American Ralbawi Ngan Bik Nih Ralrinnak A Pek!

American Ralbawi Ngan Bik Nih Ralrinnak A Pek!
=========
Ukarain Cu Russia Nih A Kah Taktak Ahcun A Thimi An Tam Tuk Te Lai Tiah American Ralbawi Ngan Bik Nih Ralrinnak A Pek! American i ralbawi ngan bik nih Ukarain ram cu Russia nih luhhnawh in a kah taktak ahcun a thimi an tam tuk te lai tiah ralrinnak a pek hi a si.

Ukarain ramri ah Russia ralkap tamtuk a chiah caah ralpi a daih hnu ahcun a ngan bikmi ralkap thazaang a chiahmi zong a si tiah amah nih cun a chim chih. American runvennak vuanci zong nih Russia nih luhnawh in a kah taktak ahcun Ukarain nih aa venkhawh nakhnga hriamnam bawmnak pe dingin biachahnak kan tuah cang nain cu buainak kong cu ram khat le ram khat i pehtlaihnak phung ningin daihter khawh zong a si tiah a chim.

Russia nih cun Ukarain ram hi tuk ding le luhhnawh dingah timhtuahnak kan ngei lo i, American tu nih Ukarain leikap a dirhkamhpimi hi a kan thihphaihnak pakhat a si tiah sual a phawt ve. Ukarain President nih hi kong he pehtlai in thinphang thlalau in tuah lo dingin thawnglatu hna sinah chimnak a ngeih hnuin ralbawi ngan bik nih atu bantukin a chimnak hi a si.

Ukraine cuh in Russia le NATO ram pawl buainak leiah an panh chin lengmang. Thin a phang pah ziar. Ukraine cu Soviet Union pi a kuai hlan ah chungtel zong a rak si. Ram biapi taktak a si. Asinain a kuai hnuah Ukraine cu amah tein a dir. Caan a kal deuh tikah NATO ram pawl nih a lem lengmang i fonh dengdeng a um cang.

Russia nih Ukraine in Crimea a lak hnu chinchin khan cun NATO ram pawl le Ukraine pehtlaihnak a tha chin lengmang.
Russia a thinphang tuk cang. Hmurka cun a lem khawh ding a si lo caah thazaang bak in lak a timh cang. Cucaah Russia hi aa biatak taktak lio a si.

An karlak cakuat ahcun Russia nih Ukraine hi zungzal in NATO lut kho lo ding in kham u’ a ti hna. Cun Europe in nichuah leiah NATO nih hriamnam le ralkap an chiahmi zong Russia nih lak than ding in a hal hna. NATO ram upa nih press conference ah a chimmi cu “NATO luh a duhmi cu kham phung a si lo. A duhmi poah luh khawh a si” a ti. Kan ralkap le hriamnam kong tu cu ceih dingmi thil an si lo” an ti.

Cucaah NATO leiah aa fonh khawh ahcun Soviet Union kuai thawng pi kha Russia caah cun a thar in a thang than ding a si caah tei a rial kho men. NATO ram pawl nih teh Russia ngamh zat an ngamh lai maw? Zeitin dah an karlak ahbia an thluk te lai timi theih kan duh cio ngaimi a si.

A taktak ni le caan a phanh tik i NATO ram pawl nih an ti te lai tiah ka ruahmi cu: (Hruaitu nem an si caah) Ukraine hi NATO ah kan luhter lai lo. Amah tein a um ko lai. Cucaah nanmah (Russia) zong daite in kir ko ve ko u an ti lai i a dai te men lai tiah ka ruah. A libhsat ruk lio a si i ka ruahnak tawite in.

Biden: Ukraine na tuk ahcun fak taktak in lehrulhnak kan tuah lai! Russia nih Ukraine a tuk ahcun fak taktak in lehrulhnak kan tuah lai tiah US president Biden nih a chim. Russia nih hin Ukraine ramri ahhin a ralkap 150000 lengkai hriamnam tling te he a chiah cang hna. Cu a ralkap vialte cu Ukraine ram i a luh ter hna ahcun vawlei cung thil sining tampi ai thleng kho tiah Biden nih cun a chim.

US nih hin a herh si ahcun kan ralkap le NATO ralkap pawl Ukraine ram i chiah ding ah buainak kan nei lo i, amah Russia president Putin pumpak zong hi fak ngai in phihkharnak kan tuah lai tiah a peh rih. “Russia nih hin Ukraine ram ah amah duh poh in tuah khawh mi cozah dirh a duh” tiah British nih cun a langhter.

Russia nih hin US le NATO ralkap pawl Ukraine ram chung luh ding hi a ttih ngai mi a si. Cun Ukraine nih NATO member sinak a sok mi zong cohlan lo ding in heh tiah a buaipi. Asinain NATO member i cohlan kong ah Russia nih nawl a ngei lo tiah NATO lei ttuanvo ngeitu nih an langhter.

Russia le Ukraine buainak a zual, UK nih a embassy rianttuantu cheukhat a lak cang hna! Russia le Ukraine buainak cu a rak sosa tuk cang, ai kap kho colh dirhmun ah an dir ko cang. Russia nih a hriamnam nganpipi cu Ukraine ramri ah ready tein a dir ter cang hna, Russia hi Ukraine caah cun zeitihman in tei awktha asi lai lo timi cu aa fiang caah NATO nih biatak tein Ukraine cu an dirpi ve.

Denmark, Spain, France le Netherlands nih cun Vanlawng le tilawng Eastern Europe leiah an kuat colh ve i Joe Biden nih ralkap 10,000 tluk kuat dingin timhlamhnak a ngei ve, UK nih Russia i a Embassy pawl cu a auh dih colh ve hna. Nuclear War a chuak sual lai maw timi hi thin dom in mifim tampi nih an cuanh cio lio asi.

Tulio vawlei cung a buaitertu pakhat a si mi Russia le Ukraine buainak a san chin lengmang ruangah UKnih a embassy rianttuantu cheukhat a ram ah a kirter hna tiah Aljajeera nih a ttial. UK nih hin ruah lo piin ral tho kho dirhmun bantuk ah a ruah caah a rianttuantu cheukhat a lak hna nak hi a si.

Russia nih cun Ukraine he an i ramri ah a ralkap nuai 1 bak a chiah cang hna. Cun NATO zong nih vawlei cung raltuknak vanlawng ttha bik zei maw zat le raltuknak tilawng zong blacksea lei ah a kuat ve cang. UK nih hin a ralkap zei maw zat zong tuan deuh pi khan a chiah cang hna. Tutiang ahcun ralkap dang chiahchap cu ai tim rih lo tiah a langhter. Credit: Luther Tin Hre, Suimilam Media