Aizemaw Ka Thin A Fah Cu Dah; Hngakchia tete kha lungfim tein an thaw a cat e an ti e!!

SAC Ralkap Nih Drone In Bomb An Thlak Caah Buanlung Khuami Ngakchia Pahnih An Nunnak A Liam
================================
Chin ramkulh, Hakha peng, Buanlung khua chungah nihin October 19 zanlei sml 3:00 hrawngah SAC ralkap nih drone in bomb an thlak caah Buanlung khuami Henry Bawi Za Lian(kum 6) le James Siang Za Uk (kum 7) an nunnak a liam, tiah theih a si.

Hi ngakchia pannih hi KG 2 an si i, sianginn in hawi hlan an tlung chung. An tlun lei ah SAC ralkap nih bomb an thlakhnawh hna caah Henry Bawi Za Lian le a upa James Siang Za Uk cu an nunnak a liam. Ngakchia nu pakhat hliamhma a pu, tiah theih a si.

Buanlung khuami pakhat nih, “Bomb a puah lai ah kan inn chanpheo ah pakhat khat a tlami a lo, ngakchia nih maw lung in an cheh hnga ka ti i, innleng ka chuak i ka zoh lai ka ti ah bomb cu a puak ko,” tiah a chim. A nunnak a liammi Henry Bawi Za Lian nih SAC ralkap nih an thlahmi drone a nakmi a hmuhnak kong nizan ah a ka chimh i, nihin ah bomb puahnak in an nunnak a liam ti thawng kan theih cu ka ngaih a chia tuk, tiah pitar pakhat nih a lung fahnak a chim.

Voidang zong ah SAC ralkap nih Buanlung khua chungah voithum li hrawng drone an rak thlah cang, tiah khuami pakhat nih a chim. Bomb puahnak in a nunnak a liammi Henry Bawi Za Lian le James Siang Za Uk hi an nule unau an si, tiah theih a si.

Ahodah Ṭah Thawng A Ngai Ngam Lai, Thatho tein sianginn an kai i, Thatho tein inn lei an panh ko nain, Sunghno a nu inn an phan manh lo . Sianghnuai bei in ABC cawng hna, Thatho tein inn lei an panh nain,, Lawm tein inn an phan manh lo. Siangruun kai a nuam an ti lioah, Zei khuaruat kho rih lo mi, Dawt tuk mi fa sunghar hna cu.

Ralhrang nih an hrilh hna maw …, Dome manh lo tein pakhat cu a liam ai. Launak le ṭihnak he an khat ve ko lai mu. Fak tuk a tuar hnu in pakhat nih a zulh ve. An unau tein an ṭil ee…. An tlei hnga maw tiin, Sunghno nu le chungkhar cu, An mit a vai cang lai. Fahniang an kawl lai nain an hmu ti hna lai lo.

Maw vawlei tiin an hrum lai mu, Sunghno nu ṭah thawng cu ahonih ngaingam hnga maw. Hi uknak ṭhalo nih hin. Zei can dah fahnak a kan pek lai, Zei can tiang dah mitthli a tlakter lai. A rauh hlan ah luatnak hmuh kan duh ko Maw Bawipa .Crd-The Chin Post

Hngakchia tete kha lungfim tein an thaw a cat e an ti, Hngerhte seh hmah ah ka nu ka pa tiin an fahnak a chim tawn mi tete kha, an tuarmi hma nih an nunnak a phatzo ter kho hna lo, Thi le hnai he Lam cung ah an ril lai mu fa nu fa pa ro sung tete kha. Crd-Mai Emily

Ai ze Maw ka thin a fak tuk ee hring tu nu le pa le u nau zei tluk in hme an lung thi akuai lai iIA fak tuk hring hran eebp Jesus kri nih hnem ko hna seh Jesus min in an ngei chiat nak kan in hrawm pi hnazei hmanh tuah piak kho mi kan ngei lo ee A fak tuk eeka ruah kho lo ee.

Relchap, Kyaukkyi Pengah Rallam Sialmi SAC Ralkap Bomb Puahhnawh An Tong, Minung 4 An Thi, Pegu ramthen, kyaukkyi pnegah rallam sialin a kalmi SAC ralkap hna cu bomb puahhnawh an ton caah minung 4 an thi tiah theih a si.

