“Bawipa Kan In Bochan Ko Kan Bawm Ko La An Ti;
==========
Chin pasaltha CNA hna cu ralhraang doh dingin phukhat an i thawhtthan hna i an kal hlan deuh,an kal lai te ah CNA Ralbawi a si mi,Pu Solomon nih a nung mi Pathian sinah thlacamnak a ngeihpi hna.A nung Pathian nih him te in chia hna selaw teinak zong pee hraam ko hnaseh.
Hi kong ah van chap rih ka duh mi cu,”CNA pawl nih nikhat ah thla 3 an cam ahcun kan nih a leeng mi nih hin cun nikhat ah voi 10 naak tlawmlo hi kan Pathian sin ah bawmh hal in thla kan cam peng bak ding hi a si.
Mah pumpal hlawhnak kawl le chungkhar kong lawng kan tuaknaak ah kan aiawh in ral a do cuahmah mi hna caah thlacam tiang kan theihlo mi hi a poi bak mi a si. Thlacamnak theitu le a kan let tawntu a nung mi kan Pathian cu thangthat in um zungzal selaw khuaruahhar in a thil ti khawhnak cu Chin Pasalhna cungah langhter ko cang seh.Amen!
Laimi Nih Pathian Zum Bu Te In Nupi Tampi Le Tefa Tampi Ngeih Kan Herh Ko; Pathian nih hin miphun tampi a kan ser i cu a ser mi lakah,Laimi phun zong a duh te in a kan ser mi chungah cun kan i tel ve caah Bawipa cu thangthat in um zungzal koseh.A tu lai miphun hi tlawmte lawng kan si tik ah miphun dang nih a kan ngamh i a kan nehsawh deuh hrimhrim ko ti hi theih khawh a si.
Cucaah kan biakmi Pathian zumbu te in nupi hi a nei kho nih cun tampi nei hna selaw,cu hna nih cun tefa zong tampi kan neih piak hnaselaw,zeitluk khindah a hei tthat hnga,Nupi tampi neih i nupi le cu i rem te le i dawte in um ter khawh le Pathian zumhnak zongah zumtuttha i canter khawh dih ahcun kan Pathian nih a mawhchiat hna hi ka zum lo.
Kan Unau Mizoram,Baktawng khua i a um i 2021 ah a nunnak a liam cang mi,Pu Zion Nghaka nih cun nupi 39 a neih hna i fa hi 94 le tu 33 a nei i makpa hi 26 a neih hna pinah a fa le nih nupi i an neih mi hna hi Monu 14 a nei cang,Inn khat ah khua an satti hna i inn khat ah a um mi hi 181 an si.Pu Zion te nih hin an chungkhar minah,Chhuanthar tiah an i tii,an inn zong cu,Chhuanthar Run,an ti.
Pu Zion nih hin nupi hmasabik a neih ah hin 1960 ah khan a neih i a hnubik i a neih mi hi 1998 ah khan a tthit.Nupi a neih hmasa lio ah hin kum 16 lawng a si ah a neih hi a si.A inn hi dor 4 a si i a tangbik ah hin dal 2 a tuah i a nupi thar paoh cuka ahcun a umter tawn hna.Cun,a nupi lakah ngakchia bik mi cu a ihnak dal pawng te ah a ihter i,a nupi lak i ngakchia bik cu a chang ah a riahter ve.A nupi lakah nikhat ah hin 7 tluk hi cu a bultawl khawh hna.
Khrihfa Bible hi a zum mi an si ve ko i an zumhnak kalpi ning cu,Pa,Fapa,Thlarauthianghlim hi a zum mi an si.Voikhat an ei mi rawl hi Kg 90 an ei i Arsa hi Kg 30 naak tlawmlo an ei.Pu Zion hi kum 77 a si ah a nunnak a liam.
Note:Laimi nih nupi tampi thianghlim te in nei ve hna selaw,cu hna nih cun fa tampi kan neihpiak han selaw Laimi cu hi hnu 50 ahcun Million 1 hi cu kan lonh zau ve kohnga.Nang zeitindek na hei ruah ve ning le na hmuh ve ning a si? Credite; Chin News