AA Ralkap Nih Chin State, Paletwa Peng Chung Dalatme khua ah Gate an on

AA nih Chin State, Paletwa Peng Chung Dalatme khua ah Gate an on
===============
AA cu kan hnu lei vialte kha kawl ralkap a do bik tu an si i, Rakhine ram lawng ah si loin Chin State Lairam chung Paletwa peng zong ah bia tak tein an do.(Paletwa peng cu Khumi-Chin tam bik umnak asi caah Khumi ram a si, an holh cun Khumi Prie an ti.). An doh kaa ahcun bangladesh ramri le India ramri lei kap deuh ah a si nain a hnu ahcun strategy an thlen i ralkap pawl umnak sakhan kam lawlaw le an umkalnak kaladan tiva pi lawlaw ah an mah nih an rak fuh lawlaw hna. Ralkap sakhan pakhat le pakhat hmanh i hlat kho ti lo ding in an kham lawlaw hna.tahchunhnak ah Thantlang peng cu hei si seh law Lungler sakhan Thangthlang sakhan Vuangtu lei sakhan pawl khi pakhat le pakhat hlat kho lo in an tuah hna hnga ti nak khi a si. Aruang cu a karlak vialte ah a thuat thuat in AA kha an um.

Atu i Daletme Khua hi Rakhine khua a si i tanghra sianginn le Palik sakhan a umnak zong a si. Thantlang peng ahcun Hmawngtlang khua bantuk khi a si hnga. Nain Palik pakua hra lawng umnak pawl kha AA ral ttih ah an zam dih i, a tu ahcun AA nih cu khua ahcun phungning in gate kan on ti khi an si… a poi bik mi cu a thlang lei ah tawngpyo khua thok in in a chaklei ah ralkap sakan a umnak Taronai khua tiang i a ummi khua bawi or kuzale pawl kha an kawh hna i, an khua cio ah commitee an ser piak hna. Khua khat ah minung pahra duahmah committee ah an ser hna… cu pawl cu AA caah rian a tuan piak tu ding hna an si. A ngai ngai tiah cun Khumi-Chin Paletwa ngeitu bik kan mah miphun pawl tu nih cun an fih bik mi a si…. AA uk le Rakhine uk hrim an duh lo…. nain Ralkap zong nih zei ti hmanh in AA a tei lo pin ah a dang a ho hmanh nih a dir kamh kho tu an um ve lo tikah AA hmai ah an lukhun buin an fialmi hna poah ‘um’ le ‘e’ ti piak dah lo a tang ti lo…. Paletwa cu Rakhine state a si ti tiang in an ti i, cucu kan cohlan tinak ah an kut hoi hna an thlir ter hna ti a si… hihi a sawhsawh a si lo… a hram thok tein AA nih an rak aupi peng mi a si.

Atu lio boruak ahcun a hlannak hmanh in Ralkap nih AA hi țtih deuh hna seh law a lo… Rakhine ram vialte zongah highway tibantuk ah AA an khat ti a si… Paletwa zong ah cun a tu kan chimnak Daletme khua sawh sawh ah si loin in pyochaung lei khua vialte le hmun dandang zong ah an um ko… a tu gate an hunnak bang hna cu hmun laili a si pin ah an hei huapmi hna khua hi a tam tuk. Committee an ser piak mi hna khua hi a tam pah… a dikthliar cun ka thei ve lo.. a poi bik mi cu official phun in kan tuah ti khi an si.. cu hlan zongah AA cu a duhnak paoh ah an um ko.. a Paletwa Khuapi 289 tatyin hmanh kha ti hmanh than ngam lo in an rak tuah ko hna i Khuami pawl tu an rak than ter hna.. tithan mi zong cu AA nih an rak tlaih hna ruangah a donghnak ahcun motor in kaladan tiva ti kha an dawp lawlaw.. a tu zong ah an duhnak paoh ah an um an kal ko. Nain Official phun in an cawlmi hi țih nung chin cu kan caah a si.

Cucaah cun Laimi nih cun AA hi ralrin zia kan thiam hna lo ahcun Paletwa cu an kan chuh thai ding phan a um… a tu hmanh khi chuh ti ding a si cang nain zapi nih cun chuh tiah cun official theng te i Rakhine state ah a um cg van ti theng kha an hngak tawn….kan i ruah ning bantukin a cang lem lai lo hi kong ah cun.., Laimi nih AA kan uarnak hna ding cu cu hlan ALP lio ahcun tlangcung army lakah Rakhine Army cu a der bik ah an i tel peng nain AA nih a thar an dirh thokin a thawng bikah an i cang mi lawng hi fak awk an um. A dang kong ahcun Kawl ralkap tluk tein kan caah ral an si ve ko…a phun sawh aa dang i a si. Credit: Siang Lawm Hmung