October 18 zinglei suimilam 6 hrawngah Nyaungpintha khua ah umhmun khuarmi SAC ralkap 100 tluk cu Deikpung tiva kam an phanh ah bomb puahhnawh an ton hi a si i minung 4 an thih hlei ah minung 3 fak ngaiin an i hliam tiah tualchung hriamtlai phu hna an thanh tiah theih a si.Rallam a sialmi SAC ralkap bomb puahnawh an si ca ah a bawmtu ralkap zong an rat khawh bantukin kaphnih kar kahdohnak a chuah khawh than caah mipi umkal i ralring dingin mipi sinah theihternak zong an tuah tiah theih a si.

Yinmapyin Peng Ah SAC Ralkap Nih Helicopter In Hriamngan An Thlah Caah Naupawi Lio Nu Pakhat Telhin Minung A Nunnak Liam, Sagaing ramthen, Yinmapyin pengah October 19 zinglei ah SAC ralkap helicopter 6 nih khuate kip ah kahdohnak um loin an duh poah in hriam a thlah caah naupawi nu pakhat telhin nu pahnih an nunnak liam tiah theih a si.

Nu pahnih an thah hna pinah khuachung um mi pa 100 hrawng an tlaih hna i an kalpi hna tiah min langhter duh lomi pakhat nih a chim. Zingka ah an tlaih mi pa cheukhat cu zaanlei ah an thlah than hna tiah theih a si. SAC ralkap helicopter nih a kahnak khua han cu Yinpaungtaing, Pyaoo, Pahtotha, Nuitan, Ngaungtan khua hna an si tiah theih a si.

SAC Ralkap He I Kahdohnak Ah MSRO Hruaitu Pakhat A Nunnak Liam, Mon ramkulh, Yee khuapi, Yephyutaung khua um palik sakhan pakhat kah dingin an kal hnu an kir lei ah SAC ralkap nih an rak bawh hna i MSRO le SAC ralkap kar kahdohnak a chuak i MSRO hruaitu pakhat a nunnak a liam tiah theih a si.

October 17 ni kahdohnak ah MSRO hruaitu Ko Thi Ha Soe a nunnak a liam mi he pehtlaiin Ko Ma Ka nih “palik sakhan kan va kah i tlamtling tein hnu kan pil, asinain kan pil pah ah ruah loin SAC ralkap nih a kan erhtonh i kaphnih kar kahdohnak a chuak than, cu kahdohnak ahcun kan hruaitu nih a kan liam tak hi a si” tiah a chim tiah theih a si.

“Cycle a ngei mi minung bawmh kan hal hna, a hlan in nan sian lo hmanh ah a cawk in kan in cawk hna lai tiah kan ti leen ko hna nain zeirel loin a kan um caah kan hawipa a nun kan chanh manh lo mi a si” tiah a chim chap. Tutan kahdohnak ah SAC ralkap leiin Bohmu pakhat le ralkap pakhat an i hliam tiah theih a si.

Monywa Ah Mino I Sikvuaknak In Meithal Kahnak Tiang A Chuak, Minung 3 An Thi, Sagaing ramthen, Monywa khuapi chung lakphak dawr pakhat ah October 19 ni zaanlei sangha mino pakhat le pakhat biaelnak in i sikvuaknak tiang a chuah lengah meithal kahnak tiang a chuah caah minung 3 an nunnak a liam tiah theih a si.

“Nihin zaaneli suimilam 3 hrawngah a si, lakphak dawr ah cycle pali in minung 6 an rak phan, lakphak an din pah ah anmah le anmah biaelnak a chuak, cu hnuah i sikvuaknak a chuak i mino pakhat pa nih meithal a hun i chuah i a kah hna caah minung 3 an thi, midang cu cycle an i cit i an kal” tiah thil sining cang a hmutu pakhat nih a chim tiah theih a si. Minung 3 an thihnak ah cun SAC ralkap pawl an rak phan i checkhlatnak an tuah, cun a thimi minung 3 ruak cu an laak i an i kapi tiah theih a si.

Taze Peng Kahdohnak Ah SAC Ralkap 8 An Thi, Sagaing ramṭhen, Taze peng Kankalaykone(ကံကလေးကုန်း) khua ah October 19, chun suimilam 12:00 hrawng ah rallam sialtu SAC ralkap le PDF kar kahdohnak a chuak i SAC ralkap 8 hrawng an thi, hliamhma tuar an tam tiah theih a si. Cun Taze peng Kanhtomah(ကံထူးမ) palik sakhan kahdoh an ton caah palik 3 an thi tiah Taze PDF nih an chim.

