00 tluk ah pafa Cycle in, inn lei ah a rak tlung mi cu an hnu in a zultu hna nih an inn hmai an phak ah meithal in voithum tiang an kah hna tiah tualchung mi pakhat nih a chim. Inn ngeitu pa bik Myat Htoo hi a lu ah voihnih tiang an kah a fapa hi a hnu lei kengzaang ah an kah ve. An pafa in Mandalay si-inn ah tlikpi colh an si.
A fapa hi a kengzaang ah an kah a hmailei paw in meithal kuan a chuak ṭhan na in a thi lo. Asinain, hringtu a pa Myat Htoo tu cu a lu ah voihhnih tiang an kah i si-inn ah a thi tiah an chim.
Kahthah a tong mi pa bik hi SAC ralhrang he neihniam ngai in a ṭhu dir mi le a kom mi an si pin ah SAC ralhrang nih a kakip in an hman mi si tiah an chim.
Breaking News! Pyusawhti Nih Khua 8 Chungin Mipi Hna Cu Hramhram In Training An Kaiter Hna; A Kai Lomi Paoh Sing 50 Dantat Dingin Nawl An Chuah; Sagaing ramṭhen, Kanbalu in khua 4 le Kyun-hla lei khua 4 in mipi hna cu June 23, nihin ah tonpumhnak an tuahpi hna i, pyusawhti raltuk (Training) cawng dingin an fial hna, tiah tualchungmi pakhat nih a chim. Cu pinah training a kai kho lomi nih tangka sing 50 nan pek lai, tiah hramhram in nawl an chuah, tiah a chim chih.
“Awngbali an zuhter hmasa hna. A hmumi paoh cu pyusawhti training an kaiter hna, nan kai khawhlo ahcun lamhla ummi nan fa le cah hna u law kaiter hna uh. Cu ti nan tuahkhawhlo ahcun tangka sing 50 liam uh. Awngbali a hmu lomi hna nih thlakhat ah tangka sing 1 nan pek lai, tiah nawl an chuah. Cu pinah nihin pyusawhti tonpumhnak hmun ah aa tel kho lomi paoh tangka thonghra dan an tat hna” tiah Burma VJ ah a chim.
Kanbalu peng chung ah Okpho khua, Khinthar khua, Yegyi khua, Ohntaw khua hna an si i, Kyunhla peng in Bhahla khua, Innkaung khua, Myahninkone khua le Tainn- tain-yan khua hna an si, tiah a chim chih. Crd; Lungmili Post