Aung San Suu Kyi nih NUG le PDFs pawl ka hngal hna loh, ka dirpi hna loh ati tik ah!
=========
Kan dawtmi nih kan dawtnak a kan hngalh piak lo tik ah kan lung afak tuk tawn. Cuve bantuk cun ASSK nih NUG le PDFs pawl ka hngal hna loh, ka dirpi hna loh ati tik ah, a dawtu cheukhat cu an cekne tiang in a runh hna. An mawh loh! Ayawatti tiva ah thisen tamtuk a luang cang.
An bia le an hla ka rel ah ka zang an fak ngai hna. Velhle dawtnak hi cu……. a rak apoi tuk tawn ko. Chinmi zong zeitik tiang dah Kawl pawl velhle ah hin kan so a pawt le kan i ritpi chih rih lai? A tleumi poh Sui i rel lengmang hi cu, a za cang lo maw? Lungfim can a cu cang lo maw?
Lairam caah cun Awtaw nak in Vakok hi a dawh deuh ko, a hmur a lianhpi zong ah. Velhlethiam Awtaw, na taw na pir na pir i na lam tak tak ahcun na dawh tuk ko nain…..nangcu lawilai ah perh na hmang tawn le Vakok len nak fing le tlang ah cawng rak thai ti hlah, tiah bia cah kan duh. Vakok ram ah aho vanhai loin Vakok lawng lungdiriam tein leng ve cang seh.
Pi Zin Mar Aung pei a mitthmai a chia tuk khi. Awtawpitar caah revolution kan tuah lo, kanmah ca cioah kan tuahmi a si. 1988 in nihin tiang Awtawpitar mithmai zoh in kan t’hudir hna nain kan tum Federal Democracy he kan i naih hlei lo. Cucaahcun Awtawpitar bochan in kan tum Federal Democracy co kan i tiim lo. Kanmah cio te nih hmun kipah kan fight hi Awtawpitar bochannak tinhrik tia hmanh ai tel lo, kanmah le kanmah tu kan i bochan. Awtawpitar cu atu a umnak ah dothlennak kan liim tiang daitein idiin hraam ko seh!
Bama National Party Awtaw group a si.Ni khat khat ah teinak an hmuh sual ahcun Union of Myanmar President zong an tuan lai i a tunak in a zual deuh in Bama -Lumyo -Kyi -wadah in Myanmar cu an uk thiam thiam ko lai. Cucaah tlangcung mi dihlak nih A tu bak ah federal men siloin Independent in dir cia a herh.Awtaw nih kum 75 a kan nawnnok cg caah Vakok lungfim a cu cang.
Suh Ci le MAL Peter nih an bia a ceih hna…Naite ahkhan Suh Ci le Pu MAL (Ma-Ae-Lu tinak) cu Vanram le Hellram ramri Biaceihnak sang bik zungpi ah an tonter hna. Pi Suh cu Hellram lei in an van hruai. MAL cu Vanram lei in mirh zuai in a congtu pawl he a hung chuak ve ko, ti si.
Cu Biaceihzung an chuahpi hnanak zong cu Suh Ci nih MAL taza a cuai ruangah a si. ‘Ralkap misualpa MAL tu Vanram nan kaiter le keimah miding, midik mifel, mifim, mi vialte dawtmi tu Hellram nan ka kuat’ tiah Peter min addressing in complain a tuah hna.
Bia an van ceihpiak ciammam hna. Biaceihbawi Peter nih, “Khah, MAL lubo pa kha ziah Vanram nan kaiter tiah an sihni pawl le biaceihtu pawl cu a van hal hna. Vanram sihni pawl nih, “Hi lubo pa hi, a rak sual cik ko. Nain, anih cu zeidah ka tuah ti aa hngalh lomi, a fim rih lomi pa a si. ‘Vanram si hih, Jesuh cu a ka khamhtu ding a si tiah na cohlang maw?’ tiah bia kan hal le, ‘a si, Jesuh ukmi Vanram ah cun a ka khamhtu ah ka cohlan tuk,” a ti caah Vanram kutka luhnak ticket rak peknak cu a si,” tiah an leh.
Suh Ci kong a van hal hna. “Pi Suh Ci hi bia cu a thiam dom. Sualnak ngai a tuahmi zong a tlawm. Itheihter duh lo sualnak belte a ngei. Cu pinah a vaivuanmi zumhnak a pom, Jesuh nak fiim i aa chiatu a si fawn tikah Vanram he ai tlak lo cemmi tholung bantuk a si. Cucaah Hell congtu sinah a rannak in kan kuatnak a si,” an ti ko ai.
Suh Ci cu a tho hlek le, “Jesuh ka nihsawh loh khah. Jesuh zong Khrihfa pawl pathian a si i Buddha zong Buddhist pawl kan pathian a si ka ti ko khah. Jesuh, Buddha, Muhamed an dihlak in upat awk tlak lawngte an si, ka ti ko kha teh. “Itheihter duh lo sualnak nan timi zong hi a si loh. Keimah tining te khan rak kal hna usih law, Kawlram ah ithahnak le pulrai karhnak vialte zong um lai loh. Vanram nan kaitermi khi lubo lellul MAL ruangah pei rammi tam tuk an thi, harnak an tong, pulrai nih thah dih a timh ko hna cu.
“Mah bantuk misual tu Vanram nan kaiter i keimah bantuk miding mifel, mifim bang hna Hell nan ka thlak ahhin cun, nan zumhnak kong hi ruah ṭhan hau men lai. Nan Pathian Jesuh sinah ka kalpi ulaw, ṭha tein ka chimh lai i a lung fiang ko lai,” a tongh hna.
Peter nih “Hahthio!” tiah thang taktak in a van ithio hnu khin, “Azelaw, Maw Khuazing! Mah hngallo nu! Na theih tirter buu i mipi caah a si kho dingmi lam zulh duh lo kha sual ngan tuk si cuh.
Nan ram thimnak kong ah nan lubo pa halnak kha na tuahpiak lo cun, rammi vialte nih harnak an tuar lai, an nunnak a liam lai ti cu na rak theih tirter ko khah teh.
Na minung pawl nih ti le mi firkhu lawngte. Heh tiah mipi an tuuk hna i anmah tu cu an iduup. Atu anmah tu cu zalonnak ram US lei hna ah an zaam pet te lai ti zong na theih lillel rihmi si khah. Atu hi Jesuh cawnpiak ding zongah na hong chuah si tih.
Nangmah bantuk fim le thiam, bia thiamthiam na hlan in tam tuk an rak chuak cang. Rimram nu, Hellram tu ahkhan Baal sinah, complain na tuah duh le va tuah, appeal hna na tuah duh le vai ituah ko ne, Jesuh tong ding tlak na si lo” a ti deih ko. Vanram congtu pawl sinah Peter nih, “Cawnpiak khawh ci a si lo hih!” “Kalpi zok uh!” a ti deih ko hna.