Minung thazaang 120 hrawng he rallam sialtu SAC ralkap hna cu Taze PDF Shwebo pengkomh battalion 6 le battalion 7 nih an bawh hna i an kahdoh hna caah, kaphnih kar kahfohnak fak a chuah hi a si tiah hmaikal ralkap hna nih an chim.

Taze peng Kanhtomah(ကံထူးမ) palik sakhan cu Shwebo pengkomh battalion 25 TPC phu nih October 19, chunhnu suimilam 2:00 hrawng ah hriamngan in an kahdoh hna caah sakhan chung ummi palik 3 an thi, sakhan-hmu hliamhma a tuar tiah theih a si.

Yatehtaung Pengah Tang Sarih Kai Lio Mi Ngakchia Nu Pakhat Hriamngan Nih A Hliamhnak In A Nunnak Liam, Rakhine ramkulh, Yatehtaung peng, Pingtaw khua ah tang sarih a kai lio mi ngakchia nu pakhat cu SAC kahmi hriamngan nih a khen caah a nunnak a liam tiah theih a si.

Kum 17 a simi Mah Ngein Ngein San cu October 19 ni ah SAC kahmi hriamngan an inn hmun chungah a tlak caah atu bantukin a nunnak a liam hi a si. Cupinah October 19 ni ah Kyauktaw peng Pingnechaung khua ah SAC kahmi hriamngan a tlak caah minung pahnih hliamhma an tuar tiah theih a si.

Matupi Ah Fimcawnnak Zung Lutlai Thah A Ton Hnu In Sianginn An Khar Lai, Chin ramkulh, Matupi ah fimdawnnak zung lutlai U Tin Luai cu October 16, zaan suimilam 8:00 hrawng ah a umnak inn ah meithal kah in thah a ton hnu in Matupi ah zarh khat chung sianginn an khar lai tiah theih a si.

Matupi ah U Tin Luai ruak vuinak an tuahni cacawn nikhat ni ah sianginn an khar, a thaizing ni hnih ni zong sianginn an khar ṭhan. Cun a ra lai mi zarh khat chung sianginn an khar lai tiah theih a si. Matupi khuachung ah cun sianginn dihlak an ong lo na in, Laungvang sang no.1 siangsangrun le Sanpiah sang ummi no.2 siangsangrun tiin sianginn 2 lawng an on khawh tiah theih a si.

Fimdawnnak zung lutlai thah a ton hnu ah phungning tein sianginn kan khar tiah thawng thanhnak an tuahlo na in, nu le pa zong nih an fa le sianginn ah an kalter hna lo tiah tualchung mi nih an chim.

India Ram Ah Ai Dor Mi Ralzaam Cazin 48000 Renglo A phan, Kawlram buaibainak ruangah India ram Mizoram ah a luancia September thla zarhkhat chung teah i dor dingin a phan mi hi minung 1800 renglo an si i nihin tiangah ralzaam dihlak minung 48000 renglo an um cang tiah UNHCR nih a langhter tiah theih a si.

“SAC ralkap le CDF kar kahdohnak ruangah Chin ram le India ram ramri zawn ummi Mizoram chungah nifatin in ralzaam dingah a phan mi an karh” tiah Mizoram a phan mi ralzaam bawmhnak tawlreltu pakhat nih a chim tiah theih a si.

Mizoram chungah ralzaam sak mi hi a dih lak 30 hrawng a um cang. “Hika kan phanh tikah zing zaan pawcawmnak kongah kan lungre a thei, cun sii ai kan i zalh khawh lo ca ah le kan fale sianginn kainak a harsat deuhnak kongah kan lungre a thei ko” tiah ralzaam pakhat nih a chim.

Kakay, Hticheik Le Matayar Peng Kahdohnak Ah SAC Ralkap 21 An Thi, Sagaing ramṭhen, Kalay peng Kalay-Tamu lampi ah SAC ralkap motor le ke in rallam a sialmi SAC ralkap pawl cu, bomb kan puahhnawh hna caah ralkap 3 an thi, tiah Kalay-PDF nih an langhter.

October 17 zinglei sml 7:30 ah Kalay-Tamu lam meng 55 aa hlatnak ah SAC ralkap motor 2 le ke in rallam a sialmi ralkap pawl cu, Kanhla khua chaklei hlei pawng an phanh ah PDF nih minutes 20 chung hrawng an kah hna, tiah theih a si.

