UFC Ah Myanmar Ram Aiawh In A Hmasa Bik Aa Thong Ding Joshua Van Cu Thazaang Ka Pek Lai__Aung La Nsang
=========
2023, June 24 zan ah Myanmar ram aiawh in a hmasabik UFC ah aa thong dingmi Salai Joshua Van cu thazaang ka pek tlai, tiah Aung La Nsang nih a chim. “Myanmar ram aiawh in UFC ah mi hmasabik na si i, a voi khatnak aa thongding zong na si. Ṭihphannak zeihmanh ngei loin hmai ah kan fong lai, kan in dirpi” tiah Aung La Nsang nih thazaangpeknak bia a chim.
Shwebo Peng Ah Pyusawhti 4 An Kah Hna; Meithal Zun 4 An Laak Chih Khawh__NUG; Sagaing ramṭhen, Shwebo peng, Sin-inn khua ah umhmun a khuarmi pyusawhti 4 hna cu facang phurh dingin timhlamhnak an ngeih lio ah tualchung hriamtlai phu hna nih an kah hna i, an 4 ningin an thi pinah hriamthil hna zong an laak chih khawh, tiah NUG cozah in runvennak vuanci nih nihin, June 21 ah thawngthanhnak a tuah.
Kahthah a tongmi pyusawhti ralhrang 4 hna cu 2023, June 20, nizan zanlei sangah Sin-inn khua le Myin-si khua karlak ah mipi ralkap PDF fonh Shwebo pengkomh Battalion 4 le Sininn khua Pah-kah-phah nih an kahdoh hna hi a si, tiah a langhter.
Mipi ralkap fonh nih an laak chihmi hriamthil hna cu meithal zun 4, kuan fang 296, kut cheh bomb 3, kuan bawm 4 le kuan khamnak ṭang phaw 4 hna an si, tiah NUG runvennak vuanci nih a langhter chih. Crd; Lungmili Post