Zing sml 10:00 hrawng ah Myalay Taung pura pawngah SAC ralkap cu Kalay PDF Battalion 3, Zomi PDF Battalion 8 le 12 hna nih bomb an puahhnawh hna caah SAC ralkap 3 an thi, tiah Kalay-PDF nih cun an langhter. Cun Sagaing ramṭhen Hticheik peng ah SAC ralkap pawl cu voli tiang bomb puahhnawh an ton caah ralkap 15 hrawng an thi, tiah Special.9-HPDF in ṭuanvo ngeitu pakhat nih a chim.

October 17 zing ah SAC ralkap cu Takaung lei ah humhimnak lak ding in an kal i zanlei sml 3:00 hrawngah ke ruk ngei motor in an tlun lei ah bomb puahhnawh an ton hi a si. Cun Mandalay ramṭhen, Matayar(မတ္တရာ) peng Gyianikan(ကြာနီကန်) khua le Htitawmoe(ထီးတော်မိုး) khua karah SAC ralkap motor cu nizan October 18 zing sml 11:20 hrawngah bomb puahhnawh an tong, ralkap 3 a thih hleiah 5 hliamhma an pu tiah theih a si.

Tatma 44 In SAC Ralbawi Colonel Win Min Oo cu Nihin October 19 Kahdohnak Ah A Thi, Mon ramkulh, Kyeikhtu(ကျိုက်ထို) peng hrambunh No. 441 Nah Bah Hah 441 in beohahmu(ဗျူဟာမှူး) tuan mi SAC ralbawi Colonel Win Min Oo cu, nihin October 19 zinglei kahdohnak ah a thi, tiah theih a si.

“Colonel Win Min Oo cu nihin October 19 zing sml 9:00 hrawngah sniper kut in Shwe Nyaung pin pura tlang ah a thi. A chungkhar cu nihin zinglei ah thawng an thanh hna. Win Min Oo cu ralkap sianghleirun in cawnnak a dihmi a si i, sianginn a dihnak hi thlahnih hrawng lawng a si rih,” tiah a chungkhar he aa naihniam mi hna sinin theih a si.

“SAC ralkap nih Brigade 5 hmunram chungah rallam an sial caah October 18 zan in nihin tiang kahdohnak a chuak,” tiah KNLA he aa naihniam mi pakhat nih a chim. SAC ralkap chung in Battalion Commander le Second Battalion Commander lawng kahdohnak chungah an thi i, Colonel a simi ralbawi a thimi an um bal rih lo, tiah CDM ralkap pakhat nih a chim.

SAC Ralkap Nih Lungthin Hawi Tluk Lomi CDF-Kanpetlet Ralkap Pakhat An Tlaih, Chin ramkulh, Kanpetlet khua chungah umhmun khuarmi SAC ralkap nih, lungthin hawi tluk lomi(lungthin tlamtling thlu lo) CDF-Kanpetlet ralkap pakhat cu October 17 zanlei sml 2:00 hrawngah an tlaih, tiah CDF-Kanpetlet sinin theih a si.

Tlaih a tongmi CDF-Kanpetlet ralkap pa hi an inn ah a tlung i, a caam chungah SAC ralkap nih an tlaih i an hrem tiah CDF-Kanpetlet nih an langhter. “SAC Helicopter kan kah caah khua chungah checkhlatnak fak ngai in an tuah. Atu an tlaihmi zong hi lungthin lei in hawi tluk lomi a si. SAC ralkap nih hremnak phunphun an tuah khawhmi a si caah khur chungah nan um lai, tiin mipi sinah CDF-Kanpetlet ṭuanvo ngeitu pakhat nih ralrin a pek hna.

CDF-Kanpetlet nih SAC Helicopter an kah hnu in Kanpetlet khua chungah SAC ralkap nih checkhlatnak ṭha tein an tuah, tiah tualchung mi hna nih an chim. CDF-Kanpetlet ralkap pakhat cu SAC ralkap nih an tlaih caah tualchung mi an thin a phang ngaingai. SAC ralkap nih Kanpetlet khua chung in meng 6 a hlatnak ah hriamngan kan kah lai an ti, tiin thawngpang a len caah tualchung mi hna cu a himnak hmun ah an zam hna, tiah theih a si.

SAC Ralkap Nih Ngazun Peng Ah Tualchung Mi 5 An Thahmi Hna Ruak Cu Anmah Lila Nih An Char Ṭhan, Mandalay ramṭhen, Myingyan pengkomh Ngazun peng Kula khua chak ah SAC ralkap nih tualchung mi 5 an thahmi hna ruak cu, motor 3 in October 17 zanlei ah an hlonh hna hnu, nizan October 18 zinglei ah SAC ralkap nih an motor nih an char ṭhan hna, tiah theih a si.

“Tualchung mi 5 cu an ban an leh hna hnuah an thah hna. Hmundang ah an thah hna i kan khua chak ah an hlonh hna. An ruak pawng ah thi le hnai tu cu kan hmu lo i kan khuami cu an si lo. Ngazun khua lei ah SAC ralkap nih October 18 zinglei ah an kalpi ṭhan hna,” tiah Ngazun peng Kula khuami pakhat nih a chim.

Thah a tongmi hna cu mino lawngte an si i cu chungah pa 4 le nu 1 an si. Thah a tongmi hna hi mizeidah an si ti cu hngalh a si rih lo, an hlathlai cuahmah lio a si, tiah theih a si. SAC ralkap nih an thahmi hna nino 5 ruak cu motor 3 in an hlonh hna lioah meithal zong an puah len, tiah Simikhun News nih an langhter.

Bilin Toll Gate Hlun Kahdohnak Ah Palik Bawi Pakhat A Thi, Mon ramkulh, Bilin peng Daukyet(ဒေါက်ရပ်) khua um Shwe Thanlwin toll gate hlun pawngah a ummi SAC ralkap check gate kah an ton caah palik bawi pakhat a thi, tiah tualchung mi hna nih an chim. SAC ralkap check gate cu a luancia October 17 zanlei sml 9:00 hrawngah KNLA ṭangṭi phu hna nih naih tein an kah hna, tiah theih a si.

Suimilam a cheu chung kaphnih kar kahdohnak a chuak i, Bilin peng palik bawi Aung Myint Sein a thih hi a si. Palik bawi Aung Myint Sein ruak cu Bilin sii-inn ah an kalpi i, nizan October 18 chun ah SAC ralkap nih Bilin palik sakhan ah an ṭhial ṭhan, tiah theih a si.

Muse Ah SAC Ralbawi Lieutenant Colonel Pakhat An Kah I A Thi, SAC Ralkap Nih Checkhlatnak An Tuah, Shan ramkulh, Muse khua ah nizan October 18 zanlei sang ah SAC ralkap Battalion commander, Lieutenant Colonel pakhat cu hmuahchih in an kah i a thih caah SAC ralkap nih Muse khua chungah mi chawkvai checkhkatnak an tuah, tiah tualchung mi hna sinin theih a si.

Nizan October 18 zanlei sml 3:35 ah Shan ramkulh, chaklei Muse peng meng 105 a hlatnak Tungkhan(တုန်ခန်) khua ah SAC ralbawi Lt. Colonel cu, motor a remh lioah hmuahchih in kah a ton hi a si, tiah theih a si. “Anih hi Battalion Commander Lt. Colonel a si.

Shan ramkulh, Hluttaw Palai pakhat zong a si i a min cu fiang in hngalh a si lo,” tiah Muse khuami pakhat nih a chim. Muse peng ah a luancia October 6 zanlei ah peng biaceih bawi Yarzar Min Soe zong an kah i a rak thi, tiah theih a si. Crd-The Chin Post

Hakha sizung in leiba cawh ka kal cu ngaih chia ngai in kir than ka hlawh ko!! October 19,Hakha sizung in leiba cawh ka kal cu ngaih chia ngai in kir than ka hlawh ko, Kanram tu lio zeitluk in kan har le, thil man fak le,rian um lo he lungrawk tuk a si lio ah hin kum hnih deng rau cg mi kan rian tuan man te hal ding in Sui Hakha company ah ka kal,

Mah leiba hi cawh kai tim ti lo mi si ko nan tu hi ka nu damlo tuk in khuai a hau lai ti a c si tik ah paisa kan herh tuk cah kan hlawh mante hal dg in ka kal cu hngal ngai in a ho hman phaisa pe lo in kan um bal lo tin’ an ra ka chawn i, kan pa te chung hi a sifak ngai mi an si cah Hakha ,

Thantlang tiang rian tuan in ai hlawh mi tangkaa ting hnih cu cawh awk an tha ti lo, kan chan hi a mak ko,mi sifak nih mi rum hna phaisa va thenh hna phung a c rua, ka ngaih chia tuk cah ka rawn tial mi si le ra ka theih thiam piak uh. Crd-Iang Iang